Fpma Paris

ASTUCE: RÉACTUALISER VOTRE PAGE EN CAS DE RAJOUT DE CHANTS PENDANT LE CULTE. BON CULTE

FANOMPOAM-PIVAVAHANA

Fandraisana ny Fanasan’ny Tompo

Alahady 17 novambra 2024

TRADUCTION DU DIRECT:
+33 (0)1 70 37 22 46 – Code 98810659739#- Mot de passe : 2020#

Offrandes, rakim-pisaorana, cotisation
http://www.fpma-paris.org/offrandes-cotisation
  • Lakolosy & Feon’java maneno fanombohana
  • Mpitarika : Amin’ny anaran’ny Ray sy ny Zanaka ary ny Fanahy Masina, Amen !

FANATREHANA & FIDERANA NY TOMPO

  • Salamo 93
  • Hira :

    16 - Avia, ry vazantany ô! (1-2-4)

    1. Avia, ry vazantany ô!
    Sy mponina ao an-danitra
    Miraisa feo ka mihirà
    Ny fanavotan-dehibe,
    :,:Zay amonjena marobe
    Dia vita re ka miderà.:,:

    2. Avia, ry fiangonana ô!
    Mba asandrato re ny feo
    Hidera ny Mpanavotra;
    Na aty an'efitra aza izao,
    :,: Hirao am-pandehanana
    Ny hira soan'i Ziona :,:

    4. Avia, ry olom-bery ô!
    Izay mandre ny teny soa
    Hoe: "Manatòna Ahy 'zao";
    Anio ny Tompo mba fidio
    :,: Ny fitiavany valio;
    Ny fiderany koa hirao :,:
  • Vavaka fihaonana
  • Feon’java-maneno

SITRAPON’ANDRIAMANITRA

FIAIKEN-KELOKA

  • Mpitarika: (Vavaka fifonana)
  • Fiangonana :
    « Ry Rainay Be Famindram-Po Ô, Mitalaho Aminao izahay; Mamelà ny helokay;
    Diovy izahay ho afa-pahotana; Sasao izahay ho afa-keloka; Ary havaozy ny fanahinay mba ho vonon-kanompo Anao. Ny Fitiavan’i Jesosy Kristy Zanakao Mpamonjy anay no angatahanay Aminao. Amena. »
    • Hira:

Ry Andriamanitra Tompo Ray any an-danitra ô, mamindrà fo aminay !
Ry Jesosy Tompo Mpamonjy izao tontolo izao, mamindrà fo aminay !
Ry Fanahy Masina Tomponay Mpampionona ô, mamindrà fo aminay !

TENY FAMELAN-KELOKA SY FIHAVANANA

  • Mpitarika: (Teny famelan-keloka)
  • Fiangonana: Amen

FANKALAZANA

  • Mpitarika : Voninahitra any amin’ny avo indrindra ho an’Andriamanitra
  • Fiangonana : Ary fiadanana ho ety ambonin’ny tany amin’ny olona ankasitrahany.
  • Hira:

    4 - Mamy ny fitianao (1-2-4)

    1. Mamy ny fitianao,
    Ry Jehovah Tomponay
    Foinao ny Zanakao
    Ho Mpanavotra anay !
    Tsy mba misy tokinay
    Afa-tsy ny Zanakao,
    Ka misaotra Anao izahay
    Noho ny fitianao !

    2. Mamy ny fitianao,
    Mahafaly fo tokoa
    Izahay avelanao
    Mba hibebaka avokoa !
    Lasa lavitra izahay
    Nefa notadiavinao ;
    Efa ratsy izahay
    Nefa tsy nafoinao !

    4. Mamy re, ry Tomponay
    Izao fitianao izao,
    Ka indreto izahay
    Avy mba hisaotra Anao ;
    Raiso re izao saotra izao
    Fa fanati-tsitrapo,
    Tsy mba mendrika ho Anao
    Nefa vokatry ny fo !
  • Feon’java-maneno

FAMAKIANA NY TENIN’ANDRIAMANITRA
FOTOANAN’NY ANKIZY SY TANORA

(Mitsangana ny ankizy sy ny tanora)

    • Hira :

      206 - Ny Teny masinao Jehovah Tompo ô

      1. Ny Teny masinao
      Jehovah Tompo ô,
      Nampanoratinao
      Ireo mpanomponao,
      Dia tiako ka tanako
      Ho lova sy fananako !

      2. Ny Teny masinao
      'Zay noteneninao
      Milaza amiko
      Ny hasoavanao,
      Izay harena atolotrao
      Ho entiko hidera Anao !

      3. Ny Teny masinao

      Andriamanitra ô,
      Maneho ny fitia
      Nataon'ny Zanakao,
      'Zay maty tany Kalvary
      Hamonjy ny mpanota ety

      4. Ny Teny masinao
      No mampianatra
      Ny saiko tsy mahay
      Mba hahafantatra
      Ny zavatra miafina
      'Zay momba ny hasoavanao

      5. Ny Teny masinao
      Dia tsy mba mety lo,
      Izay ambarany
      Tsy misy tsy ho to,
      Na levona aza ka tsy ao
      Izao rehetra ary izao !
  • Mpitarika: Ho aminareo anie ny Tompo
  • Fiangonana: Ary ho amin’ny fanahinao
  • Mpitarika: (Vavaka ho an’ny ankizy sy noho ny Teny)

    VAKITENY

TESTAMENTA TALOHA : Daniela 12. 1-3

ANCIEN TESTAMENT : Daniel 12. 1-3

1 En ce temps-là se lèvera Micaël, le grand chef, le défenseur des enfants de ton peuple; et ce sera une époque de détresse, telle qu’il n’y en a point eu de semblable depuis que les nations existent jusqu’à cette époque. En ce temps-là, ceux de ton peuple qui seront trouvés inscrits dans le livre seront sauvés. 2 Plusieurs de ceux qui dorment dans la poussière de la terre se réveilleront, les uns pour la vie éternelle, et les autres pour l’opprobre, pour la honte éternelle. 3 Ceux qui auront été intelligents brilleront comme la splendeur du ciel, et ceux qui auront enseigné la justice, à la multitude brilleront comme les étoiles, à toujours et à perpétuité.

EPISTILY: Hebreo 10.11-14,18

EPÎTRE : Hébreux 10.11-14,18

11 Et tandis que tout sacrificateur fait chaque jour le service et offre souvent les mêmes sacrifices, qui ne peuvent jamais ôter les péchés, 12 lui, après avoir offert un seul sacrifice pour les péchés, s’est assis pour toujours à la droite de Dieu, 13 attendant désormais que ses ennemis soient devenus son marchepied. 14 Car, par une seule offrande, il a amené à la perfection pour toujours ceux qui sont sanctifiés.
…
18 Or, là où il y a pardon des péchés, il n’y a plus d’offrande pour le péché.

FILAZANTSARA: Marka 13. 24-32

EVANGILE: Marc 13. 24-32

 
24 Mais dans ces jours, après cette détresse, le soleil s’obscurcira, la lune ne donnera plus sa lumière, 25 les étoiles tomberont du ciel, et les puissances qui sont dans les cieux seront ébranlées. 26 Alors on verra le Fils de l’homme venant sur les nuées avec une grande puissance et avec gloire. 27 Alors il enverra les anges, et il rassemblera les élus des quatre vents, de l’extrémité de la terre jusqu’à l’extrémité du ciel. 28 Instruisez-vous par une comparaison tirée du figuier. Dès que ses branches deviennent tendres, et que les feuilles poussent, vous connaissez que l’été est proche. 29 De même, quand vous verrez ces choses arriver, sachez que le Fils de l’homme est proche, à la porte. 30 Je vous le dis en vérité, cette génération ne passera point, que tout cela n’arrive. 31 Le ciel et la terre passeront, mais mes paroles ne passeront point. 32 Pour ce qui est du jour ou de l’heure, personne ne le sait, ni les anges dans le ciel, ni le Fils, mais le Père seul.
 
  • Fiangonana : Ray Masina ô! Manamasina anay amin’ny fahamarinana, ny Teninao no fahamarinana. Amen!

FANEKEM-PINOANA KRISTIANA

Mino an’ Andriamanitra Ray Tsitoha, Mpanao ny lanitra sy ny tany aho.

Ary mino an’ i Jesoa Kristy Zananilahy Tokana Tompontsika, izay notorontoronina tamin’ ny Fanahy Masina, naterak’ i Maria Virjiny, nijaly raha nanapaka i Pontio Pilato, nohomboana tamin’ ny hazo fijaliana, maty ka nalevina, nidina tany amin ‘ny fiainan- tsy hita, nitsangana tamin’ny maty tamin’ny andro fahatelo, niakatra ho any an- danitra, mipetraka eo an- kavanan’ Andriamanitra Ray Tsitoha, avy any no hiaviany hitsara ny velona sy ny maty.

Mino ny Fanahy Masina aho, ny Fiangonana Masina manerana izao tontolo izao, ny fiombonan’ny olona masina, ny famelan- keloka , ny fitsanganan ‘ny tena amin’ny maty ary ny fiainana mandrakizay .
Amena.

  • Hira :

    244 - Ry Jeso! Mba henoinao

    1. Ry Jeso! Mba henoinao
    Ny feonay mpanomponao,
    Izay mivavaka aminao
    Mitady fitahiana.

    2. Vokiso ny fanahinay,
    Ny teninao no haninay,
    Hahaizanay mamahana
    Ny reraka ao an-dalana.

    3. Ampaherezonao izao
    Ny tànanay mpanomponao
    Hanohana ny olonao
    Miraviravy tanana.

    4. Omeo fo mazoto re!
    Tolory fahendrena be;
    Tarihonao ny hevitray;
    Tendreo koa ny molotray.

    5. He! Tsinontsinona izahay,
    Malemy sady tsy mahay;
    Ka dia ampaherezonao
    Hanaovanay ny sitrakao.

TORITENY

FILAZAN-DRAHARAHA

RAKITRA

Offrandes, dons, rakim-pisaorana, adidy : http://www.fpma-paris.org/offrandes-cotisation (Lien Paypal)

ASTUCE: REACTUALISER VOTRE PAGE EN CAS DE RAJOUT DE CHANTS PENDANT LE CULTE.

  • Hira:

    267 - He, ny andon'ny maraina

    1. He, ny andon'ny maraina
    Latsaka ao an-tsaha re,
    Ka mamelona ny maina
    Izay maniry rano be !
    Ravoravo e ny tany,
    Fa he, ny andro maina efa lany,
    Ka mitsahatra ny fahantrany ;
    Manaroka ny hazo be !

    2. Ny fanahy karankaina
    Misy rano velona,
    Fa Jesosy andon'aina
    Manome fiainana !
    Velona ny jentilisa,
    Ny tany hay dia tonga Paradisa ;
    Marobe no efa voaisa
    Handray ny lova masina !

    3. Misy lalana mizotra
    Izay mankao Ziona re,
    Any no mitanjozotra
    Ny vahiny marobe ;
    Ka Ziona dia mivoha
    Hidiran'ny navotan'ny Tsitoha ;
    Ao no ivorian'ny mifoha,
    Fa an'ny Tompo lehibe !

    4. He, mikambana ny mino
    Amim-pifaliam-be,
    Ka ny hobiny maneno
    Tahaka ny rano be !
    Ao mitovy avokoa
    Tsy misy tompo sy mpanompo koa ;
    Eny, razana iray tokoa
    Ny mponina ao Ziona re !

    313 - Miantrà ny firenena, ry Jesosy Tomponay !

    1. Miantrà ny firenena,
    Ry Jesosy Tomponay!
    Ambarao ny famonjena
    lzay nataonao fahizay;
    Asehoinao ny hery
    Namonjenao marobe;
    :,: Ry Mpamonjy olom-bery!
    Mamonje indray anie.:,:

    2. Mba heveronao ny Nosy
    Itoeranay izao;
    Iantraonao, ry Jesosy,
    Ny tsy mahalala Anao;
    Iantrao 'reo faritany
    Anjakan'ny aizim-be,
    :,: Mba ho tonga faingana any
    Ny mazava lehibe.:,:

    3. Be ny tany tsy voasa,
    Vitsy ny mpanomponao;
    Koa izahay mpiasa
    Ao an-tanimbolinao
    Mba omeo fo minia
    Hankatò ny teninao,
    :,: Ka aoka mba hikely aina
    lzahay hiasa ao.:,:

    4. Mankanesa, ry mpitory!
    Ao an-tany lavitra ao,
    Be tsy mahalala akory
    An'i Jeso Tomponao,
    He, ny fahantrany, indrisy!
    He, ny hadalan'ny ao!
    :,: Fa ny olona tsy misy
    Hampianatra azy izao.:,:

    5. Ny harena anomezo
    Sy ny fahendrena koa.
    Eny, Kristiana! Aelezo
    lzay rehetra mahasoa;
    Mankanesa re 'zay tia
    Ny Mpamonjy lehibe;
    :,: Miantrà ka manampia
    Ny mahantra marobe.:,:

    432 - Mandra-piavin'ny Tompo

    1. Mandra-pihavin'ny Tompo, mivavaha !
    Ny teny tsara nomeny tadidio,
    Ny adidinao tontosay sy efao !
    Mijery ny ataonao ny Ray.

    Fiv : Raha mpanompo tsara hianao,
    He, ny Tompo faly aminao !
    Koa tanteraho ireo adidinao
    Mba ho mpanompo mahasoa !

    2. Mandra-piavin'ny Tompo, miasà !
    Ampitomboy ireo talenta azonao !
    Vola, fahaizana, aina, hery koa
    No anompoy ny Tompo Tsitoha !
    Fiv : Raha mpanompo tsara hianao, sns...

    3. Moa tianao va Ilay Mpamonjy Tompo soa ?
    Ny rany anie nanavotany anao !
    Ny hafany tanteraho sy hajao
    Valio ny fanavotany anao !
    Fiv : Raha mpanompo tsara hianao, sns...

    295 - Miorena mafy tsara

    1. Miorena mafy tsara
    Amin'Ilay vatosoa
    Mandrosoa, mifahara,
    Mifikira mafy koa.
    He! Ny Tompo manambara
    Fa ho sambatra tokoa,
    Ka ho tsara miafara
    Ny mpanompo mahasoa.

    2. Raha misy fahoriana
    'Zay midona aminao,
    Raiso re ho fitahiana
    'Zay omen'ny Tomponao;
    Fa ny lalam-pijaliana
    'Zay alehanao izao
    Dia mamelom-paniriana
    Hitomboan'ny herinao.

    3. Miadia ny ady tsara,
    Ho mpandresy hianao;
    Tontosay izay anjara
    Eo am-pelantananao;
    Jeso Tompo no mijery
    Sy mahita ny atao,
    Koa tsy mba hisy very
    'Zay rehetra vitanao.

    4. Ry Jesosy! hantajaho
    'Ty mpanolo-tenanao,
    Miangavy, mitalaho,
    Ka iteneno, Tompo ô!
    Aoka re ho tena taho
    'Zay mikambana aminao,
    Ka ny foko halalaho,
    Diovy ho Tempolinao.

Hira fanolorana:

Ry Tompon’ny harena ô,
Fanatitra an-tsitrapo
Atolotray Anao izao ;
Mba raiso ka tahionao. Amena.

FANDRAISANA NY FANASAN’NY TOMPO

  • Hira:

    98 - Indro ny Tompo Jesosy, jereo

    1. Indro ny Tompo Jesosy, jereo,
    Tena nihafy tokoa!
    He! Fa nivesatra eso, jereo,
    Mba hamonjena anao;

    Fiv : Indro Jeso, jereo Jeso:,:
    Izy izao dia mihevitra anao.
    Indro Jeso, jereo.

    2. Indro ny Tompo Jesosy, jereo,
    Efa voahombo tokoa!
    He! Fa nijaly tsy meloka teo,
    Mba hamonjena anao;
    Indro Jeso, sns...

    3. Indro ny lefo-mandoza, jereo,
    Nenti-namely ny Tompo!
    He! Fa ny rany nirotsaka teo,
    Mba hamonjena anao;
    Indro Jeso, sns...
  • Mpitarika: Ho aminareo anie ny Tompo! Aoka hizara ny fiadanana isika
  • Fiangonana:
      – Ho aminao anie ny Tompo!
      – Ary ho aminao koa
  • Sursum Corda (Mitsangana)
    • Mpitarika: Asandrato ny fonareo ho eo amin’ny Tompo
    • Fiangonana: Asandratray ny fonay ho eo amin’ny Tompo
    • Mpitarika: Aoka ho deraintsika ny Tompo Andriamanitra
    • Fiangonana: Mendrika ho deraina Izy
  • Préface
    • Mpitarika: Eny tokoa Tompo ô, Ray Masina, Andriamanitra mandrakizay, mahefa ny zavatra rehetra, mety sy mahavonjy ny isaoranay Anao amin’ny fotoana rehetra sy amin’ny toerana rehetra amin’ny alalan’i Jesoa Kristy Tomponay, izay tia anay sy nanolo-tena hamonjy anay ; Amin’ny alalany koa no ideran’ny anjely ny fiandriananao sy itsaohan’ny fanapahana sy ny fahefana rehetra anao amin’ny tahotra ary iarahan’ny fiangonana any an-danitra sy ety an-tany midera ny anaranao amin’ny fihobiana ary izahay koa ankehitriny miara-manandratra ny feonay aminy, ka amin’ny fanajana lehibe no ideranay hoe :
    • Hira: (Sanctus)

      AN 1 - Masina, masina

      Masina, masina Jehovah Tompo !
      Feno ny voninahitrao izao rehetra izao ry Tompo ô !

      Amen
  • Vavaka (Fisaorana, Anamnèse, Epiclèse) (Mipetraka)
    • Mpitarika: Ry kristiana malala, aoka isika hahatsiaro an’i Jesoa Kristy izay maty nisolo antsika sy nitsangana ho fanamarinana antsika, dia fanati-pihavanana natolotr’Andriamanitra antsika, ary aoka isika hiara-misaotra sy hivavaka:
      Misaotra Anao izahay Andriamanitra Rainay, Tompon’ny lanitra sy ny tany, fa noho ny famindram-ponao aminay mpanota mahantra, dia nomenao ny Zanakao Lahy Tokana, mba tsy ho very izay rehetra mino Azy fa hanana fiainana mandrakizay.
    • Fiangonana: Efa maty Kristy, efa nitsangana Kristy ary ho avy amim-boninahitra.
    • Mpitarika: Noho izany ry Tompo, Rainay any an-danitra ô, indreto izahay manao eto anatrehanao ny fahatsiarovana ny fahatongavan’ny Zanakao ho olona, ny fijaliany sy ny fahafatesany, ny fitsanganany tamin’ny maty ary ny fiakarany tamim-boninahitra sy ny fifonany mandrakizay ho anay, ka miandry sy mitalaho ny fiverenany izahay.
    • Fiangonana: Amena, avia Jesoa Tompo!
    • Mpitarika: Ankehitriny, Ray ô, aidino ny Fanahy Masina mba hameno ny fonay ka handraisanay tokoa ny Tomponay amin’ny finoana velona amin’izao izy manatona anay amin’izao fanasana izao. Fa ny Fanahy Masina no aharianao, amelomanao, anamasinanao ary anomezanao anay ny zava-tsoa rehetra.
    • Fiangonana: Amena, avia Fanahy Masina!
    • Mpitarika: Misaotra Anao izahay ry Jeso Kristy Tompo ô ! Midera ny Anaranao izahay ry Zanak’Andriamanitra Lahy Tokana Mpamonjy anay!
      Ankalazaina anie Hianao noho ny fitiavanao izay mahery noho ny fahafatesana.
      Ary izahay izay tonga eto anatrehanao hiombona amin’ny latabatrao dia mangataka mba hampiraisonao Aminao, ohatrin’ny sampana amin’ny voaloboka.
      Ampianaro hifankatia tahaka ny nitiavanao anay izahay, ary aoka izahay hiara-manana amin’ny fiangonana masina manontolo ny fiononana sy ny fifaliana Aminao, dia Hianao izay miara-manjaka amin’ny Ray sy ny Fanahy Masina hatramin’ny taloha indrindra ka ho mandrakizay.
    • Fiangonana: Amena!
  • Teny Fanorenana sy Fanamasinana (Mitsangana)
    • Mpitarika: Jeso Kristy Tompo tamin’ny alina izay namadihana Azy dia nandray ny mofo, ary rehefa Nisaotra Izy dia novakiany ka hoy Izy:
      « Raiso, hano, ity ny tenako izay omena ho anareo, izao no ataovy ho fahatsiarovana Ahy.»
      Ary toy izany koa ny kapoaka rehefa nihinana, dia hoy Izy:
      « Misotroa amin’ity hianareo rehetra, fa ity no rako dia ny amin’ny fanekena vaovao izay alatsaka ho an’ny rehetra ho famelan-keloka. Koa na oviana na oviana no misotro hianareo, dia izao no ataovy ho fahatsiarovana Ahy. »
      Misaotra ny Ray, izay nampahamendrika antsika hanana anjara amin’ny lovan’ny olona masina eo amin’ny mazava. Amena.
    • Hira: (Agnus Dei)

      117 - O, ry Zanak'ondry (1-3)

      1. O, ry Zanak'ondry,
      He, Ianao nijaly !
      Ory, voahombo
      Anefa tsy namaly !
      Ny helokay nalainao,
      Ka maty re ny ainao !
      (2) Mba iantrao izahay, ry Jeso !
      ---------------------
      Agneau de Dieu
      Qui as tant souffert
      Toi le crucifié
      Tu n’as pourtant pas répondu.
      Tu as ôté nos péchés,
      Tu as donné ta vie
      Aie pitié de nous, ô Jésus !

      3.O, ry Zanak'ondry,
      He, Ianao nijaly !
      Ory voahombo
      Anefa tsy namaly !
      Ny helokay nalainao
      Ka maty re ny ainao !
      Ampiadanonao izahay re !
      ---------------------
      Agneau de Dieu
      Qui as tant souffert
      Toi le crucifié
      Tu n’as point répondu.
      Tu as ôté nos péchés,
      Tu as donné ta vie
      Donne-nous la paix !
    • Mpitarika : Efa nandray ny Fanahy maha-zanak’Andriamanitra antsika isika koa izany no ahafahantsika manatona ny Ray hoe :
    • Fiangonana : (Vavaka nampianarin’ny Tompo)

Rainay izay any an-danitra, hohamasinina anie ny anaranao. Ho tonga anie ny fanjakanao. Hatao anie ny sitraponao. Ny ety an-tany tahaka ny any an-danitra. Omeo anay anio izay hanina sahaza ho anay. Ary mamelà ny helokay. Tahaka ny namelany izay meloka taminay. Ary aza mitondra anay ho amin’ny fakam-panahy, fa manafaha anay amin’ny ratsy. Fa Anao ny fanjakana sy ny hery ary ny voninahitra mandrakizay. Amena.

  • Fanasana
    • Mpitarika: Ny mofo izay vakiantsika dia firaisana amin’ny Tenan’i Jeso Kristy Tompontsika.
      Ny kapoaky ny fisaorana izay isaorantsika dia firaisana amin’ny ran’i Jeso Kristy Tompontsika.
      Hoy ny Tompo : Andeha, efa voavotra avokoa ny zavatra rehetra!
  • Fandraisana
ASTUCE: REACTUALISER VOTRE PAGE EN CAS DE RAJOUT DE CHANTS PENDANT LE CULTE
    • Hira Fandraisana:

      92 - Ry voasatro-tsilo, ry voakapoka

      1. Ry voasatro-tsilo,
      Ry voakapoka!
      Indrisy be ny loza
      Manafotra Anao!
      Nitsaohan'ny anjely
      Fahiny Hianao,
      Fa henatra sy latsa
      Anjaranao izao.

      2. Atolotro, ry Jeso
      Ny foko ho Anao,
      Hiaraka hitondra
      Ny fahorianao.
      Raha henatra sy loza
      No ho anjarako,
      Dia Hianao, Mpamonjy,
      No ifaliako.

      3. Tsarovy aho, Tompo,
      Raha tratry ny manjo!
      Tsy mendrika aho nefa
      Mba amindraonao fo!
      Ny ratranao no misy
      Fanasitranana,
      Ny ranao ahitana
      Ny fiadanana.

      107 - Maniry mafy aho

      1. Maniry mafy aho, ry Jeso Tompo ô,
      Hialoka eo ambany hazo fijalianao ;
      Tsy misy toeran-kafa re 'zay tena mamiko,
      Ny hazo fijalianao no fiarovako !

      2. Ny hazo fijalianao no itazanako
      Ny tenanao izay nijaly mba ho avotro,
      Ka dia kotsan-dranomasom-pitiavana
      Ny tavako, ry Tompo ô, fa afa-keloka !

      3. Am-pototry ny hazo izay nijalianao
      No itoerako ho hazavain'ny tavanao ;
      Ataoko fatiatoka ny zava-mora lo,
      Ny hazo-fijalianao no tombon-dahiko !

      259 - Ny latabatrao, ry Jeso,

      1. Ny latabatrao, ry Jeso,
      Dia atrehinay izao ;
      Ny fanahinay vokiso
      Amin'ny fitianao !

      2. Tsy nitady zo sy laza
      Ianao, ry Tomponay,
      Foinao ny ainao aza
      Nanavotanao anay !

      3. Jeso ô, ny ranao soa
      No nataonao avotray
      Mba hanafaka avokoa
      Izay tsy mahadio anay !

      4. Manomeza mofon'aina,
      Tompo ô, ho tanjakay ;
      Mihainoa ny mitaraina
      Mamalia ny hatakay !

      5. Ny fanahinay ry Tompo,
      Raiso fa atolotray ;
      Faly izahay hanompo
      Sy hanao ny sitrakao !

      261 - Ankehitrio no isehoanao

      1. Ankehitrio no isehoanao
      Ry Jeso Tompo, izay malalanay,
      Ankehitrio no anandramanay
      Ny hafaliam-ben'ny lanitrao !

      2. Ampiomany ao am-po izahay
      Hampahadio ny eritreritray,
      Hahatakaranay ny avotrao
      Izay nambaranao tao Kalvary !

      3. Eto no anoloranao anay
      Ny mofon'aina,  rano velona
      Eto no ialanay sasatra
      Amin'ny adinay sy rafinay

      4. Ry Jeso ô, miandry izahay
      Ny fiavian'ny voninahitrao
      Ho toy ny andro vao miposaka
      Ho toy ny rano mahavelona !

      5. "Raiso ny Tenako" no teninao
      "Ary ny Rako ho fiainana"
      Am-pitiavana no andraisanay
      Na dia tsy mendrika aza izahay !

      6. Mombà anay, ry Tompo tia ô,
      Aza miala amin'ny fonay
      Aoka ny tavanao hazava re
      Amin'ny lalana alehanay !

      167 - Midera ny Anaranao

      1. Midera ny Anaranao
      'Zahay, ry Tompo ô,
      Ka hira no ventesinay
      Hoe : haja, saotra, hery
      Mba raiso ho Anao !

      2. He, voahombo Ianao
      Nisolo heloka
      Ka mendrika hanaovanay
      Hoe : haja, saotra, hery
      Mba raiso ho Anao !

      3. Endrey ny fitiavanao
      Endrey ny herinao !
      Tra-pamonjena izahay
      Ka haja, saotra, hery
      Mba raiso ho Anao !

      4. Raha tonga ao an-danitra
      'Zahay mpanomponao,
      Hitohy re ny hiranay
      Hoe : haja, saotra, hery
      Mba raiso ho Anao !
      -----
      (Tiona 1 - J. Ellor)

      (Tiona 2 - W. Shrubsole)

      122 - Hitako izao, sakaiza

      1. Hitako izao, sakaiza
      Ny fahasambarana
      Ka ny foko faly, ravo,
      Manam-piadanana
      Teo am-pototry ny hazo
      Nijalian'ny Tompoko,
      Teo aho no nahazo
      Famelana heloka !
      ---------------------
      Mon ami, j’ai maintenant trouvé le bonheur
      Mon cœur est dans la joie,
      Je suis dans l’allégresse,
      J’ai trouvé la paix
      Au pied de la croix,
      Là où le Seigneur a souffert,
      C’est là que j’ai reçu le pardon de mes péchés.


      2. He, ny indrafo niriko
      Efa azoko tokoa
      Ka jesosy no fidiko
      Fa Izy fototry ny soa !
      He, ny rany sarobidy
      Nanadio ny otako
      Izaho efa voavidy
      Lanitra no lovako !
      ---------------------
      Cette miséricorde que je désirais tant
      je l’ai vraiment reçue
      C’est Jésus que j’ai choisi
      C’est de Lui qu’est le bien
      Son sang précieux
      a lavé tous mes péchés :
      Il m’a racheté,
      Je reçois le ciel en héritage.


      3. Tena soa mahagaga
      Izao nomenao ahy izao,
      Fa izaho izay mpanota
      Dia nohavaninao !
      Ka izaho dia hidera
      Izato fitiavanao
      Ary koa hanambara,
      Jeso ô, ny herinao !
      ---------------------
      Ce que tu m’as donné
      est vraiment merveilleux
      Tu as choisi d’entrer en relation avec
      Moi qui étais pécheur.
      Alors je Te louerai pour cet amour
      Et je raconterai,
      Jésus, Ta Puissance.


      4. Ry Mpamonjy ô, mba raiso
      Izao fisaorako izao
      Ka izay rehetra ahy
      Dia atolotro Anao,
      Raha tonga re ny fetra
      Hialako sasatra,
      Ento aho hitoetra
      Eo anilanao ary !
      ---------------------
      Ô Toi mon Sauveur !
      Reçois ma reconnaissance :
      Tout ce qui est mien,
      Je Te le donne.
      Au terme de ma vie
      Pour entrer dans le repos
      Prends-moi pour
      Que je demeure auprès de Toi


      Translation by Hotcat Team
  • Teny Fampaherezana (Mitsangana)
    • Mpitarika: Jeso Kristy Tompontsika izay voahombo tamin’ny hazo fijaliana ka nitsangana tamin’ny maty no efa nanome anareo ny Tenany sy ny Rany izay nanavotany anareo tamin’ny fahotana rehetra, Izy anie hampahery sy hiaro anareo amin’izany amin’ny finoana marina ho fahasambarana mandrakizay. Ho aminareo anie ny fiadanana!
    • Fiangonana: Amena
    • Hira:

      266 - Ry Jeso Tompo, Ianao

      1. Ry Jeso Tompo, Ianao
      Isaorako tokoa izao ;
      Ny ranao sy ny tenanao
      No nihinanako izao !

      2. Ry foko faly ambarao
      Ny soa azonao izao !
      Jesosy monina ao am-po,
      Endrey ny hafaliako !

VAVAKA FISAORANA SY FANGATAHANA

TSO-DRANO

  • Hira:

    312 - Mitoera, ry Jesosy

    1. Mitoera, ry Jesosy
    Ao an-tanimbolinao,
    Ka amboary 'zao ny voly
    Mba hitombo sy hamoa !
    Tomoera;;
    Iasao ny Nosinay !

    2. Mba onenonao ny lasy
    Itoeranay izao,
    Ka ovay ny Malagasy
    Mba ho tena zanakao !
    O, monena;;
    Hazavao ny Nosinay !

    3. Akekezo ireo mpania
    Tafaverina aminao,
    Ka tantano mba ho tia
    Ny miresaka aminao !
    O, tariho;;
    Ho Anao ny Nosinay !

    4. Dia fohazy ny mpitory
    Mba hanao ny asanao,
    Ka hamoha ireo matory
    Mba handre ny sitrakao !
    Hamasino;;
    Ho Anao ny Nosinay !

    5. O, Jesosy feno antra,
    Dera, laza ho Anao !
    Ny lohalika rehetra
    Handohalika aminao !
    Mitoera;;
    Fa Anao ny Nosinay !
  • Mpitarika: Ho aminareo anie ny Tompo
  • Fiangonanan: Ary ho amin’ny fanahinao
  • Mpitarika: (Tsodrano – Nomery 6.24-26)
  • Fiangonana: AMENA ! AMENA ! AMENA ! HALELOIA ! (Hiraina)
  • (Mipetraka ny fiangonana)
  • Vavaka mangina
  • Mpitarika :Voninahitra ho an’Andriamanitra Ray sy Zanaka ary Fanahy Masina izay hatramin’ny taloha indrindra ka ho mandrakizay. Amena.
    Mandehana amin’ny fiadanana, ka manompoa ny Tompo!
  • Fiangonana: Isaorana anie Andriamanitra!
  • Feon-java-maneno firavana

Fiangonana Protestanta Malagasy Aty an-dafy tafo Paris

Cultes et réunions au 16 rue Chauchat – Paris 9eme:

Pasteur: Solohery RAOBINARISON & Paul Andriamihangy

Fanompoam-pivavahana : 16 rue Chauchat, 75009 Paris
Fandraharana : 47 rue de Clichy, 75009 Paris
Tel. : 01 45 26 35 93 – http ://www.fpma-paris.org
Fandraisan’ny Mpitandrina : Ora ifanarahana