1. Hoderaina tokoa
Hianao, ô ry Ray
Noho ny teny soa,
Izay nomenao anay
Fiv : Teninao ny Baiboly
Andriamanitra Ô!
Teny fiainana
Ho an’izao tontolo izao.
2. Fa ny Teny nomenao,
Tompo ô, Ray Tsitoha,
Manadio, manavao,
Mampahery ny fo!
Teninao sns…
3. Mitsangàna hanompo
0! ry mino izao,
Ka ny tenin’ny Tompo
No torio, ambarao.
Teninao sns…
4. Dia tariho lalandava
Mba hiely, ry Ray,
Teny soa hanazava
Ity firenenay!
Teninao sns…
1. Nohariana mba ho tsara ny tontolo
Ka ho sambatra, ho mendrika ny Ray
Nihasimba, simban’ota dia nisolo
Fanjakan’ny haratsiana mahamay,
Nisy anefa Tompo izay nampanantena
Mba hamerina ny soa ‘zay efa very
Kristy fiainana mizara famonjena,
Tokana no azo antok’Izy irery.
2. Noharina mba ho iray isika mpino
Ka hanompo Tompo tokana Tsitoha
Ndrisy anefa, fa mikipy manadino
Fa matory am-pisarahana tsy mifoha
Nisy anefa, mbola misy Tompo iray
Azo toky fa hamory ny mania
Kristy fiainana, hanangona indray
Ny Fiangonany hiray raha toa minia
3. Tsia, tsy nisy nohariana mba hijaly
Tsia, tsy nisy voatokana ho faly
Tsy hi-fandrafy sy hiady sanatria
No namoronana ny olona, ô, tsia!
Fa ireny vokatry ny kihotana
Ka mamikitra, tapisaka, lovàna
‘Reo rehetr’ireo ho levona sy foana
Raha Kristy Fiainana no ho Tomponao.
1. Rainay ô, Mpamorona!
jeso ô, Mpanavotra,
Ary ny Mpananatra;
Mihainoa, ry Tompo!
2. Hianao no foto-tsoa
Sy harem-panahy koa,
Handrosoanay tokoa;
Mihainoa, ry Tompo
3. Be ny heloka natao,
Be ny famindramponao,
Mamelà anay izao;
Mihainoa, ry Tompo
4. Malahelo izahay,
Fa maditra hatrizay,
Aza mba mandao anay;
Mihainoa, ry Tompo
5. Mba diovy ny fonay,
Hatanjaho ny sainay,
Ahitsio ny dianay;
Mihainoa, ry Tompo
6. Be tokoa ny indrafo
Izay naseho ho anay,
Tena latsaka ao am-po;
Mihainoa, ry Tompo!
7. Eny, famonjena re,
Hahitanay aim-be,
No he, vitanao tety;
Mihainoa, ry Tompo
8. Aina, hery, andro koa
No atolotray tokoa,
Mba hahaizanay ny soa;
Mihainoa, ry Tompo
9. Ho Anao tsy tapitra;
Haja, dera, saotra koa,
Ho Anao mandrakizay;
Mihainoa, ry Tompo
Amena.
Fizarana I
1. Andriamanitra Tompo ô
Ray, Fanahy, Zanaka,
Mihainoa anay izao,
Ry Telo izay Iray.
2. Jeso Zanak’i Maria,
Naka endrik’olona
Tonga zaza toa anay:
Mihainoa, Jeso ô!
3. Notafian-dreninao
Lamban-jaza Hianao
Tao anaty vilona:
Mihainoa, Jeso ô!
4. Novangian’olona
lzay niandry ondriny
Tao an-tsaham-Betlehema
Mihainoa, Jeso ô!
5. Notezaina Hianao
Notrotroin’i Simeona,
Notompoin’i Ana koa,
Mihainoa, Jeso ô!
Fizarana II
6. Amin’ny avonavona
amin’ny fahatezerana
Amin’ny fialonana
Mamonje, ry Jeso!
7. Amin’ny hevi-tsy madio,
Amin’ny teny ratsy koa,
Amin’ny fahasarotam-po
Mamonje, ry Jeso
8. Hankato ny didinao
Hankahala heloka,
Mba ho zanakao tokoa,
Mitariha, Jeso!
9. Mba hazoto izahay,
Tia fivavahana,
Tsy ho resin’i Satana,
Mitariha, Jeso
Fizarana III
(Ny feon’ny Fizarana I no ihirana an’ity)
10. Noho ny nahaterahanao
Noho ny ranomasonao,
Noho ny fahorianao
Mamonje, ry Jeso!
11. Noho ny satro-tsilonao,
Noho ny ra nalatsakao,
Noho ny nitsangananao
Mamonje, ry Jeso !
12. Noho ilay Anaranao
londrehan’olona
Sy ny ao an-dranitra
Mamonje, ry Jeso!
13. Noho ny herinao tsy hita
Noho ny voninahitrao,
Noho ny famindraponao;
Mamonje, ry Jeso!
1. Ny lohan’ny eklesia
Dia Jeso Tompony,
Ny rano aman-teny
No iorenany,
Nitady azy Izy
Ho ampakariny,
Nalatsany ny rany
Ho avo-tsoany
2. Na be ny firenena
Izay ihaviany,
Iray ny famonjena
Izay inoany
Iray ny antenaina
Rehefa mby ary;
Iray no mofon’aina
Izay fihinany.
3. Na dia mba hita aza
Ny fisarahana,
Na dia tsy manan-daza
Ny Fiangonana,
Miambina ny mino,
Ka mitaraina hoe:
«Aza ela, ry Mpamonjy,
Avia, mamonje!»
4. Tsy ela dia ho hita
Ilay Mpampakatra
Tsy ela dia ho vita
Ny ady masina;
Ny rafy horeseny,
Ny loza tapitra,
Fa Izy ho tonga eny
Am-pitsaharana.
5. Iraisany anefa
Andriamanitra
Sy ireo izay nahefa
Ny ady masina.
Ry Tompo, miarova
Anay izay mbola aty,
Hiraisanay handova
Ny lanitra aminy.
1. ‘Lay ora tao Getsemane
Tsaroako tsara izao,
Fa Tompo tia sy lehibe
No ory loatra tao;
Fiv : Tsaroako ‘zao Getsemane
‘Zay niaretanao,
Tsy haiko hadinoina re,
‘Lay fahoriana tao.
2. Ny mpianatrao, malalanao
Natory avokoa;
Nafoin’izao, rehetra izao,
Jesosy Tompo soa;
Tsaroako ‘zao, sns…
3. Nanjary ra ny dinitrao
Noho ny helokay;
Fadiranovana Hianao
Nisolo voina anay;
Tsaroako ‘zao, sns…
4. Soraty ao am-poko re,
Ho sary velona ao,
Ny sarin’i Getsemane
Zay niaretanao;
Tsaroako ‘zao, sns…
1. Tsara re, ny lanitra
Sady mahafinaritra!
Ao ny Rainay be fitia,
Ao ny zaza tsy mania,
:,: Ao ny fifaliam-be.:,:
2. Ondry kely izahay,
Ary tsy mba fantatray
Ny hanio aty an-tany,
Ka maniry mba ho any
:,: Aminao, ry Tomponay:,:
3. Ry Mpiandry Tsara Ô!
Aoka mba hamindra fo
Aminay izay mbola kely
Mba iraho ny anjely
:,: Ho mpiambina anay:,:
1. Tia zaza,
Tia zaza,
Ny Jesosinay!
Lanitra nafoiny,
Zaza notrotroiny
Tia zaza,
Tia zaza
Ny Jesosinay.
2.Trano tsara,
Tany tsara
Namboariny,
Trano be anjely,
Ho anay izay kely,
Trano tsara,
Tany tsara
Namboariny.
3. Voankazo,
Voninkazo,
Tsara fofona,
Tsy halazo intsony
Ao Edena ambony
Voankazo,
Voninkazo,
Tsara fofona.
4. Zazakely
Sy anjely,
Samy sambatra;
Hira no hirainy
Ao an-tranon-dRainy.
Zazakely,
Sy anjely,
Samy sambatra.
5. Seza tsara,
Lamba tsara,
Ho antsika ao;
Hiakanjo lava
Fotsy lalandava.
Seza tsara,
Lamba tsara,
Ho antsika ao.
6. Ento mora,
Ento mody,
Jeso, izahay,
Ho an-tranon-dRainao,
Fa ao no tranonay
Ento mora,
Ento mody,
Jeso, izahay.
1. Ry Jeso Zokinay ô!
Jeso malalanay,
Henoy ny vavakay izao;
Fa zandrinao izahay.
2. Batisa no nandio
Anay ho zandrinao,
Ka dia mba tahio
Hanaraka Anao,
3. Ry zokinay malala,
Arovy izahay
Fa be ny manadala,
Manimba ny fonay.
4. Ry Zokinay malala,
Trotroy ny zandrinao,
Rehefa mba hiala
Ho any aminao.
1. O, rankizy izay mivory,
Mba derao ny Tompo soa,
Ka ny fonao atolory,
Ny fanahy tena koa.
:,:Mba venteso re ny hira,
Ka derao ny Tomponao.:,:
2. O, Ry Tompo be fitia,
Mba henoy ny zanakao;
Fa miantso hoe, Avia!
Mànatreha anay izao !
:,:Izay hataonay re tahio
Ho madio sy masina:,:
3. Mba tolory fahendrena
lzahay madinikao,
Ka omeo ny famonjena
Hifikirana aminao,
:,: O, tarihonao ny dia
Hahitana Anao, ry ray! :,:
4. He ny fonay manontolo,
Izay mangetaheta re,
Dia atolotray daholo,
Aza dia lavina e!
:,:Mba onenonao ny fonay
Ho Anao mandrakizay! :,: