Catégorie : FFPM

731 – Enga anie ka homba anao Jeso!

1. Enga anie ka homba anao Jeso!
Hanadio sy hanazava,
Hampahery lalandava
Enga anie ka homba anao Jeso!

Fiv : Homba anao, Homba anao Jeso
Homba anao anie Jeso,
Homba anao, Homba anao Jeso
Enga anie ka homba anao Jeso

2. Raha mitambatra ny rahona,
Ka mikimpy ny masoandro,
Raha Jeso momba isan’andro
Ho tantely koa ny vahona.
Homba anao, sns…

3. Mangamanga indray ny lanitra
Loharanom-pitahiana
Sady foto-pifaliana.
Jeso Zanak’ Andriamanitra.
Homba anao, sns…

4. Raha mitolona ady sarotra,
Matokia fa tsy ho irery,
Homba anao Jeso mahery,
Homba anao tsy miady varotra
Homba anao, sns…

5. Raha hilaozana ny havana,
Sady mainty koa Jordana,
Ho mazava ny fitàna
Ao Jeso hanangana avana.
Homba anao, sns…

6. Raha Jesosy no mitantana,
Paradisa koa ny tany,
Hasambarana hatrany,
Ao Kanana no hamantana.
Homba anao, sns…

730 – O! tahio ny havanay re

1. O! tahio ny havanay re
Izay handeha lavitra,
Be tokoa ny alahelo
Noho ny fisarahana:
:,: Manatreha:,:
Izao veloma atao izao.

2. Mba sakanonao ny loza
Tsy hamely azy izao;
Raha misy mampahosa,
Asehoy ny herinao;
:,: Mba tantano :,:
Tsy hisaraka aminao.

3. Aoka mba ho tonga soa,
Tsy ho azon-tsampona;
Aoka koa mba hampodina
Eto aminay indray,
:,: Ka hisaotra :,:
Noho ny fivimbinanao.

729 – Ry Jehovah Ray Tsitoha

1. Ry Jehovah Ray Tsitoha
Mba avia hialoha
Sy hiaro ny mpandeha
Lavi-dalana haleha
Mba jereo ny olonao
Sarak’olona irery
Sady tsy mba manan-kery
:,: Ka jereo ry Tomponay!:,:
Mba Tazano ny mpandeha; (in-3)
Hianao no herinay.

2. Ao ny andro mamanala,
Sakambino ao an’ala:
Raha mandeha mita rano,
Mba hazòny sy tantano,
Ka vonjeo ny olonao;
Be ny zavatra mihatra
Izay manimba sy mandratra,
:,: Ka vonjeo, ry Tomponay!:,:
Mba arovy ny mpandeha; (in-3)
Hianao no aronay.

3. Raha ory, mba tohano,
Ka vimbino sy tantano
Tsy ho reraka ny fony,
Aza afoy, fa mba hazòny,
Iantrao ny olonao;
Raha mahantra izy any,
Ory sady mitomany,
:,: Ka vangio, ry Tomponay!:,:
Mba tsarovy ny mpandeha; (in-3)
Hianao no tokinay.

727 – Andriananahary nikarakara anay

1. Andriananahary
Nikarakara anay,
Ka nampitsiry vary
Ho fivelomanay!
Ny haninay tahio
Ho tonga tanjakay,
Ny hevitray tariho
Mba hiadananay.

2. Ry Rainay ao ambony,
Misaotra Anao izahay,
Fa zava-tsoa itony
Izay nohaninay.
Ny zavatra rehetra
Dia manantena Anao,
Fa tsy mba misy fetra
Ny fitiavanao.

726 – Efa hariva Jeso tia!

1. Efa hariva Jeso tia!
Tomoera aminay;
Ny fanahinay tahio,
Fa hatory izahay.

2. Fa ny helokay ekenay,
Mahavonjy Hianao;
Ny manjo anay lazainay,
Fa miantra ny fonao,

3. Alina maharitra ela,
Aizi-mampivadi-po,
Fa ny olona fidinao
Tsy mba takona aminao.

4. Hianao no mitahiry
Ny miankina aminao
Voahididin’ny anjely
Ny mialoka aminao.

5. Raha anio no tapitra andro
Izahay mpanomponao,
Aoka izahay hifoha
Ao an-dapaso anao.

725 – Alina ny andro

1. Alina ny andro,
Ka efa mba hatory
Ny masonay;
Hianao, Jehovah ô!
‘Zay tsy mety sasatra,
:,: No aronay.:,:

2. Lasa ny mazava,
Ka ny masoandro
Tsy hitanay:
Tsy matahotra izahay,
Hianao an-danitra
:,:Mahita anay.:,:

3. Fa ny kintana eny,
Efa manazava
Ny dianay;
Koa tsy nafoinao,
Fa nasehonao ireo
:,:Ho tokinay.:,:

4. Alina sy andro
Samy mba manaiky
Ny tendrinao;
Tonga re nY maizina,
Nefa: tsy ilaozanao
:,:Ny olonao.:.:

5. Eto ny mazava
Dia manam-petra;
Fa ao aminao;
Tsy mba misy alina,
Fa mamirapiratra
:,’:Ny tavanao.:,:

724 – Mpamonjy Masoandronay!

1. Mpamonjy Masoandronay!
Fahazavan’ny alinay,
Ny zavon-tany mba savao
Tsy hanakonany Anao.

2. Tontolo andro Hianao
No anton’ny iainanay;
Raho alina, mombà anay,
Ny faty tsy ho tahotray.

3. Ny aizina mba hazavao,
Tarihonao ny lalana,
Halehanay an’efitra,
Ho tonga any Aminao.

4. Izay marary mba tsaboy,
Ny ory aza afoinao,
Ho toy ny torin-jaza anie
Ny fiadanany izao.

5. Tahio ny hifohazanay
Hanaovanay ny sitrakao
Arnbara-pahatapitra
Ny andro ivelomanay.

6. Raha mby aminao izahay,
Hahita fiadanana,
Fa ao tsy misy alina,
Hianao no Masoandronay.

723 – He, alina indray izao

1. He, alina indray izao,
Jesosy Tompo ô,
Ka aoka ny mpanomponao
:,: Homban’ny elatrao.:,:

2. Fa iza no hahita anay,
Raho azon-doza izao,
Kanefa kosa aronay
:,: Ireo anjelinao :,:

3. Ka raha hatory izahay,
Ry Rainay tsara ô,
Ny tena sy fanahinay
:,: Dia mba arovinao :,:

4. Ka raha aposakao indray
Ny masoandronao,
Fohazy tsara izahay
:,: Hisaoranay anao :,:

722 – He, alina ny andro

1. He, alina ny andro,
Ka mba esorinao;
Ny fahotako maro,
Mba tsy ho hitanao:
Reseo ny mpamely
Ny zanakao, ry Ray;
Iraho ny anjely
Hiambina anay.

2. Raha maizina ny tany,
Ny andro tapitra,
Tsaroanay ihany
Ny fasa-maizina;
Arovy lalandava
Izahay, ry Tomponay,
Ka aoka ho mazava
Ny hitsangananay.