1. Jeso Mpamonjy, Ilay Tompon’ny aina, no hita
Nidina teto an-tany hamonjy antsika :
O, mba derao
Izy Mpanavotra anao
Ka mifalia ry mino !
2. Indro ny tenin’anjely milaza ny soa :
Teraka Jeso Mpamonjy antsika tokoa !
O, mba derao
Tonga ny andro vaovao,
Andron’ny Filazantsara !
3. Dia iventesonao hira vaovao re izany ;
Tonga Jesosy hamonjy izay mitomany !
O, mba derao
Afaka isika izao ;
Izy Mpisolo antsika !
4. Tonga ny Tompon’ny tompo hisolo ny ory,
Ka mifohaza ry olona mbola matory !
O, mba derao
Amin’ny feo vaovao
Jeso, Ilay Tompo mahery !