Catégorie : 07 – Ny Fiainanana Kristiana

1. Mpamonjy soa malala ô!
Mba miandrandra Anao,
Ny foko sy fanahiko
Ankehitriny zao;
Fa Hianao, irery
No tena Mpanome
Ny fahafinaretana
Sy fitsaharam-be.

2. Mpiandry ondry mora ô!
Ry Jeso be fitia!
Hazony aho ondrinao
Mba tsy haniasia,
Andraso isan’andro,
Arovinao anie,
Endrey! Fa mahatahotra
Ny biby marobe.

3.Ry Kristy be fitia!
Ry Tompo tsy mandao!
Ny sandrinao iondanako,
Fa mamy Hianao;
Hianao nanolo-tena
Ho faty fahizay,
Hanangana olo-meloka
Ho zanakao indray.

4. Ry Tompo Zanahary
Be faharetam-po!
Izaho te-ho olonao
Mahitsy sy madio;
Ovay ny toe-tsaiko,
Ny foko mba sasao,
Mba ho tempoly mendrika
Ny hitoeranao.

5. Ry Jeso tsy miova!
Ry Vonivatoko!
Ry Zanak’Andriamanitra ô!
Ry Aro lehibe!
Izaho dia matoky
Ny fitiavanao;
Fa sambatra ny olonao
Miankina aminao

1. Mba omeo ahy
Fo madio kokoa
Afaka ahiahy
Ho Anao tokoa.
Izaho dia malaina,
0! mba hafanao re
Mba hikely aina
Hahefako be.

2. Mbola manangoly
Ny fakampanahy;
Ao koa ny devoly
Ta-hamotraka ahy;
Tompo ô! Ampio
Ny mpanomponao izao,
Ary mba tafio
Herim-po vaovao.

3. Atolory ahy
Zotom-po sy hery,
Fahendrem-panahy,
Fo mahay mietry.
Ampianaro aho
Mba hanolo-tena,
Ka mba hatanjaho
Ny finoako.

4. Dia hamasino
Ny saiko, ry Tompo!
Ka omeo fo mino,
Fo mahay manompo,
Fo mahay mihafy,
Fo miravoravo,
Na dia voa mafy,
Fo toy ny Anao.

1. Jeso ô, Mpiandry tsara !
Sambatra ny ondrinao;
Hianao no mialoha
Hanarahanay Anao ;
Mitariha, mitariha
Ny fanahinay izao:,:

2. Jeso ô, Mpiandry tsara !
Fohy ny fisainanay ;
Hianao mahay manoro
Lalana halehanay ;
Mitariha, mitariha
Ny fanahinay izao:,:

3. Jeso ô, Mpiandry tsara !
Tsinjonao ny dianay ;
Ondry very ka ho faty,
Raha tsy hatoninao ;
Mitariha, mitariha,
Ny fanahinay izao:,:

4. Jeso ô, Mpiandry tsara !
Izao, alehanay izao,
Ala be sy làla-mafy,
Maty re ny ondrinao !
Miarova, miarova
Ny fanahinay izao:,;.

5. Jeso ô, Mpiandry tsara !
Mafy re ny tahotray ;
Bibidia mamiravira
Mampivadi-po anay ;
Miarova, miarova
Ny fanahinay izao:,:

6. Jeso ô, Mpiandry tsara !
Ento mody izahay ;
Aminao ny valan’ondry
Tsy mba misy tahotra ;
Mitariha, mitariha
Ny fanahinay ho ao:,:

1. Mba tantano Raiko ô!
Ny fanahin-janakao,
Aoka re ny sandrinao,
No hiaro ahy izao;

Fiv : Indro! Raiso,
Tano aho Tompo ô!
Mba hanao ny sitrakao
Sy hitoetra ao aminao.

2. Ray malala Hianao,
Sady tia ny zanakao:
Aoka re ny tavanao
Hanazava ahy izao!
Indro! Raiso, sns…

3. Na dia maizina aza aty,
Dia matoky aho izao
Fa hianao, dia tsy mandao,
Izay miaraka aminao:
Indro! Raiso, sns…

1. Ry Jeso be fitia!
Tariho izahay
Mba tsy haniasia
Fa hiaraka aminao.
Indrisy! Ela loatra
No nijanonanay,
Nanaram-po nihoatra
Ny sitrapon’ny Ray.

2. Ry Tompo! Miarova
Ny fiananay ety,
Izay fohy, mora miova,
Fa tsy toy ny ary.
Izay ianteharana eto
Mandalo avokoa :
Ny fo re no mba ento
Hikambana aminao.

3. Tariho hahalala
Ny tianao hatao,
Ka tsy hisalasala
Handà izay halanao;
Mandatsaka ao an-tsaina
Ny soa vitanao,
Ka dia hikely aina
Hanao ny sitrakao.

1. Zanahary, Ray mahery,
lzahay tsy manan-kery,
Nefa he, ny fahavalo
Fa masiaka sady maro;
O! ampio re izahay,
Fa ny zavatra mihatra
Tsy mba misy maharatra
Ny arovanao, ry Ray,
Zanahary Ray mahery,
Mba arovy izahay!

2. Zanahary, Ray miantra!
Olon-diso sy mahantra
Izahay izay mitaraina,
Hianao no antenaina:
lantrao, re izahay!
Be tokoa ny fahotana
Mahatonga fanimbana
Efa vitanay tatÿ:
Zanahary, Ray miantra,
Mamelà ny helokay!

3. Zanahary, Ray malala!
Enga anie ka hahalala
Mba ho tia sy hanaiky,
Ary koa mba hanakaiky
Ny Mpamonjy izahay;
Tsy ny tahotray ny loza
No nanaitra anay hiova,
Fa ny ran’ny Zanakao;
Zanahary, Ray malala,
Mba hazony izahay!

1. Ry Raiko ô! Tariho ny zanakao,
Tariho re!
Fa maizina ny lalako izao,
Tariho re!
Tsilovy ka omeo finoana,
Tantano ao am-pandehanana.

2. Izay ela izay ny lalan-tsitrapo
No tiako;
Izay ela izay izao, tontolo izao
No mamiko;
Kanefa izao, tariho ny zanakao,
Ry Raiko ô! Handia ny làlanao.

3. Tsy mba ahoako ny loza aty
An-dalana;
Tsy te-hitsinjo koa ny ary
An-koatra;
Fa isan’andro alaharonao,
Ry Raiko ô! Ny dian’ny zanakao.

4. Na mbola lavitra aza re izay
Alehako,
Tarihonao ambara-pahafaka
Ny alina,
Dia vao hitsahatra ny zanakao,
Ry Raiko ô! Ary an-danitrao.

1. Eny, Raiko! Mba tariho
Ny fanahin-janakao.
Ka ny saiko atodiho
Hankato ny teninao.
Zaza be fisiasia,
Tano re ny zanakao,
Dia taomy mba ho tia
Sy hanao ny sitrakao.

2. Eny, Raiko! Mba tsilovy
Ny alehan-janakao,
Ka tantano sy arovy
Mba hankany aminao;
Mora reraka ny aina
Raha tsy fahananao,
Ka tohano tsy halaina
Mba hanao ny sitrakao.

3. Eny, Raiko! Raha mafy
Izany tsorakazonao,
Ka ny aiko tsy mahahafy
Mba vonjeo ny zanakao;
Ka ny foko ‘zay adala
Mba ovay sy hazavao,
Dia taomy hahalala
Mba hanao ny sitrakao.

4. Eny Raiko! Mba tohano
Raha mihatra ny manjo,
Ka vimbino sy tantano
Tsy ho kivy re ny fo;
Raha tapitra ny aiko,
Raiko hody aminao;
Eny, ento aho, Raiko!
Fa izay no sitrakao.

I. Rainay be fitia!
Avy izahay
Hila zavatsoa
Ato aminao;
Mihainoa anay.

2. Rainay tsy miova!
Mijere anay,
Zanaka nikomy,
Fa naverinao;
Maneke anay!

3. Rainay be fiantra!
Menatra izahay,
Dia mba mifona
Eo imasonao;
Miantrà anay!

4. Rainay be harena,
Mpanome ny soa!
Izahay mahantra,
Mitaraina hoe:
Manomeza anay!

5. Rainay be fitia!
Indreto izahay
Avy mba hitondra
Saotra ho Anao:
Aza lavinao!

1. Aza manadino ahy,
Ry Mpihaino vavaka!
Aza mba manary ahy
Hanalavitra Anao;
Mitodiha ry Mpanjaka!
Ka Jereo ny olonao;
Aza manadino ahy,
Ry Mpihaino vavaka!

2. Hianao no fiereko,
Vatolampy, heriko!
Na kamboty aza aho,
Faly manana Anao;
Afa-tahotra ny foko,
Raha miandrandra Anao;
Aza manadino ahy,
Ry Mpihaino vavaka!

3. Eny Hianao no Raiko,
Ka hatoniko izao;
Nefa ny fahadalako
Aza mba heverinao;
0! ampifalio aho,
Ka ombay ny elatrao;
Aza manadino ahy,
Ry Mpihaino vavaka!

4. Tabataba lalandava
No mba hitako izao,
Ka izaho te-ho tonga
Ao am-pitsaharanao-,
Mitenena, ry Jehovah!
Mamalia ahy izao;
Aza manadino ahy,
Ry Mpihaino vavaka!