Auteur/autrice : naryfiona

1. Ry Fanahy mpanazava,
Mitariha anay izao
Hianaranay ny Teny
Zay nampanoratinao !
:.: Dia hifaly
Izahay tarihinao:.:
———————
Esprit Saint, notre lumière,
Conduis-nous maintenant
Pour que nous puissions apprendre les Écritures
que Tu as inspirées
Alors nous serons dans la joie,
de nous laisser conduire.

2. Ry Fanahy mpanazava,
Maminay ny anatrao
Fa matanjaka sy hendry
‘Zay ampianarinao !
:,: Atanjaho
Izahay mpianatrao ! :,:
———————
Esprit Saint, notre lumière,
Tes enseignements sont un délice
Ceux que tu enseignes
sont forts et remplis de sagesse
Fortifie-nous,
Nous qui sommes tes disciples.

3. Ry Fanahy mpanazava,
Aoka tsy hangia anay
Ny angano sy tantara
‘Zay hamily dia anay !
:,: Mba sakano
Tsy handavanay Anao :.:
———————
Esprit Saint, notre lumière,
Que nos cœurs ne s’attachent pas
aux fables ou aux contes
Qui peuvent nous détourner de ta voie.
Que tu les arrêtes,
Afin que nous ne Te reniions pas.

4. Ry Fanahy mpanazava,
Ny Baiboly taminao
Dia fanilo sady toky
Hanatonanay Anao ;
:,: Mba tsilovy
‘Zay miankina aminao ! :,:
———————
Esprit Saint, notre lumière,
La Bible qui nous vient de Toi
Est à la fois une lampe et une assurance
pour nous approcher de Toi.
Éclaire ceux qui s’appuient sur Toi.

1. Ô, ry Fanahy Masina ô
Mba midira ao anaty fo!
Taomy ny mania
Hody avokoa;
Eny, mitahia,
Manomeza soa
Miantrà ry Tompo ô!

2. Ô, ry Mazava lehibe,
Hazavao ny teny izay ho re!
Asehoy Jesosy,
Ambarao ny vonjy;
lasao ny Nosy
Mba ho voavonjy,
Miantrà ry Tompo ô!

3. Ry Afom-pitiavana ô,
Mba levoninao ny lolom-po!
Ampiraiso dia
Ireto ondry vitsy
Mba hifankatia
Ho iray mihitsy Miantrà, ry Tompo ô!

4. Ry Mpampifaly tsara ô,
Mba omeo toky re ny fo!
Mba hanantenanay
Fa ho voavonjy,
Ary handrenesanay
Noho ny Mpamonjy,
Miantrà, ry Tompo ô!

1. Ry Fanahin’aina,
mpanazava saina,
Mpampionompo,
O, mba akekezo
Ireto miambezo
Hamindranao fo!
Hazavao
Ny olonao,
Mba handraisanao tokoa
Fanomezantsoa.

2. Mba ampivavaho,
Hafanao re aho
Hankalaza Anao!
Hataka sy sento
Asandratro, ento,
Ka valionao!
Anehoy
Sy ampinoy
Ny famindrampo mamonjy
Izay te-ho tra-bonjy!

3. Ô mba amosahy
Fahazavam-panahy
Ny fisainanay,
Ka ny fo tarafo,
Andreheto afo
Ny fanahinay,
Ka ombay
Re izahay,
Raha antsoinao hanambara
Ny Filazantsara!

4. Ô ry Andon’aina!
Tany karankaina
Mba vontosinao!
Dia ho vanom-boa,
Hahavoka-tsoa
Re ny volinao!
Indrafo
Sy teny to
No harena antenaina
Hanavao ny aina.

5. Ô mba areheto
Sy ampahareto
Ny finoanay!
Izahay afaho,
Ampahatanjaho
Ny fanahinay!
Tompo ô!
Miraiki-po
Aminao ny olom-bery,
Tonga manan-kery.

6. Raha mitoloko,
Tano re ny foko
Tsy handao Anao,
ka tsilovy dia,
Tsy haniasia,
Hahatody ao
Aminao
Ny zanakao,
Ao ny lova andrandraina
Fahasambaran’aina.

1. Ny lanitra sokafinao,
Midina ry Mahery
Ampisehoy ny sandrinao,
Ry Tompo manan-kery !
He manakora izao
Ny fahavalonao
Ka maro no mandà
Ny afo masina
Narehitrao, ry Jeso !

2. O, ry Mpitia olona,
Mpanjaka voahombo,
Ny Teninao dia velona
Mahery sy mitombo !
Ampahafantaronao
Izao tontolo izao
Fa tsy mba foana
Ny ranao masina
Nalatsakao fahiny !

3. Mba ampiraiso hina re
Ny olom-boafidy
Ka akambano mafy e,
Fa lova sarobidy !
Ny fitiavana
Madio sy marina
No aoka hanavao
Ny fiangonanao
Handraisanao ny dera !

4. Ny Nosinay, ny tranonay,
Ny vava aman-tsainay
Dia mba samy havaozinao !
Ry fototry ny ainay,
Ampiononinao
Ny manina Anao !
Avia ka mamonje
Avia mampandrese
Ny olonao mahantra !

1. Fanahy, Mpanavao anay,
Simban’ny ota izahay,
Ka amboarinao indray,
Havaozy ny fanahinay.

2. Avia, ry Afo masina,
Ny ratsy aoka ho levona;
Ry loharano velona,
Tondrahonao ny efitra.

3. Ny lohataonanao anie
Mba hampaniry soa be
Sy hampamony ho Anao
Izao tany karankaina izao.

4. Ny efitra sy tany lao,
Hi ho by sy hidera Anao,
Fa olom-potsy no ho ao;
Mpanompo teo fa afakao.

5. Ry lohataona maminay!
Midina faingana aminay,
Fanahy, Mpanavao anay,
Niandry ela izahay!