1. Zanahary tsy mba tia
Ny fahaverezanao,
Izy Rainao be fitia,
Tsy mba mahafoy anao ;
Ny famoizam-po ario,
Fa Jesosy itokio !
Mba hatoninao anio
‘lay be fahasoavana !
2. lzy dia nitady ela
Vao nahita anao izao ;
Mifalia, tsy ho ela
Dia hody ianao !
He, ry ondry saiky very,
Ory, osa, feno fery,
Ny Mpamonjy manan-kery
Hahasitrana anao !
3. Ny ao an-danitra mifaly
Raha misy miova fo
Ary any ny anjely
Miramirana avokoa !
Fo marary dia tsaboiny,
Ahiahim-po vonoiny,
Fiadanana lazainy,
Sambatra isika re !