1. Tompo, manampia ny mpianatrao,
Ary mitahia ny madinikao,
Mba ho tonga zaza sitrakao izahay
Zaza mankalaza ny Mpanavotray.
2. Maminay tokoa ny anaranao,
Sambatra avokoa re ny havanao;
Manana anjara any Aminao,
Ry Mparnonjy tsara, ny madinikao.
1. Jeso Sakaizan’ny zaza, Tompo tokoa,
Jeso Sakaiza malaza, Mihainoa!.
2. Zaza izahay mitaraina Aminao;
Mbola marefo ny aina, Tanonao.
3. Jeso, Sakaiza malala, Tokinay,
Aoka mba tsy ho adala izahay.
4. Jeso ô, ampianaro izahay.
Jeso ! avia hiaro ny dianay
5. Zaza izahay, ka sakano tsy hania,
Kely izahay, ka tantano, jeso tia.
6. Ary ny ray aman-dreny raisonao,
Aoka ny fony homeny Anao.
7. Jeso, Sakaizan’ny zaza, Tompo koa !
Jeso, Sakaiza malala! Mihainoa
1. Eo an-tratranao Jesosy
Dia mahafinaritra;
Fa ny hafa mampahory
Ka tsy mahasambatra.
Raha Hianao no aro
Afaka ny tahotro,
Raiso ho Anao ny foko
Ry Jesosy tia ô.
2. Mampifaly ahy koa.
Jeso, ny fitianao;
Zara mamiko tokoa
Izany ampofoinao;
Na matory na mifoha
Dia eo an-tratranao;
Ry Mparnonjy Tompo soa,
Hoderaiko Hianao.
3. Izaho tena tsy tamàna,
Raha lavitra Anao
Fa mitebiteby lava
lzay tsy eo ankaikinao;
Eo an-tratranao, Jesosy,
Tsara hitoerako,
Eo ihany e! no misy
Zava-tsoa mahafa-po.
1. Manatona re, rankizy,
Ny Mpamonjy avotrao,
Fa henoy miantso Izy,
Izao fotoana anio izao.
« Zaza be faniasia,
Miverena hianao;
Ondry kely, malakia,
Manaraha Ahy izaol »
2. Ny devoly andosiro,
Ka ny ota ialao,
Fa ny tsara no fikiro,
Tiavo re Jesosinao;
Miovà ka manenena
Noho ny ota izay natao,
Raisonao ny famonjena
Ka hazony hatrizao.
3. Miaingà ka manompoa
An’i jeso Tomponao,
Tanteraho avokoa
Ny anjara asanao;
Halaviro re ny laina,
Miasà ka mazotoa,
Hatanjaho re ny saina,
Mahareta, mandrosoa.
1. Avia ry zaza, avia izao
Fa indro ny Tompo miandry anao,
Lazao an’i Jeso ny zava-manjo
Fa Izy onena ny ory am-po.
2. Jesosy Mpamonjy nanavotra anao,
Ka zaza malalany koa hianao.
Ka dia matokia tokoa eram-po,
Fa Izy Mpanjaka mahery sy to.
3. Jesosy no tsy manadino anao,
Tsarovy izany ka mba andrandrao
Ny Tompo malala izay be indrafo,
Anao re ny lova tsy mety ho lo.
4. Sasaonao ny foko, Mpanavotra ô.
Ho tonga madio sy mendrika Anao,
Ho sambatra aho hahita Anao,
Mpamonjiko tsara ao an-danitra ao
1. Izao rehetra izao dia mankalaza Anao,
Ry Ray Mahery Tomponay tokoa
Ny zava-boahary no asan-tànanao
Ka tsara indrindra sady soa.
2. Miondrika aminao izahay madinikao,
Midera Anao, ry Rainay be fitia
Ampio izahay, ary mba arovinao
Ny fonay mba tsy haniasia.
3. Ry Rainay be fiantra, tariho izahay
Ho tonga zaza tia ny mazava,
Hifaly ao an-danitra ao rahatrizay,
Ho sambatra any lalandava.
1. O, ry Fanahy Masina,
lzahay ampionao
Fa izahay madinika
Maniry ho Anao.
2. Ny fonay dia maizina,
Ka tsy mba fantatray
Ny tena làla-marina;
Tariho izahay.
3. Mba amorony fo vaovao
lzahay mpanomponao,
Ny ratsy mba esorinao
Hitiavanay Anao.
4. O, ry Fanahy Masina!
Mangataka izahay:
Mombà anay madinika,
Henoy ny hatakay,
1. Avia, ry Fanahy ô!
Ho eto aminay
Ny fanahinay mba fenoinao
Ny hasoavanao.
2. Maloto ny fanahinay,
Ka mba diovinao;
Tsy mahomby re ny fihevitray,
Mba amboarinao.
3. He, zaza osa izahay,
Ka mba tantanonao,
Be ny ratsy izay te-hitaona anay
Ampio ny olonao.
4. O, ry Fanahy hendry ô,
Miandry izahay,
Manantena Anao hanadio ny fo
Henoy ny hatakay.
1. Misy ny fonenana
Vita re, ho ahy,
Tany ifaliana
Mamin’ny fanahy;
Ao tsy misy tahotra,
Ao ny Tompon’avotra,
Hira mahafinaritra
No ataon’ny any.
2. Saotra no hataoko ao,
Faly fa nandresy;
Hiakanjo fotsy vao,
Haingon’ny mpandresy.
Ny anjely masina
Hiaraha-monina,
Jeso Tompo marina
Hiampofo ahy.
3. Izaho voavidinao,
Ry Mpamonjy tsara,
Sady namboaranao
Lova tsara fara.
Koa mba arovinao
Toy ny ondrikelinao
Izaho izay fanananao,
Ry Mpiandry Tsara!
1. Izaho dia zaza
Malemy, osa fo,
Fa na izany aza,
Mba ondrin’i Jeso.
2. Ary an-danitra Izy
Mitsinjo ahy koa,
Satria ny ankizy
Dia tiany tokoa.
3. Anefa koa akaiky
Jesosy mamiko,
Fa Izy dia manaiky
Ho eto amiko.
4. Manafa-tahotra ahy
Ny tsorakazony,
Manaisotra ahiahy
Ny fitiavany.
5. lzao tsy mbola hita
Ny endrik’Izy izay,
Fa raha ary am-pita
Ho tafahaona indray.