Catégorie : 07 – Ny Fiainanana Kristiana

1. Ao an-danitra
Dia ho sambatra
Izay tia ny Tompo aty!
Malahelo izao,
Ravoravo re ao
Amin-dRaintsika an-danitra ary.

2. Fahoriana
Ao an-dàlana,
Fa iharan’ny zava-manjo;
Ao an-danitra re,
Fiadanana be;
Mba hevero, ry havana ô!

3. Aza kivy ô,
Ry fanahiko,
Na dia maizina aza aty;
Vetivety izao
Dia hody hianao
Ao am-pahazavana ary.

4. Ry Mpanavotray,
Indreto izahay
Mpivahiny an-dàlana izao;
Tsy tamana aty,
Te-hifindra ary
Ao an-danitra ao aminao.

1. Ny ony tsy miato, fa mitady
Ny ranomasina ihaviany.
Ka toy izany koa ny fanahy
Mitady ny Andriamaniny
Andriananahary
No Tompoko nahary
Ny faniriako,
Izay mitady Azy, ka manary
Izay misakana ny diako.

2. lzay midongy sy mirehareha
Tsy hahatratra ny Edenany;
Lomorina ny rano tsy mandeha,
Ka simba ao am-pijanonany;
Ka toy izany koa:
Ho simba avokoa
Izay mijanona,
Ka tsy manatona ny Tomposoa,
Izay mitahy sy mamelona.

3. Tsy misy zavatra aty an-tany
Mahafa-po ny faniriako;
Vahiny aho eto ka mankany
An-danitra izay fodiako.
Ny Tompoko malala
Ho avy hampiala
Ny olony aty;
Izaho dia tsy misalasala
Hanaraka ny Tompo ho ary!

1. He, tazako ny lalan-tery,
Izay misy fahoriam-be,
Kanefa feno hira re,
Fa na miady, tsy ho very.
Ny mino izay mizotra eo,
Na misy maty aza eo,
Hahazo ny lakrona.

2. He, tazako Sakaiza mora,
Mpanala fahoriam-be,
Mpiaro soa, Mpanome
Ny toky tsara isan’ora;
Sakaiza feno herim-po,
Mamonjy amin’ny manjo;
Sakaiza tsy manova.

3. He, tazako ny lamba soa
Omena ny voavotra
Ho fanesoran-keloka
Sy fanavaozana azy koa;
Fa Jeso efa nanome
Ny rany saro-bidy re,
Ho fanadiovana azy.

4. He, tazako ny andro ho avy,
Izay hialako sasatra,
Ka ny ririnin’efitra
Hanjary lohataona mamy;
Ka any vao hivelatra
Ny vonindraozin-danitra
Ao amin’ny Edena.

5. He, tazako ny voavonjy
Ao amin’ny Mpampakatra,
Dia ao an-tampon-danitra,
Izay niakaran’ny Mpamonjy;
Miravoravo izy ao,
Mihira fideram-baovao
Ho an’ny Zanak’ondry.

1. Jesosy Tompoko no lalana,
Fahamarinana, fiainana.

2. Tsy afaka manatona ny Ray
Raha tsy amin’ny alalany.

3. Jesosy, Tompon’ny fiainana ô,
Aoka Ianao no ho fiainako !

4. Ety an-tany : fiainam-bavaka,
Rahatrizay : fiainan-danitra !

5. lriko mafy ny hiakatra,
Hiaina izany fiainan-tsambatra !

6. Jesosy tokana no hanome
Ahy ny fiainana mandrakizay.

1. Zavatra iray ihany
No ho tadiavina,
Fa izay aty an-tany
Dia zava-poana,
Ny nofo dia zavamandalo ihany,
Satria ho lo ao anatin’ny tany;
Raha azoko kosa ny zavatra iray
Ny foko ho sambatra mandrakizay

2. Tadiavinao tokoa
Va ny zavatra izay?
Mba hevero fa ny soa
Momba ny mandrakizay;
Ka aza fatoran’ny eto intsony,
Katsaho tokoa ny any ambony,
Fa any no misy ny zavatra iray
Izay hifalianao mandrakizay.

3. Ry Fanahy ô, ampio
Ny finoako izao!
Ry Mpamonjy ô, tahio
Ny mpangataka aminao.
Tariho ny foko hitady tokoa
Ny any ambony izay mahasoa;
Jesosy ihany no zavatra iray,
Izay ho anjarako mandrakizay.

1. Eo ankavanan-dRay Hianao,
Ry Zanakondry ô!
Kanefa loza mahamay
No niaretanao.
Ny henatra aman-kelokay
Nihatra taminao;
Nivesatra ny otanay
No nahafatesanao.

2. Ry Zanakondry masina
Nijaly an-tsitrapo,
Teren’ny fitiavana
Hanala otako!
Ny tongotra aman-tananao
Dia voafantsika;
Ny gadranay dia tapakao,
Izahay dia afaka.

3. Vahoaka alinalina
Mitafy fotsy ery,
Ka samy miramirana
Mahita an’i Kristy.
Ny hira fihobiana
Manakoako ao,
Maneho fa navotana
Izao tontolo izao.

4. Indreo ny vahoakanao
An-tapitrisany
Mitondra ny Anaranao
Eo an-kandriny.
He! Toy ny rian-drano be
Ny fiderana Anao,
Voasokatrao ny lanitra
Ho an’ny olonao.

5. Misaotra Anao izahay, ry Ray
Izay navotanao,
Natolotrao ho solonay
Ny Lahitokanao.
Ry Zanak’ondry, Avotray,
Derainay Hianao,
Derainay ho mandrakizay
Ny fitiavanao!