1. Na inona na inona hitranga, Jeso !
Na ny lanitra ho manga, Jeso !
Na ho maloka mangina, Jeso !
Dia ho feno fifaliana, Jeso !
Fiv : Ny fotoana dia handalo, Jeso !
Fa tsy hisy hampimalo, Jeso !
Raha miorina ao am-poko, Jeso !
Ilay fitiavanao inoako, Jeso !
2. Raha jereko ny andro lasa, Jeso !
Tao ny tsiky, tao ny ratra, Jeso !
Nefa Ianao, Ilay Mpampahery, Jeso !
No nambomba sy nijery, Jeso !
Ny fotoana, sns…
3. Ny ho avy antenaiko, Jeso !
Mbola ho fifalian’ny saiko, Jeso !
Ny hasasarako hisava, Jeso !
Ny harivako hazava, Jeso !
Ny fotoana, sns…