1. Jeso ô, Mpitia anay !
Maminay ny teninao,
Osa ny fanahinay,
Fa mahery Hianao :
Fiv : Mamy, ry Jeso ! (in-3)
Ny fitiavanao.
2. Jeso ô, Mpitia anay !
Mahadio Hianao ;
Ka ny halotoanay,
Aoka ho voasasanao :
Mamy ry Jeso !, sns…
3. Jeso ô, Mpitia anay !
Tompon’aina Hianao ;
Maro ny aretinay,
Nefa samy afakao :
Mamy ry Jeso !, sns…
4. Jeso ô, Mpitia anay !
Aoka hotarihinao ;
Aza mba mandao anay,
Mandra-pahafatinay :
Mamy ry Jeso !, sns…
1. Irinay Jeso tia,
Mpanota izahay,
Ka misy alahelo
Aty anatinay;
Irinay ny Mpamonjy
Hiseho ho anay,
Hanafaka ny ota
Mba hifalianay.
2. Irinay Jeso tia
Mba hanazava anay,
Fa maizina ny sainay,
Ka diso izahay;
Irinay Jeso Kristy
Hanolo-tsaina anay,
Irinay Jeso hendry
Mba hianaranay.
3. Irinay Jeso tia
Ho tonga aminay,
Hiantra sy hiaro
Sy hanadio anay;
Na dia malemy aza
Ka reraka izahay,
Rehefa voavonjy,
Matanjaka izahay.
4. Ry Tomponay malala!
Ry Jeso tianay!
Ry Havanay mahery!
Ry Rahalahinay!
Vonjeo izahay mpanota
Miankina aminao,
Tahio izahay mahantra
Mivavaka aminao.
1. Mba manampia anay,
Ry Jeso Tompo soa!
Ka dia ny fiainanay
Hambinina avokoa.
2. Ny tadiavinay
Dia fihavanana,
Tsy isarahana aminao
Izay Fiainana.
3. Ampionao izahay
Mba hahalala Anao,
Ka aoka mba harahinay
Ny nodiavinao.
4. Dia mankalaza Anao
Izahay, ry Tompo ô!
Fa, he, ny fitahianao
Dia tena mahasoa.
1. Ry Jeso ô! ry Jeso ô!
Ny fonay tia Anao,
Ra manomàna anay izao,
Ho any aminao :
Fa sambatra avokoa
Izay tonga ao aminao;
Izahay maniry koa
Ho eo ankilanao.
Fiv : Fa sambatra avokoa
Izay tonga ao aminao;
Izahay maniry koa
Ho eo ankilanao.
2. Ry Jeso ô! ry Jeso ô!
Ampionao izahay
Hihevitra ny lanitrao
Izay hodianay
Fa sambatra, sns…
3. Ry Jeso ô! ry Jeso ô!
Maloto izahay,
Tsy mendrika ny lanitrao,
Diovinao izahay :
Fa sambatra, sns…
4. Ry Jeso ô! ry Jeso ô!
Ny fahavalonay
Mamely ny fanahinay,
Reseo, fa rafinao :
Fa sambatra, sns…
5. Ry Jeso ô! ry Jeso ô!
Sao reraka izahay
Miandry ny hodianay,
Tohanonao ‘zahay :
Fa sambatra, sns…
1. Ry Jeso ô, ry Jeso,
Ny foko lasanao
Ka Ianao irery
No Tompoko izao !
Tsy manan-tahotra aho
Ianao no aroko ;
Ny lalako mazava
Ianao faniloko !
Fiv : Ry Jeso ô, ry Jeso,
Ny foko lasanao
Ka Ianao irery
No Tompoko izao !
2. Mitaona dia mitaona
Ny zava-poana,
Ankoso-bolamena
Mamirapiratra
Anefa, ry Mpamonjy,
Izay ampianao
Dia haharesy tsara
Izao tontolo izao !
Fiv : Ry Jeso ô, ry Jeso, sns…
3. Ny nofoko malemy
Ka be ny sitrapo ;
Be koa ny fitsapana
Mahazo ahy izao
Anefa, Jeso tia,
Raha re ny feonao
Mahazo hery aho
Hanao ny sitrakao !
Fiv : Ry Jeso ô, ry Jeso! sns…
4. Ry Jeso ô, ry Jeso,
Mba tovy amiko
Ilay teny maharavo
Hoe „Sakaizako »
Iriko lalandava
Hiaraka Aminao
Mba hahitako tsara
Ny fitiavanao !
Fiv : Ry Jeso ô, ry Jeso, sns…
5. Ny dianao jereko
Ety an-dàlana
Ambara-pahatratra
Ilay fitsaharana ;
Omeo hery aho
Hanompo tsara Anao
Fa fantatrao, ry Jeso,
Ny foko lasanao !
Fiv : Ry Jeso ô, ry Jeso, sns…
1. Jeso Tompo manan-kery,
Miarova anay!
Ry Mpitady ondry very,
Mamonje anay !
2. Jeso Tompo be fitia,
Mitsinjova anay !
Ny fanahinay mania,
Miantrà anay!
3. Jeso Tompo be fiantra,
Mijere anay !
Ny fanahinay mahantra,
Mitahia anay.
4. Jeso Tompo mahalala.
Mananara anay !
Ny fanahinay adala,
Mitariha anay.
1. Jehovah no Ampinga
Sy Masoandro koa,
Hiaro amin-doza
Sy hanazava koa.
2. Ka tsy handresy ahy
Izay fahavaloko;
Na ota na devoly
Ho resy avokoa.
3. Fa raha alaim-panahy,
Na misy izay manjo,
Hanatona Azy aho
Hakako hery koa.
4. Rehefa tapitra andro,
Ka tonga amiko
Izay hialako aina,
Dia tsy ho tahotro.
5. Ny lanitra haleha
Sy hitoerako;
Hidera an’i Jeso
Mandrakizay doria.
1. Eo an-tananao, ry Raiko,
No apetrako izao
Ny fiainako rehetra,
Mba tahio ny zanakao !
Marobe ny fahavalo
Ta hamely ahy e,
Ry Jehovah, Ray mpiaro,
Mba arovinao anie !
2. Raha mbola eto aho
Zaza be fisiasia,
Tia ratsy noho ny soa
Ka mandà ny Tompo tia ;
Aza mba manary ahy
Ry Mpamonjy tsy mandao,
Aza manalavitra ahy
‘ndrao dia takona Aminao !
3. Na ho lava na ho fohy
No hiainako ety,
Tsy mba sitrako akory
Ny handà ‘zay tendrinao ;
Raha tonga anio ny andro
Izay handaozako ity,
Eo an-tànanao no tiako,
Raiso aho ho ary !
4. Eo an-tànanao, ry Raiko,
No apetrako izao
Aina, tena sy fanahy
Mba vonjeo ny zanakao !
Ampianaro hahazaka
Fitondrana tianao ;
Ilazao mba hahalala
Fa izao no sitrakao !
5. Eny, Raiko, mba valio
Izao fivavako izao,
E, jereo ka mba tahio
Izaho miandrandra Anao !
Mba sasao ny ranao soa
Dia hadio aho izao ;
Ry Mpamonjy, mihainoa
Ny mpanomponao izao !
1. Ario ny tahotrao,
Ry olona osa fo!
Izay lazain’ny Tomponao
Tsy hisy tsy ho to;
Ny fisentoanao
Dia reny avokoa;
Ny feon’ny fitarainanao
Valiany tokoa.
2. Mpanjaka lehibe
No itokianao;
Ny tanany mahery re
No hamonjena anao;
Tsy misy mahalà
‘Zay tiany hatao:
Handositra amin-tahotra
Ny fahavalonao.
3. Ny fitondrany soa
No iankinonao;
Koa aoka hofidiny koa
Izay halehanao;
Na dia tsy takatrao
Ny sainy lalina.
Izay tendreny ho anao
Ekeo ho marina.
4. Ry Tompo tsara ô!
Mba mijere anay,
Na reraka aza re ny fo
Tohanonao ‘zahay:
Ovay ny hevitray,
Ny fonay hazavao,
Izay atoronao anay
Hizoranay izao.
1. Jeso Loharanon’aina,
Jeso Masoandronay !
Izao ny fonay mitaraina,
Mba velomy izahay !
O, savao ny zavon-tany
Ao am-pandehananay !
Dia Hianao ihany
No ho Masoandronay !
2. Jeso Mofon’aina soa,
Mba vokiso izahay !
Jeso làlana tokoa,
Mba tariho izahay !
Alfa sy Omega tsara
Hianao, Mpamonjinay !
Teny soa manambara
Jeso no fiainanay !