Auteur/autrice : fred

719 – Efa lasan-davitra

1. Efa lasan-davitra
Ka hariva izao ny andro;
Hianao no Masoandro,
Ry Andriamanitra.
Mba arovinao ny aiko,
Fa atolotro Anao,
Ampidiro ao am-poko
Izao ny fiadanana!

2. Raiso ny fisaorako,
Ka tondrahy ranon’aina
Ny fanahy aman-tsaina,
Mba ho velona izao.
Dia hamoa voa tsara
Amiko ny teninao,
Ka ho tiako hambara
Ny fahasoavanao.

3. Ry Andriamanitra ô!
Hitanao ny fahotako,
Fantatrao ny fahosako;
Mamindrà fo amiko;
Izaho tsy misalasala
Mba hanatona Anao,
Fa ny Zanakao malala
Maty noho ny otako,

4. Izaho ta-hatory izao
Fa mba sasatra niasa
Tsy heveriko ny lasa,
Fa apetraka aminao
Aoka aho mba hahazo
Fitsaharana izao;
Raha maraina mba fohazy,
Dia hankalaza Anao.

5. Kintan’i Jakoba ô,
Sady Masoandron’aina,
Hazavao ny fo sy saina,
Mba tsy hatahorako
Ny mpanimba sy mpandoza,
Liona mierona,
Izay minia hampidi-doza
Andro aman’alina.

6. Arosoy ny teninao,
Hazavao ny firenena,
Mba ho samy hanantena
Famonjena aminao;
Ka ny manam-pahefana
Aoka hotarihinao,
Mba hitondra fanjakana
Araka ny sitrakao.

7. Fantatrao, Jesosy Ô,
Izay rehetra mitaraina
Ka miandry ny maraina
Sy ny fahasitranana;
Ny kamboty sy mahantra
Aoka hotsarovanao;
Ry Sakaizanay Mpiantra,
Iantrao ny olonao.

718 – He torimaso mamy

1. He torimaso mamy
No atolory ahy
Ry Raiko mpiandany
Sy herin’ny fanahy
Ny sandrinao mahery
No hiampofo ahy
Ny masonao mijery
Manala ahiahy.

2. Ny otako androany
Koseho, Raiko ô!
‘Reo ory mitomany
Ampaherezonao.
Ny havako rehetra
Sy ny sakaiza koa,
Tahio tsy hanjoretra
Ampifalio tokoa.

3. Ireo sahiran-tsaina
Sy mandry fotsy izao
Ny kivy, mitaraina
Vonjeo, ry Tompo ô!
Ireo marary maro
Sy ny mpitsabo koa,
Tahio, ry Mpiaro,
Arovy tsy ho voa.

4. Hianao no tokinay
Ka dia hatory izao
Ireto nofonay
Am-pelatananao.
Sakano re ny ratsy
Mba tsy hamely izao
Ry jeso Mpiambina ahy
Sy voninahitra ô!

717 – Andeha raha maraina

1. Andeha raha maraina,
Raho atoandro koa.
Andeha raha hariva,
Hivavaka tokoa;
Fa marina no ento.
Ario ny tahotrao,
Miondreha ao an-trano.
Ka mivavaha ao.

2. Tsarovy ry sakaiza,
Ny havan-tianao;
Raho misy fahavalo,
Mifona ho azy koa;
Ka dia mangataha
Ny soa ho anao,
Jesosy, ‘Lay Mpamonjy,
Alao ho tokinao.

3. Na tsy irery aza,
Fa be ny olona ao,
Ka misy hevi-tsara
Miposaka ao am-po.
Ny hataka mangina
Voaeritreritrao
Ho ren’ny Rainao tia,
Jehovah Tomponao.

4. Mba manatòna Azy
Raha azon’ny manjo;
Tsarovy koa raha faly
Hisaotra ao am-po;
Tsy misy hafaliana
‘Zay mamy toy izao;
Ny fahazoantsika
Mivavaka aminy.

715 – Tonga ny maraina

1. Tonga ny maraina,
Dimbin’alina,
Ka ny Tompon’aina
No isaorana.

2. Raha mbola nandry
Aho, Tompo ô,
Hianao Mpiandry
Dia aroko.

3. Tano sy ampio
Ny madinikao,
Sao hanota anio,
Ka handao Anao.

4. Aoka ny anjara
Fanompoako
Mba ho vita tsara
Ka ho sitrakao.

5. Ary raha lany
Ny fotoako,
Izaho hody any
Anatrehanao.

714 – Jehovah Zanahary

1. Jehovah Zanahary,
Izahay midera Anao;
Ny alina nanjary,
Ho firaketanao.
Maraina izao ny andro,
Ka lazao ny maizina,
Savao, ry Masoandro,
Izay Iahoriana.

2. Ry kintan’ny maraina,
Jesosy Havanay,
Arovinao ny aina,
Tahio izahay;
Ny asanay anio
Mba hasoavinao.
Ny dianay tariho
Ho any aminao.

713 – Miposaka indray ny masoandro

1. Miposaka indray ny masoandro
Ny ali-maizim-be dia tonga andro.
Ry foko, mba derao ny Ray Tsitoha,
Ka dia andrandrao,
Derao, ankalazao
Ny Rainao soa.

2. Ny loza marobe aty an-tany
Dia niarovany anao izany,
Ka zava-mahafaly no omeny,
Dia fiarovana
Sy fitiavana
Tsy hita lany.

3. Ry Masoandronay, mba mitariha
Ny dianay anio mba tsy hania;
Mahery Hianao ka maharara
Ny fahavalonay
Tsy hahataona anay
Handàny tsara.

4. Ny zavatra manjo tsy mampanahy
Napetraka aminao ny ahiahy,
Ka dia matoky aho, ry Tsitoha!
Omeo ny zanakao
Izay heverinao
Ho mahasoa.

712 – Raha tsy Jehovah no manao ny trano

1. Raha tsy Jehovah
No manao ny trano,
Dia miasa foana
Ny mpanorina;
Raha tsy Jehovah
No miambina azy
Miari-tory foana
Ny mpiambina.

2. Nahavita trano
Ny mpianakavy,
Ka mifaly, ravo
Nahatsangana.
Nefa koa tsaroana
Fa Jehovah Tompo,
Feno fitahiana,
No nanambina.

3. Mankasitraka aho
Ary koa misaotra
An’Ilay Nahary
Be fitiavana.
Izay rehetra ahy
Dia nomen’ny Ray
Eny, ity trano
Dia avy taminy

4. Tompo ô! Tahio
Izay miditra ato
Dia arovy koa
Izay mivoaka:
Mba monena ato,
Miaraka aminay
Anjakao ny trano,
Hiadananay.

711 – Tompo ô, endrey ny fitahiana

1. Tompo ô, endrey ny fitahiana
Izay natodrakao ny zanakao.
Vory eto, feno fifaliana,
Ampoky ny fahasoavanao.
Izay rehetra nikelezan’aina
Dia nomban’ny fitantananao;
Vonona avokoa izay nilaina,
Tsy mba lany ny harenanao

2. Indro tranonovitaina
Hanasoavana taranaka,
Hitaizàna, hanolokoloana
Ireo tanora halain-tahaka.
Izay voafafy, antenaina
Mba hamokatra tsy tapaka;
Dia ho vanona ny firenena,
Ka hitombo, hisandrahaka

3. Izany re, ry Tompo, no finoana
Tananay, ka mba herezonao
Izahay handroso tsy hivaona
Eo ambany fiarovanao.
Ka ny fangataham-pitahiana,
Tompo ô! Akarina aminao
Ny Anaranao no iaingàna.
Hoderaina ny Anaranao!

710 – Nakambanao, ry Tompo ô!

1. Nakambanao, ry Tompo ô!
Adama sy Eva nankatò
Ny fakamparam-bady.
Tahio sy vimbinonao
Ireto anatrehanao
Manaiky ho mpivady.
Hahay handray
Ny anjara izay hihatra
Izy roa,
Ary hifanisy soa.

2. Dia nifanaiky izy, izao;
Ry Tompo ô! Vimbinonao
Mba ho iray tokoa;
Ny fony mba tarihonao
Hanaraka ny didinao
Nomenao azy roa;
Izao, handao
Ray sy reny, ka ny teny
Nolazainy
Enga anie ka tsy hovany