1. Misy ny fonenana
Vita re, ho ahy,
Tany ifaliana
Mamin’ny fanahy;
Ao tsy misy tahotra,
Ao ny Tompon’avotra,
Hira mahafinaritra
No ataon’ny any.
2. Saotra no hataoko ao,
Faly fa nandresy;
Hiakanjo fotsy vao,
Haingon’ny mpandresy.
Ny anjely masina
Hiaraha-monina,
Jeso Tompo marina
Hiampofo ahy.
3. Izaho voavidinao,
Ry Mpamonjy tsara,
Sady namboaranao
Lova tsara fara.
Koa mba arovinao
Toy ny ondrikelinao
Izaho izay fanananao,
Ry Mpiandry Tsara!