1. Ny sambonkelinay ety
Mitety rano be,
Misononoka ho ery,
An-dafin’ony be. (in-3)
2. Ny rivo-doza tsy hanjo.
Fa Jeso aminay;
Ny alondrano mankato
Ilay Maherinay (in-3)
3. Mamaky onja izahay,
Fa tsy ho faty ao;
Ny fitodiantsambonay,
He! tazanay izao (in-3)
4. Irinay ny ho tonga ao
Hilaozanay ity;
Mitsena anay tokoa izao
Ny Zokinay ary (in-3)
1. Jeso Tompo! Vatolampy,
Vato voafantina,
Mba ho fanorena-mafy
Izay tsy mety levona;
:,: Vato mafy :,:} (in-2)
Dia itokianay.
2. Jeso Tompo! Vatolampy
Voazaha toetra;
Vato tsy mba misy tsiny,
Sady tsara endrika:
:,: Vato soa :,:} (in-2)
Dia ifalianay.
3. Jeso Tompo! Vatolampy,
Vato fehizoronay;
Efa nampiray fanahy
Ny fitianao anay
:,: Fehizoro :,:} (in2)
Vato fampiraisana.
4. Jeso Tompo! Vatolampy,
Tsy miova Hianao;
Manan-jara ny matoky
Ny tsy fivadihanao,
:,: Fa ho faly :,: } (in-2)
Ka tsy hanan-kenatra.
1. Tsy misy miadana ka afa-po
Izay monina eto an-tany;
Fa izay tia sy mino ny
Tompo Jeso
No hahazo ny soa tsy lany.
———————
Personne sur terre
Ne peut être en paix et comblé
Mais seul celui qui aime et qui croit
au Seigneur Jésus
Recevra les bienfaits inépuisables.
Fiv : Mba irio, mba irio
Ny hananana an’i Jeso.
———————
Désirez, désirez
Avoir Jésus
2. Raha misy mahory mahazo ety
Jeso no hanala izany;
Tsarovy ny avotra tao
Kalvary,
Fa nalatsany tany ny rany
Mba irio, Mba irio,
sns…
———————
Si un malheur survient ici-bas
Jésus enlèvera ta tristesse
Souviens toi du salut
Au mont du calvaire
Car Il y a fait couler son sang.
Désirez, désirez
etc …
3. Izao maniry hanaraka
Anao,
Ry Tompo Mpanafaka ota!
Fa fantatro tsara hatramin’zao
Ny fitiavanao ahy mpanota.
Mba irio, Mba irio,
sns…
———————
Je souhaite Te suivre
Toi Seigneur qui absout les péchés !
Car je suis convaincu que depuis toujours
Tu m’aimes, moi qui suis pécheur.
Désirez, désirez
etc …
Translation by Uthando
1. Andeha ry hava-malala!
Andeha hiaraka izao,
Hitady fonenana tsara
Honenana mandrakizay,
Ao amin’ny tanin’ny Tompo
Ny fahasambarana be,
Ny ota tsy miditra akory,
Tsy misy ny loza manjo.
Fiv : Dia aoka hiaraka isika,
Ry hava-malala izao!
Hitady fonenana tsara
Honenana mandrakizay.
2. Ny trano dia maro tokoa,
Mifaly ny mponina ao,
Tanteraka soa ny aleha,
Fitia omena ny ao;
Miara-midera ny Tompo,
Mpanavotrabe indrafo;
Miara-mandova ny soa,
Mitafy lamba madio:
Dia aoka, sns…
3. Na ety ny lalana aza,
Na maro ny zava-manjo,
Dia aza matahotra akory,
Mandroso no mety hatao;
Anjely tsy tambo isaina
Hirahin-kanampy anao;
Mpanompon’ny Avo Indrindra
Hitoby hiaro anao:
Dia aoka, sns…
1. Ry zanako mania!
Henoinao izao.
Izaho be fitia
Mangora-po anao;
Ry zanako! Modia,
Sao maty hianao,
Fa be ny bibidia;
Modia re!
2. Ny zavatry ny tany
Sao mahasimba anao
Harena mety lany
Tsy mahavonjy anao;
Izaho irery ihany
No hiadananao;
Ka mbola manontany:
Tsy hody va?
3. Mamiratra jerena
Ny lalan-tsitrapo,
Fa ankoso-bolamena,
Mamitaka ny fo;
Ny sitrapon’ny tena
Mamery ny ainao,
Ario ka miverena,
Modia re!
4. Izaho Tompon’aina,
Nijaly ho anao,
Ka, he, nanolotra aina
Mba hamonjena anao;
Ny rako mitaraina,
Modia hianao;
Ka aza mba malaina,
Modia re!
1. Finaritra ny vorona ao an’ala
Sy ao an-karam-bato avobe:
Na dia betsaka ny mpankahala
Mivonon-kahafaty azy re;
Matoky izy, tsy misalasala,
Fa manam-piarovan-dehibe,
2. Jesosy Tompoko no harambato
Sy ala mafy ikirizako;
Na mafy aza sady tsy miato
Izay ataon’ny fahavaloko,
Mamely ahy ary misahato,
Jesosy re no fiarovako.
3. Izay rehetra ta-hamely ahy,
Mikendry , nefa sasa-poana;
Izaho dia ravo am-panahy,
Tsy azony atao ahoana,
Fa misy manda manodidina ahy,
Izay miaro sy manohana.
1. Manatòna, ry mpanota
Ory, jamba, very koa!
Hianao simbàn’ny ota,
Indro, ao ny Tompo soa;
Ry tsy mendrika hovonjena,
Misy ‘zay miantra anao;
Fifaliam-be homena,
Famelana helokao.
2. Mba henoy ny teny tsara
‘Zay lazaina aminao,
Sao very ny anjara
Soa tadiavinao;
Feno antra, manan-kery
Jeso no mitaona anao;
Ka ny mino tsy ho very
Manatòna re izao.
3. Ny miato tsy mba tsara,
Ny halainanao ario;
Sao helohin’ny Mpitsara,
Manatòna re anio;
He! Miandry ny Mpamonjy,
Mba faingàna hianao.
Raha te-ho voavonjy,
Aza ela hianao.
1. Faingàna, ry hava-malala,
Hatòny ny Tompo izao,
Ny fo sy ny feo asandrato,
Derao ‘Lay nanvotra anao.
Ny avotra sy ny famonjena,
‘Zay vitany tao Kalvary,
No fanantenan’ny mpanota
Hahazo fiainana ary.
2. He Izy mitondra irery
Ny mafy, nisolo anao,
Ka maty hamonjy ny very;
Ny rany nandriaka tao.
Niaritra latsa sy eso,
Ny hombo sy ny lefona koa;
Nivesatra ota Izy teto
Hanananao fiainana soa.
3. Endrey! Ny fitiavan’i Jeso,
Ry olo-mahantra, jereo!
Nijaly hamonjy, hevero,
Ny ota mahazo ekeo;
Ekeo, fa ny fo mihamafy,
Dia loza manenjika anao;
Faingàna hamonjy ny ainao.
Haharaoty ny andro ‘zao.
4. Ny masom-panahy atopazo,
Ny lanitra no andrandrao;
Ny Tompo maniry hamonjy,
Henoy, fa miantso anao,
Fiangàna, ry hava-malala!
Modia an-tranon’ny Ray;
Miandry anao re ny lova,
Fiainana mandrakizay.
1. Ry Jeso Tompo tsara ô!
Tsy azoko valiana
Izato fitiavanao
Manafa-pahoriana.
He, sambatra aho, Tompo ô!
Fa manana Anao izao,
Izay tsy mba mety sosotra,
Na faly hampitahotra,
Ka Hianao no tokiko
Sy foto-pifaliako.
2. He, isam-pahoriana
Izay niantsoako Anao,
Dia efa novaliana
Ny hataka izay natao.
Ny heloko navelanao,
Ny foko nohavaozinao,
Ny loza nosakananao,
Ny ngidiny nesorinao;
Ny aim-baovao iainako,
Ka velona ny heriko.
3. Ka amin’izao sisa izao,
Mikasa aho, Tompo ô!
Hanao izay nohafaranao,
Hanaraka Anao am-po.
Satana dia holaviko;
Hafoiko izao tontolo izao,
Rafesiko ny nofoko,
Fa Hianao, Mpamonjy ô!
Mpanavotra tsy foiko,
No sisa hotompoiko.
1. « Ambarao, ry mpivahiny!
Ny alehanao izao! »
« Fiakarana mideza
Ihoaranay anio:
Jesosy Tompo no miantso
Mba ho ao an-tany soa;
:,:Mba ho ao an-tany soa;
Jeso no alehanay:,: ».
2. « Lozanao, ry mpivahiny,
Lalàna tsy fantatrao! »
« Tsia, fa anjely maro
No miaraka aminay;
Jeso Tompo no mitondra,
Tsy hanjo anay ny loza,
Tsy hanjo anay ny loza,
:,:Tsy hanjo anay ny loza;
Izay no ampinganay:,: ».
3. « Inona, ry mpivahiny,
No ho azonao ary? »
« Jeso Kristy be fitia
Vonon-kanome anay
Lamba fotsy, zava-tsoa,
Ranon’aina tsy ho lany,
:,:Ranon’aina tsy ho lany!
Jeso no hatoninay:,: »
4. « Tianay, ry mpivahiny,
Mba hiaraka aminao! »
« Mandrosoa, ry sakaiza!
Miaraha aminay:
Fa izay mitady tsara
Tsy mba lavin’i Jesosy,
:,:Tsy mba lavin’i Jesosy,
Izy no hidiranay:,: »