1. Mitoera, ry Jesosy
Ao an-tanimbolinao,
Ka amboary ‘zao ny voly
Mba hitombo sy hamoa !
Tomoera;;
Iasao ny Nosinay !
2. Mba onenonao ny lasy
Itoeranay izao,
Ka ovay ny Malagasy
Mba ho tena zanakao !
O, monena;;
Hazavao ny Nosinay !
3. Akekezo ireo mpania
Tafaverina aminao,
Ka tantano mba ho tia
Ny miresaka aminao !
O, tariho;;
Ho Anao ny Nosinay !
4. Dia fohazy ny mpitory
Mba hanao ny asanao,
Ka hamoha ireo matory
Mba handre ny sitrakao !
Hamasino;;
Ho Anao ny Nosinay !
5. O, Jesosy feno antra,
Dera, laza ho Anao !
Ny lohalika rehetra
Handohalika aminao !
Mitoera;;
Fa Anao ny Nosinay !