Archive

Archive for the ‘7.10 – Fiadanana sy fifaliana’ Category

549 – Jesosy no asandratro

August 3rd, 2009 njakaprisca Comments off

1. Jesosy no asandratro,
Fa Izy no Mpanavotro,
Ny tànany nanafaka
Ny aiko tao an-davaka ;
Ny rafiko ho ketraka,
Izaho afa-kenatra,
Fa manana ny Tompoko,
lzay mandako sy aroko ;

Fiv : Ry foko ô! Ankalazao
Jesosy, lzay Mpamonjinao.

2. Ny tsiron’ny fiainana
Ananako sahady re,
Fa efa mby an-tànana
Ny famonjena lehibe;
Ny ranon’aina azoko,
Ny mofon’aina haniko,
Sakafo mahatanjaka,
Mamelona ny reraka;
Ry foko ô! sns…

3. Ny rany no anjarako,
Ny ainy no fananako ;
Ny lanitra ho lovako,
Ny tany dia hilaozako;
Ny ota tsy hanaraka,
Ny ady dia ho tapaka,
Ny aloka ho tapitra,
Fa ao ny tena zavatra ;
Ry foko ô! sns…

4. Ny hanitry ny lanitra
Mamerovero fatratra ;
Ny kalon’ny voavotra
Manatsika ahy hiakatra;
Ny tavan’ny Mpamonjiko
No tsinjon’ny fanahiko,
Ny tavany manafaka
Ny aizina ao anatiko :
Ry foko ô! sns…

5. Ny masoko mibanjina
Tahaka ny mpiambina,
Maniry ny Mpamonjiko
Ho tafahaona amiko,
Izaho hovimbininy
Hipetraka eo anilany,
Hanao ny hiran-danitra
Sy honina finaritra ;
Ry foko ô! sns…

548 – He, Jehovah no Mpiandry ahy

August 3rd, 2009 njakaprisca Comments off

1. He, Jehovah no Mpiandry ahy,
Tsy mba misy hatahorako;
Raha izy no mitondra ahy
Ahi-maitso no handriako.
Eny, fa ny tany karankaina,
Dia hody saha lonaka,
:,: Ary ao amoron-dranon’aina
Hialan’ny foko sasatra :,:

2. He, Jehovah no Mpitarika ahy
Amin’ny alom-pahafatesana,
Koa tsy ho kivy ny fanahy
Noho ny aloky ny fasana
Hianao, ry Tokiko irery,
No hiara-dia amiko.
:,: Ka ny tsorakazonao mahery
No hanafaka ny tahotro :,:

3. Amelaranao latabatra aho
Eo imasom-pahavaloko;
Namboaranao kapoaka aho,
Mampahery sy mahafa-po;
Eny, indrafo tsy hita lany
No hiaraka amiko izao
:,: Mandra-pahatongako ho any
Amim-pahazavan’ny tavanao :,:

547 – Ry Jeso Masoandronay ô!

August 3rd, 2009 njakaprisca Comments off

1. Ry Jeso Masoandronay ô!
Ny aizin’ny fo lasa tokoa
Fa tonga aty anatinay izao
Mazava lehibe.

Fiv : Eny, Jeso! Zoky be fitia,
Soa lehibe no nentinao taty,
Avy izahay, mba hisaotra Anao
Noho ny fitiavanao.

2. Vangianao ny tokantrano
Ka menatr’ ery, kaody sy lao
Ny fomba ahitana angano
Izay tsy mba sitrakao.
Eny, Jeso! sns…

3. Mpanjaka Fiadananay ô
Ekena tokoa ny herinao :
Ny sabatry ny firenena
Hatao fangady izao.
Eny, Jeso! sns…

4. Ry Jeso Tompo tia anay ô!
Misaotra Anao izahay izao
Fa henika ny hasoavanao
Izao tontolo izao.
Eny, Jeso! sns…

546 – Haleloia, Haleloia!

August 3rd, 2009 njakaprisca Comments off

1. Haleloia, haleloia!
Jeso no Mpamonjiko,
Haleloia, haleloia!
Afaka ny heloko.
Sambatra aho tretrika aho
Ahy re ny lanitra,
Haleloia, haleloia!
Jeso no Mpanavotra.

2. Haleloia, haleloia!
Ravoravo re ny fo.
Haleloia, haleloia!
Jeso re no soloko.
Afaka aho, afaka aho,
Levona ny otako;
Haleloia, haleloia!
Lanitra no lovako.

3. Haleloia, haleloia!
Matokia hianao.
Haleloia, haleloia!
Maty mba ho solonao
Jeso Tompo mahatoky,
Ry mpanota very ô.
Haleloia, haleloia!
Raiso ny famindram-po.

545 – Endrey izany hafaliana

August 3rd, 2009 njakaprisca Comments off

1. Endrey izany hafaliana,
Fa velona aina izahay;
Tanteraka ny faniriana,
Ka dera ho Anao ry Ray!
Atolotray tokoa ny tena,
Mba ho fanati-tsitrakao,
Satria manaiky sy ekena
Ho tonga olom-baovao.

2. Ny tanindrazanay malala,
Ry Jeso Tompo, anjakao
Hiorina eto, tsy hiala,
Ny fiadanana entinao!
Ny aizin’ota anie hisava,
Ny fahantrana koa handao,
Fa ho tarafin’ny Mazava,
Hanjary tany vaovao.

3. Ny fiangonanao angony,
Fanahy ô, ho tena iray,
Ka tsy hizarazara intsony
Fa Hianao no mampiray.
Dia ho fanasina, fanilo,
Ho an’izao tontolo izao;
Hijoro, tsy handraraka ilo,
Hitafy toetra vaovao.

544 – Misaora an’i Jehovah

August 3rd, 2009 njakaprisca Comments off

1. Misaora an’i Jehovah,
Miantsoa ny anarany,
Mitoria ny asany,
Amin’ny olombelona.

2. Ambarao ny fiantrany,
Lazao ny famindram-pony,
Fa mahagaga antsika
Ny fitiavany antsika,

3. Mpanota tsy naringana,
Very mana-Mpanavotra,
Maty ka nomeny aina,
Ho velona mandrakizay.

4. Ry Andriamanitray ô!
Ry Jesosy Mpamonjy ô!
Ry Fanahy Masina ô!
Vonjeo ny olona ory,

5. Fa zohy no itoerana,
Lava-bato no ierena
Fa indrafo no ifalian’
Ny mpivahiny mandalo.

543 – Mihoby ny fanahiko

August 3rd, 2009 njakaprisca Comments off

1. Mihoby ny fanahiko,
Fa voavonjy izao;
Ny ratran’ny Mpamonjiko,
No misy aim-baovao.

Fiv : Ny ran’i Jesosy,
No tena avotro,
Ka sambatra aho
Sy tretrika am-po.

2. Ny ratran’ny Mpamonjinao,
Ry foko, mba jereo.
Fa hanasitrana anao,
Ka ho fiainanao.
Ny ran’i jesosy, sns…

3. Mba mibitaha re, ry fo,
Ny gadra tapaka :
Ny hajambana izay nanjo,
Izao dia afaka.
Ny ran’i jesosy, sns…

537 – Endrey ny hamaroan’ ny soa

August 1st, 2009 njakaprisca Comments off

1. Endrey, ny hamaroan’ny soa
Nomenao Ray ho ahy koa!
Ny aiko, he, navotanao,
Ny heloko vonoinao.

Fiv : Eny, Raiko,
He! Ravoravo tokoa
Ity zanakao voavonjy re,
Ka velombelona ery.

2. He, azoko tokoa jeso,
Ilay perla soa, madio sy vao;
Ny zava-tsoan’ny tany re
Dia tsy ahoako tokoa.
Eny, Raiko, sns…

3. Tsy aiko ny hilaza izao
Hamisavisa re, ry Ray;
Ny fanomezan-dehibe
Dia tsy voatonoko koa.
Eny, Raiko, sns…

4. Ny foko no hidera izao,
Hisaotra sy hanaja Anao,
Hanoa, ho vonona hanao
Ny sitrakao rehetra.
Eny, Raiko, sns…

538 – Finaritra ny masoko

August 1st, 2009 njakaprisca Comments off

1. Finaritra ny masoko
Mijery ny Mpamonjiko
Ny vavako hisokatra
Hidera ny Mpanavotro:

Fiv : Andro soa, andro soa,
Fa jeso no Mpanavotra;
He! Ravo ny fanahiko
Mihira ao anatiko,
Andro soa, andro soa,
Fa jeso no Mpanavotra.

2. Ho tiako ny Tompoko
Ambara-pahafatiko,
Fa Izy no Mpanafaka
Manaisotra ny heloko :
Andro soa, sns…

3. Faingàna re, ry havako!
Hatòny e! ny Tomponao ;
Andeha mba hiaraka
Hihira sy hivavaka:
Andro soa, sns…

539 – Faly dia faly

July 31st, 2009 njakaprisca Comments off

1. Faly dia faly
Izahay mpanomponao,
Izay mihira eto anatrehanao.
Fa be fiantra Hianao,
Ry Jeso Tompo tianay!
Ka feno haravoana
Tokoa izahay;

Fiv : Faly dia faly
Izahay mpanomponao,
Izay mihira eto anatrehanao.

2. Ela dia ela
No nandavanay Anao;
Be ny zava-dratsy efa vitanay.
Na diso aza izahay,
Anefa faly aminao;
Fa afakao ny helokay,
Ry Tompo tianay!
Faly dia faly, sns…

3. Sarotra tokoa,
Ny alehanay izao ;
Be ny alahelo, iaretanay.
Na ory aza izahay,
dia mbola faly aminao
Fa levonao ny tahotray,
Ry Tompo tianay
Faly dia faly, sns…

4. Manantena tsara,
lzahay mpanomponao
Mba handray ny zara,
Tehirizinao ;
Rehefa maty izahay,
Ka entinao an-danitra ;
Ho azonay ny lova soa,
Hatolotrao anay;
Faly dia faly, sns…