Fpma Paris

---

ASTUCE: RÉACTUALISER VOTRE PAGE EN CAS DE RAJOUT DE CHANTS PENDANT LE CULTE. BON CULTE

FANOMPOAM-PIVAVAHANA Fandraisana ny fanasan’ny Tompo Alahady 18 oktobra 2026 TRADUCTION DU DIRECT: +33 (0)1 70 37 22 46 – Code 98810659739#- Mot de passe : 2020# Offrandes, rakim-pisaorana, cotisation http://www.fpma-paris.org/offrandes-cotisation

• Lakolosy & Feon’java maneno fanombohana
• Mpitarika : Amin’ny anaran’ny Ray sy ny Zanaka ary ny Fanahy Masina, Amen !

• Vavaka fihaonana
• Feon’java-maneno

SITRAPON’ANDRIAMANITRA

FIAIKEN-KELOKA

• Mpitarika: (Vavaka fifonana)
• Fiangonana :
  « Ry Rainay Be Famindram-Po Ô, Mitalaho Aminao izahay; Mamelà ny helokay;
  Diovy izahay ho afa-pahotana; Sasao izahay ho afa-keloka; Ary havaozy ny fanahinay mba ho vonon-kanompo Anao. Ny Fitiavan’i Jesosy Kristy Zanakao Mpamonjy anay no angatahanay Aminao. Amena. »

Ry Andriamanitra Tompo Ray any an-danitra ô, mamindrà fo aminay !
Ry Jesosy Tompo Mpamonjy izao tontolo izao, mamindrà fo aminay !
Ry Fanahy Masina Tomponay Mpampionona ô, mamindrà fo aminay !

TENY FAMELAN-KELOKA SY FIHAVANANA

• Mpitarika: (Teny famelan-keloka)
• Fiangonana: Amen

FANKALAZANA

• Mpitarika : Voninahitra any amin’ny avo indrindra ho an’Andriamanitra
• Fiangonana : Ary fiadanana ho ety ambonin’ny tany amin’ny olona ankasitrahany.
• Hira:

  172 - Hoderaiko lalandava Jeso 'lay Mpanavotro ! (1)

  1. Hoderaiko lalandava
  Jeso 'Lay Mpanavotro !
  Noho ny fitiavana ahy,
  Maty mba ho soloko.
  
  Fiv : Hoderaiko, hoderaiko
  Fa ny rany masina
  Nentiny hanavotra ahy :
  Afaka ny heloko !

• Feon’java-maneno

FAMAKIANA NY TENIN’ANDRIAMANITRA
FOTOANAN’NY ANKIZY SY TANORA

(Mitsangana ny ankizy sy ny tanora)

• • Hira :

    231 - Ry Tomponay Tsitoha (2-4)

    2. Iraho ny Fanahy
    Mba hanavao anay
    Ka homba sy hitahy
    Ny Teny inoanay !
    Na lehibe na kely,
    Ampio sy hafanao
    Hazoto hampiely
    Aty ny lazanao !
    
    4. Arovy ny finoana
    Izay naorinao ;
    Vonoy ny hevi-poana
    Mandà ny Teninao !
    lzahay na be na vitsy,
    Hazôny tsy hania,
    Mba ho Anao mihitsy
    Mandrakizay doria !

• Mpitarika: Ho aminareo anie ny Tompo
• Fiangonana: Ary ho amin’ny fanahinao
• Mpitarika: (Vavaka fitsilovana ho an’ny ankizy sy noho ny Teny)
  

  VAKITENY

Esaïe 45. 1, 4-6

1Voici ce que le Seigneur déclare
à Cyrus, l’homme qu’il a consacré:
«Je te donne mon appui,
pour te soumettre les nations,
pour ôter aux rois leur pouvoir
et ouvrir devant toi
les portes verrouillées des villes.

4Pour l’amour d’Israël, mon peuple,
le serviteur que j’ai choisi,
je t’ai pris à mon service.
Et je te fais cet honneur
alors que tu ne me connais pas.
5Le Seigneur, c’est moi et personne d’autre.
A part moi, il n’y a pas de dieu.
Tu ne me connais pas,
mais je te mets au travail.
6D’un bout du monde à l’autre
on reconnaîtra ainsi
qu’en dehors de moi il n’y a rien.
Le Seigneur, c’est moi et personne d’autre.

1 Thessaloniciens 1. 1-5

1De la part de Paul, Silas et Timothée.
A l’Église de Thessalonique, qui appartient à Dieu le Père et au Seigneur Jésus-Christ: Que la grâce et la paix vous soient accordées.
2Nous remercions toujours Dieu pour vous tous et nous pensons sans cesse à vous dans nos prières. 3En effet, nous nous rappelons devant Dieu notre Père votre foi si efficace, votre amour si actif et votre espérance si ferme en notre Seigneur Jésus-Christ. 4Nous savons, frères, que Dieu vous a aimés et vous a choisis pour être à lui. 5En effet, quand nous vous avons annoncé la Bonne Nouvelle, ce ne fut pas seulement en paroles, mais aussi avec la puissance et le secours du Saint-Esprit, et avec une entière conviction. Vous savez comment nous nous sommes comportés parmi vous, pour votre bien.

Matthieu 22. 15-21

15Les Pharisiens allèrent alors tenir conseil pour décider comment ils pourraient prendre Jésus au piège par une question. 16Ils envoyèrent ensuite quelques-uns de leurs disciples et quelques membres du parti d’Hérode dire à Jésus: «Maître, nous savons que tu dis la vérité: tu enseignes la vérité sur la conduite que Dieu demande; tu n’as pas peur de ce que pensent les autres et tu ne tiens pas compte de l’apparence des gens. 17Dis-nous donc ce que tu penses de ceci: notre loi permet-elle ou non de payer des impôts à l’empereur romain?» 18Mais Jésus connaissait leurs mauvaises intentions; il leur dit alors: «Hypocrites, pourquoi me tendez-vous un piège? 19Montrez-moi l’argent qui sert à payer l’impôt.» Ils lui présentèrent une pièce d’argent, 20et Jésus leur demanda: «Ce visage et ce nom gravés ici, de qui sont-ils?» – 21«De l’empereur», répondirent-ils. Alors Jésus leur dit: «Payez donc à l’empereur ce qui lui appartient, et à Dieu ce qui lui appartient.»

FANEKEM-PINOANA KRISTIANA

Mino an’ Andriamanitra Ray Tsitoha, Mpanao ny lanitra sy ny tany aho.

Ary mino an’ i Jesoa Kristy Zananilahy Tokana Tompontsika, izay notorontoronina tamin’ ny Fanahy Masina, naterak’ i Maria Virjiny, nijaly raha nanapaka i Pontio Pilato, nohomboana tamin’ ny hazo fijaliana, maty ka nalevina, nidina tany amin ‘ny fiainan- tsy hita, nitsangana tamin’ny maty tamin’ny andro fahatelo, niakatra ho any an- danitra, mipetraka eo an- kavanan’ Andriamanitra Ray Tsitoha, avy any no hiaviany hitsara ny velona sy ny maty.

Mino ny Fanahy Masina aho, ny Fiangonana Masina manerana izao tontolo izao, ny fiombonan’ny olona masina, ny famelan- keloka , ny fitsanganan ‘ny tena amin’ny maty ary ny fiainana mandrakizay .
Amena.

• Hira :

  174 - Fanahy Masina ô ny hevitray izao (2-3)

  2. Fanahy Masino ô!
  Tsinjovinao izao
  Ny olonao;
  Mpananatro ô! Ovay
  Ny eritreritray;
  Ny hadisoanay
  Esorinao.
  
  3. Fanahy hendry ô!
  Jereo 'zahay izao!
  Ka hazavao;
  Adala izahay,
  Mania ny hevitray;
  Dia atoroy anay
  Ny lalanao.

TORITENY

• TRADUCTION DU DIRECT: +33 (0)1 70 37 22 46 – Code 98810659739#- Mot de passe : 2020#
• Predication également disponible sur le Podcast FPMA Paris (Semaine après le culte)
• Feon’java-maneno
• Antoko Mpihira

FILAZAN-DRAHARAHA

RAKITRA

Offrandes, dons, rakim-pisaorana, adidy : http://www.fpma-paris.org/offrandes-cotisation (Lien Paypal)

ASTUCE: REACTUALISER VOTRE PAGE EN CAS DE RAJOUT DE CHANTS PENDANT LE CULTE.

• Hira:

  440 - Ry Kristy ô, Mpanjakako!

  1. Ry Kristy ô, Mpanjakako!
  Ny foko ho Anao,
  Ny feoko hasandratro
  Hihira ho Anao.
  
  2. Mba raiso ny fanahiko
  Hanao ny sitrakao;
  Ny tenako, ny heriko,
  Dia ento ho Anao.
  
  3. Ny tongotro, ny tanako,
  Hiasa ho Anao;
  ny androko, ny volako,
  Omeko ho Anao.
  
  4. Izaho dia tsy mendrika
  Anao, ry Tompo ô!
  Kanefa re, mba raisonao
  Ny foko ho Anao.

  FF 34 - Tompo Malala ô !

  1. Tompo Malala ô ! Mpanjakako Ianao
  Tamy aho fa resy lahatra
  Noho ny famonjena vitanao
  Eny, ry Tompo, tsy ho haiko adinoina intsony re
  Ny fitiavana nasehonao
  
  Fiv : Ka anio no hanavaozako ny fanompoko Anao
  Fa tsy ho voavaliko, izay natolotrao
  Ny fitiavana natolotrao,
  Ka raiso, Tompo, ekeo re sy anjakao
  Ny fiainako ho voninahitrao.
  
  2. Tompo Malala ô 'lay hazo fijaliana
  Niaretanao tao Kalvary,
  Niaretanao Mpamonjiko
  No nanehoanao fa tianao ity mpanota izay
  Tsy mendrika Anao akory ity
  Ka anio no anavaozako, sns...
  
  3. Tompo Malala ô ! tsy ho adinoiko intsony
  Ny fitiavana natolotrao
  Ny fitiavana natolotrao
  Eny, ry Tompo, ity izaho izay voababonao
  Fa vonona hanao ny sitrakao
  Ka anio no anavaozako, sns...

  18 - Ny feonay rehetra izao

  1. Ny feonay rehetra izao
  Dia entinay midera Anao,
  Ry Andriananaharinay !
  Na ambany aza izahay,.
  :,: Dia tianao,:,:
  Ry Andriananaharinay !
  
  2. Ny andronay rehetra izao
  Dia entinay manoa Anao,
  Ry Tompo sy Mpanjakanay !
  Satria izao dia fantatray
  :,: Fa tianao :,:
  Ry Tompo sy Mpanjakanay !
  
  3. Ny hevitray rehetra izao
  Dia enti-mankalaza Anao
  Ry Tompo mpanasoa anay !
  Mpitahy ny fanahinay,
  :,: Fa tianao.:,:
  Ry Tompo mpanasoa anay !
  
  4. Ny herinay rehetra izao
  No iasanay ho Anao,
  Ry aronay sy tanjakay !
  Miezaka tokoa izahay
  :,: Fa tianao :,:
  Ry Aronay sy Tanjakay !
  
  5. Rehefa halainao izahay
  Ka tapitra ny andronay,
  Hamantana any aminao
  Izahay ary an-danitrao !
  :,: Fa tianao :,:
  Hamantana any Aminao !

Hira fanolorana:

Ry Tompon’ny harena ô,
Fanatitra an-tsitrapo
Atolotray Anao izao ;
Mba raiso ka tahionao. Amena.

FANDRAISANA NY FANASAN’NY TOMPO

• Hira:

  261 - Ankehitrio no isehoanao (1-4)

  1. Ankehitrio no isehoanao
  Ry Jeso Tompo, izay malalanay,
  Ankehitrio no anandramanay
  Ny hafaliam-ben'ny lanitrao !
  
  4. Ry Jeso ô, miandry izahay
  Ny fiavian'ny voninahitrao
  Ho toy ny andro vao miposaka
  Ho toy ny rano mahavelona !

• Mpitarika: Ho aminareo anie ny Tompo! Aoka hizara ny fiadanana isika
• Fiangonana:
    – Ho aminao anie ny Tompo!
    – Ary ho aminao koa

• Sursum Corda (Mitsangana)

  • Mpitarika: Asandrato ny fonareo ho eo amin’ny Tompo
  • Fiangonana: Asandratray ny fonay ho eo amin’ny Tompo
  • Mpitarika: Aoka ho deraintsika ny Tompo Andriamanitra
  • Fiangonana: Mendrika ho deraina Izy

• Préface

  • Mpitarika: Eny tokoa Tompo ô, Ray Masina, Andriamanitra mandrakizay, mahefa ny zavatra rehetra, mety sy mahavonjy ny isaoranay Anao amin’ny fotoana rehetra sy amin’ny toerana rehetra amin’ny alalan’i Jesoa Kristy Tomponay, izay tia anay sy nanolo-tena hamonjy anay ; Amin’ny alalany koa no ideran’ny anjely ny fiandriananao sy itsaohan’ny fanapahana sy ny fahefana rehetra anao amin’ny tahotra ary iarahan’ny fiangonana any an-danitra sy ety an-tany midera ny anaranao amin’ny fihobiana ary izahay koa ankehitriny miara-manandratra ny feonay aminy, ka amin’ny fanajana lehibe no ideranay hoe :
  • Hira: (Sanctus)
    
    

    AN 1 - Masina, masina

    Masina, masina Jehovah Tompo !
    Feno ny voninahitrao izao rehetra izao ry Tompo ô !
    
    Amen

• Vavaka (Fisaorana, Anamnèse, Epiclèse) (Mipetraka)

  • Mpitarika: Ry kristiana malala, aoka isika hahatsiaro an’i Jesoa Kristy izay maty nisolo antsika sy nitsangana ho fanamarinana antsika, dia fanati-pihavanana natolotr’Andriamanitra antsika, ary aoka isika hiara-misaotra sy hivavaka:
    Misaotra Anao izahay Andriamanitra Rainay, Tompon’ny lanitra sy ny tany, fa noho ny famindram-ponao aminay mpanota mahantra, dia nomenao ny Zanakao Lahy Tokana, mba tsy ho very izay rehetra mino Azy fa hanana fiainana mandrakizay.
  • Fiangonana: Efa maty Kristy, efa nitsangana Kristy ary ho avy amim-boninahitra.

• • Mpitarika: Noho izany ry Tompo, Rainay any an-danitra ô, indreto izahay manao eto anatrehanao ny fahatsiarovana ny fahatongavan’ny Zanakao ho olona, ny fijaliany sy ny fahafatesany, ny fitsanganany tamin’ny maty ary ny fiakarany tamim-boninahitra sy ny fifonany mandrakizay ho anay, ka miandry sy mitalaho ny fiverenany izahay.
  • Fiangonana: Amena, avia Jesoa Tompo!

• • Mpitarika: Ankehitriny, Ray ô, aidino ny Fanahy Masina mba hameno ny fonay ka handraisanay tokoa ny Tomponay amin’ny finoana velona amin’izao izy manatona anay amin’izao fanasana izao. Fa ny Fanahy Masina no aharianao, amelomanao, anamasinanao ary anomezanao anay ny zava-tsoa rehetra.
  • Fiangonana: Amena, avia Fanahy Masina!

• • Mpitarika: Misaotra Anao izahay ry Jeso Kristy Tompo ô ! Midera ny Anaranao izahay ry Zanak’Andriamanitra Lahy Tokana Mpamonjy anay!
    Ankalazaina anie Hianao noho ny fitiavanao izay mahery noho ny fahafatesana.
    Ary izahay izay tonga eto anatrehanao hiombona amin’ny latabatrao dia mangataka mba hampiraisonao Aminao, ohatrin’ny sampana amin’ny voaloboka.
    Ampianaro hifankatia tahaka ny nitiavanao anay izahay, ary aoka izahay hiara-manana amin’ny fiangonana masina manontolo ny fiononana sy ny fifaliana Aminao, dia Hianao izay miara-manjaka amin’ny Ray sy ny Fanahy Masina hatramin’ny taloha indrindra ka ho mandrakizay.
  • Fiangonana: Amena!

• Teny Fanorenana sy Fanamasinana (Mitsangana)

  • Mpitarika: Jeso Kristy Tompo tamin’ny alina izay namadihana Azy dia nandray ny mofo, ary rehefa Nisaotra Izy dia novakiany ka hoy Izy:
    « Raiso, hano, ity ny tenako izay omena ho anareo, izao no ataovy ho fahatsiarovana Ahy.»
    Ary toy izany koa ny kapoaka rehefa nihinana, dia hoy Izy:
    « Misotroa amin’ity hianareo rehetra, fa ity no rako dia ny amin’ny fanekena vaovao izay alatsaka ho an’ny rehetra ho famelan-keloka. Koa na oviana na oviana no misotro hianareo, dia izao no ataovy ho fahatsiarovana Ahy. »
    Misaotra ny Ray, izay nampahamendrika antsika hanana anjara amin’ny lovan’ny olona masina eo amin’ny mazava. Amena.
  • Hira: (Agnus Dei)
    
    

    117 - O, ry Zanak'ondry (1-3)

    1. O, ry Zanak'ondry,
    He, Ianao nijaly !
    Ory, voahombo
    Anefa tsy namaly !
    Ny helokay nalainao,
    Ka maty re ny ainao !
    (2) Mba iantrao izahay, ry Jeso !
    ---------------------
    Agneau de Dieu
    Qui as tant souffert
    Toi le crucifié
    Tu n’as pourtant pas répondu.
    Tu as ôté nos péchés,
    Tu as donné ta vie
    Aie pitié de nous, ô Jésus !
    
    3.O, ry Zanak'ondry,
    He, Ianao nijaly !
    Ory voahombo
    Anefa tsy namaly !
    Ny helokay nalainao
    Ka maty re ny ainao !
    Ampiadanonao izahay re !
    ---------------------
    Agneau de Dieu
    Qui as tant souffert
    Toi le crucifié
    Tu n’as point répondu.
    Tu as ôté nos péchés,
    Tu as donné ta vie
    Donne-nous la paix !
    

• • Mpitarika : Efa nandray ny Fanahy maha-zanak’Andriamanitra antsika isika koa izany no ahafahantsika manatona ny Ray hoe :
  • Fiangonana : (Vavaka nampianarin’ny Tompo)

Rainay izay any an-danitra, hohamasinina anie ny anaranao. Ho tonga anie ny fanjakanao. Hatao anie ny sitraponao. Ny ety an-tany tahaka ny any an-danitra. Omeo anay anio izay hanina sahaza ho anay. Ary mamelà ny helokay. Tahaka ny namelany izay meloka taminay. Ary aza mitondra anay ho amin’ny fakam-panahy, fa manafaha anay amin’ny ratsy. Fa Anao ny fanjakana sy ny hery ary ny voninahitra mandrakizay. Amena.

• Fanasana

  • Mpitarika: Ny mofo izay vakiantsika dia firaisana amin’ny Tenan’i Jeso Kristy Tompontsika.
    Ny kapoaky ny fisaorana izay isaorantsika dia firaisana amin’ny ran’i Jeso Kristy Tompontsika.
    Hoy ny Tompo : Andeha, efa voavotra avokoa ny zavatra rehetra!

• Fandraisana

ASTUCE: REACTUALISER VOTRE PAGE EN CAS DE RAJOUT DE CHANTS PENDANT LE CULTE

• • Hira Fandraisana:

    470 - Ny foko, ry Mpamonjy

    1. Ny foko, ry Mpamonjy,
    Mangetaheta Anao ;
    Maniry lalandava
    Hikambana aminao !
    
    Fiv : Tsy afaka ao am-poko
    Ny faniriana Anao ;
    Oneno re ny foko
    Ho lapanao !
    
    2. Ny androm-pahoriana,
    Raha lapanao ny fo,
    Manjary fitahiana
    Izay manadio ny fo !
    Fiv : Tsy afaka ao am-poko, sns...
    
    3. Ny ora fifaliana
    Raha ao anilanao,
    Mamelom-paniriana
    Hanao ny sitrakao !
    Fiv : Tsy afaka ao am-poko, sns...
    
    4. Ho lao ny fahotako
    Raha akaikezinao,
    Tsy misy hadalako
    Izay tsy afakao !
    Fiv : Tsy afaka ao am-poko, sns...
    
    5. Finaritra ny saiko
    Raha ipetrahanao,
    Fa reraka ny aiko
    Raha alavirinao !
    Fiv : Tsy afaka ao am-poko, sns...

    480 - Mamin’ny foko, ry Jeso ô

    1. Mamin’ny foko, ry Jeso ô,
    Ny famonjena izay vitanao ;
    Ny hadisoako navelanao
    Tena afaka aho mandrakizay !
    
    Fiv : Jeso malala ô,
    Mpamonjy soa !
    Indro ny aiko raiso ho Anao ;
    Velon-kanompo,
    Velon-kanoa,
    Vonon-kanao izay sitrakao !
    
    2. Tano ny foko, ry Jeso tia,
    Zaza tsy mahasaraka Anao ;
    Mbola malemy mora mania,
    Tano hifikitra ao aminao !
    Jeso malala ô ! sns...
    
    3. Aoka ny foko sy ny fonao
    Hiara-mitempo tena iray ;
    Aoka ny saiko sy ny sainao
    Hiray safidy mandrakizay !
    Jeso malala ô ! sns...

    499 - Inona, re, no atakaloko

    1. Inona, re, no atakaloko,
    An'i Jesosy Izay mpisoloko?
    Ny zavatra izay ho simba va sy mora levona.
    Raha mbola hazoniko ny To,
    Ka tsy maty ny jiro ao am-po,
    Jesosy tsy soloako, na inona na inona.
    
    2. Indro, Jesosy no fiainako,
    Izy no manda fiarovako;
    Izaho efa maty, nefa novelominy indray,
    Ka na dia mahantra aza aty,
    Ka tsy mbola nafindra ho ary,
    Jesosy no anjarako, ka ampy ahy re, izay.
    
    3. O, ry Jesosy Tompo tsara ô!
    Aza mamela ny fanahiko
    Hisaraka aminao, fa tano aho ho mpanomponao.
    Mba velomy ny fitiavako
    Ka tohano ny fandehanako,
    Mba hanarahako ny lalana izay nalehanao.

    166 - Derao ny Tompo lehibe

    1. Derao ny Tompo lehibe
    Nahary izao rehetra izao
    Haleloia, Haleloia,
    Ny lanitra sy tany koa
    Samia midera avokoa
    Asandrato izao ny dera :
    Haleloia, Haleloia, Haleloia !
    
    2. Ry fo voadion'ny ràny soa,
    Ankalazao ny Tompo tia !
    Haleloia, Haleloia,
    Ry voavela heloka ô,
    Tsarovy re ny indrafo,
    Asandrato izao ny dera :
    Haleloia, Haleloia, Haleloia !
    
    3. Miraisa fo ka miderà
    Fa izy niahy hatrizay,
    Haleloia, Haleloia,
    Derao ny Ray sy Zanaka
    Sy ny Fanahy Masina
    Asandrato izao ny dera :
    Haleloia, Haleloia, Haleloia !
    Amena

    642 - Hitako izao, sakaiza!

    1. Hitako izao, sakaiza!
    Jeso no Mpanavotra;
    Tsy mba lany ny fitia,
    Jeso no Mpanavotra;
    Na dia saiky lasa aza,
    Ka ny olona mandao,
    Izao no mampiadana ahy,
    Jeso no Mpanavotra.
    
    2. Raha miady mafy aho,
    Jeso no Mpanavotra;
    Toky sy Ampinga Izy,
    Jeso no Mpanavotra;
    Manome ny soa Izy,
    Fa ny rany mahadio
    No mahafa-keloka ahy,
    Jeso no Mpanavotra.
    
    3. He ilaozako ny eto,
    Jeso no Mpanavotra;
    Indro lanitra no azo,
    Jeso no Mpanavotra;
    Izy no Mpamonjy ahy,
    Aina sy fanilo koa,
    Fahendrena mahasoa,
    Jeso no Mpanavotra.
    
    4. Ray ô! Hianao deraiko,
    Jeso no Mpanavotra;
    Hianao naniraka Azy,
    Jeso no Mpanavotra;
    Hianao Mpiaro ahy,
    Mpitahiry, Tokiko,
    Ka deraiko lalandava,
    Jeso no Mpanavotra.

• Teny Fampaherezana (Mitsangana)

  • Mpitarika: Jeso Kristy Tompontsika izay voahombo tamin’ny hazo fijaliana ka nitsangana tamin’ny maty no efa nanome anareo ny Tenany sy ny Rany izay nanavotany anareo tamin’ny fahotana rehetra, Izy anie hampahery sy hiaro anareo amin’izany amin’ny finoana marina ho fahasambarana mandrakizay. Ho aminareo anie ny fiadanana!
  • Fiangonana: Amena
  • Hira:

    266 - Ry Jeso Tompo, Ianao

    1. Ry Jeso Tompo, Ianao
    Isaorako tokoa izao ;
    Ny ranao sy ny tenanao
    No nihinanako izao !
    
    2. Ry foko faly ambarao
    Ny soa azonao izao !
    Jesosy monina ao am-po,
    Endrey ny hafaliako !
    

VAVAKA FISAORANA SY FANGATAHANA

TSO-DRANO

• Hira:

  331 - Mba soraty ao am-poko

  Mba soraty ao am-poko,
  Jeso, ny Anaranao !
  Mba arovy tsy haloto
  Ny kasen'ny tananao.
  Hianao, Jesosy ô,
  No ho voninahitro !
  Hianao, ry Voahombo
  No Mpanjakako sy Tompo !

• Mpitarika: Ho aminareo anie ny Tompo
• Fiangonanan: Ary ho amin’ny fanahinao

• Mpitarika: (Tsodrano – Nomery 6.24-26)
• Fiangonana: AMENA ! AMENA ! AMENA ! HALELOIA ! (Hiraina)

• (Mipetraka ny fiangonana)
• Vavaka mangina

• Mpitarika :Voninahitra ho an’Andriamanitra Ray sy Zanaka ary Fanahy Masina izay hatramin’ny taloha indrindra ka ho mandrakizay. Amena.
  Mandehana amin’ny fiadanana, ka manompoa ny Tompo!
• Fiangonana: Isaorana anie Andriamanitra!
• Feon-java-maneno firavana

---

Fiangonana Protestanta Malagasy Aty an-dafy tafo Paris