1. Avia ry zaza, avia izao
Fa indro ny Tompo miandry anao,
Lazao an’i Jeso ny zava-manjo
Fa Izy onena ny ory am-po.
2. Jesosy Mpamonjy nanavotra anao,
Ka zaza malalany koa hianao.
Ka dia matokia tokoa eram-po,
Fa Izy Mpanjaka mahery sy to.
3. Jesosy no tsy manadino anao,
Tsarovy izany ka mba andrandrao
Ny Tompo malala izay be indrafo,
Anao re ny lova tsy mety ho lo.
4. Sasaonao ny foko, Mpanavotra ô.
Ho tonga madio sy mendrika Anao,
Ho sambatra aho hahita Anao,
Mpamonjiko tsara ao an-danitra ao