1. Ny Paradisa an-tany
Tsy misy, re, izany!
Ny hazon’aina very,
Fa tsilo be no ao.
Fiv : Ry Foko, aza kivy,
Fa ao ny tany soa,
Ny Paradisa hisy ;
Ry foko, andrandrao!
Tsy misy ory any,
Fa tretrika avokoa ;
Afaka ady ka mihôby ;
Misy hazon’aina ao.
2. Mandrahona ny ady,
Mirehitra sahady,
Fa be ny fahavalo
Mamely ahy izao.
Ry Foko, aza kivy, sns…
3. Ny eso, latsa, ratra,
Matetika mihatra,
Tsaroako avaly,
Ny asa vitako.
Ry Foko, aza kivy, sns…
4. Miferinaina eto
Tomany sy misento;
Indrisy! Ory aho,
Vonjeo, Tompo ô!
Ry Foko, aza kivy, sns…