Archive

Archive for the ‘6.03 – Ny Sakramentan’ny Fanasan’ny Tompo’ Category

266 – Ry Jeso Tompo, Hianao

July 19th, 2009 maeva Comments off

1. Ry Jeso Tompo, Hianao
Isaorako tokoa izao,
Ny ranao sy ny tenanao
No nihinanako izao.

2. Ry foko faly, ambarao
Ny soa azonao izao;
Jesosy monina ao am-po,
Endrey ny hafaliako!

265 – Ny fitiavanao

July 19th, 2009 maeva Comments off

1. Ny fitiavanao
No mahagaga anay
Ry Zanak’Andriamanitra ô!
Ry Jeso Tomponay!

2. Hanavotra aina anay
No nijalianao
Ka famonjena lehibe
No azonay izao

3. Ny mofo sy divay
Izay haninay izao
Dia mampiseho aminay
Ny fitiavanao

4. Avia, Jeso ô!
Avia ankehitrio
Ka ny fanahinay sasao
Ho tsara sy madio

5. Mampaneke anay
Hanao ny sitrakao
Koa aoka tsy ho tianay
Izay tsy tianao

6. Monena aminay
Ry Tompo be fitia!
Ka aza ilaozanao izahay
Mandrakizay doria

264 – He! mahagaga anay

July 19th, 2009 maeva Comments off

1. He! mahagaga anay
Ny fitiavana
Nasehonao, ry Jeso ô!
Mba ho anay

2. Ny fijalianao
Ilay tao Golgota
Indrisy! lalina takoa
Ny ngidiny

3. Na mafy aza izay
Tsy nandosiranao
Nataonao tsinontsinona
Ny tenanao

4. Ny fitiavanao
Fa tsy ny fantsika
No anton’ny nihantonanao
Tao Golgota

5. Ny ra nalatsakao
No vidin’ny ainay
Ny fijaliana nentinao
No avotray

6. Tsaroanay izao
Derainay avokoa
Ilay fitiavanao anay
Ry Tompo soa!

263 – Mandrenesa ry sofina

July 19th, 2009 maeva Comments off

1. Mandrenesa ry sofina
Mifalia, ry fo
Ny feon’ny Filazantsara
Manatona anao

2. Ry olon’ota rehetra
Ry ory sy noana
Izay mameno ny kibony
Amin-java-poana

3. Jehovah no mamboatra
Izay mofon’aina
Ho an’izay rehetra
Mety hihinana

4. Kristy sy ny fitahiany
Izany mofo izany
Fa izy no mamelona
Ny maty mosary

5. Avia, ry mosarena
Ka manaràna fo
Ny mofon’aina tsy lany
Fa ampy ho anao!

262 – Indreto izahay

July 19th, 2009 maeva Comments off

1. Indreto izahay
Ry Jeso ô!
Manaraka izao
Ny hafatrao
Ny fahorianao
Tsaroanay izao
Fa fatratra tokoa
Ny nentinao

2. Ny mofo haninay
Ry Jeso ô!
Milaza aminay
Ny tenanao
Ny fanavotanao
Mahafaka anay
Ka saotra re izao
Atolotray

3. Misotro ny divay
Izahay izao
Hahatsiarovanay
Ny antranao
Ny ra nilatsaka
No manadio anay
Manafaka tokoa
Ny olonao

4. Tarihonao ny fo
Ry Jeso ô!
Ho tia sy hankatò
Ny didinao
Ka tsy ny sitrakay
Fa ny Anao, Jeso
No aoka ho maminay
Ry Tompo ô!

258 – Manaraka ny hafatrao

July 19th, 2009 maeva Comments off

1. Manaraka ny hafatrao,
Tafangona izahay,
Mba hahatsiarovanay
Anao, ry Tomponay!

2. Tsy azo adinoina
Ny fahorianao,
Ny dinitrao izay toy ny ra
Tsaroanay izao.

3.  Ny hazo-fijalianao
Dia tazanay izao:
Ry Zanakondry masina ô!
Tsaroanay Hianao.

4. Nijaly mafy Hianao
Nisolo voina anay:
Raha mbola velona izahay
Tsaroanay izao.

5. Raha tapitra ny andronay,
Ka tonga Hianao
Mba haka ny fanahinay,
Tsarovinao izahay.

261 – Ankehitrio no isehoanao

July 19th, 2009 maeva Comments off

1. Ankehitrio no isehoanao
Ry Jeso Tompo, izay malalanay!
Ankehitrio no anandramanay
Ny hafaliam-ben’ny lanitrao

2. Ampiomany ao am-po izahay
Hampahadio ny eritreritray
Hahatakaranay ny avotrao
Izay nambaranao tao Kalvary

3. Eto no anoloranao anay
Ny mofon’aina,  rano velona
Eto no ialanay sasatra
Amin’ny adinay sy rafinay

4. Ry Jeso ô! Miandry izahay
Ny fiavian’ny voninahitrao
Ho toy ny andro vao miposaka
Ho toy ny rano mahavelona

5. “Raiso ny Tenako” no teninao
“Ary ny Rako ho fiainana”
Am-pitiavana no andraisanay
Na dia tsy mendrika aza izahay

6. Mombà anay, ry Tompo tia ô!
Aza miala amin’ny fonay
Aoka ny tavanao hazava re
Amin’ny lalana alehanay

259 – Ny latabatrao ry Jeso!

July 19th, 2009 maeva Comments off

1. Ny latabatrao, ry Jeso!
Dia atrehinay izao;
Ny fanahinay vokiso
Amin’ny fitianao.

2. Tsy nitady zo sy laza
Hianao, ry Tomponay!
Foinao ny aina aza
Nanavotanao anay.

3. Jeso ô! ny ranao soa
No nataonao avotray,
Mba hanafaka avokoa
Izay tsy mahadio anay.

4. Manomeza mofon’aina,
Tompo ô! ho tanjakay;
Mihainoa ny mitaraina
Mamalia ny hatakay

5. Ny fanahinay ry Tompo!
Raiso, fa atolotray;
Faly izahay hanompo
Sy hanao ny sitrakao.

257 – Ry Jesosy ô! indreto

July 19th, 2009 maeva Comments off

1. Ry Jesosy ô! indreto
Izahay nasainao eto
Amin’ny latabatrao
Mba talory mofon’aina
O! omeo ranon’aina
Dia ny ra aman-tenanao

2. O! ry Loharanon’ aiko
Tonga aho, fa ilaiko
Hianao Mpamonjiko
Raiso ka diovy aho
Atafo izay mitalaho
Ny sahamarinanao!

3. Ry mpiandry Tsara indrindra
Taomy aho mba hifindra
Ao am-balan’ondrinao
Mamonje ka matahia
Ireto ondrinao mania
Ento any aminao!

4. O! ry Fahazavan’ny saiko
Sady tanjaky ny aiko
Tonga aho, ka vonjeo
Noana ka mitaraina
Mba vokiso mofon’aina
Rano velona omeo!

5. Indro, miankohoka aho
Tompo ô! ka mitalaho
Eto anatrehanao
Aza mba manary ahy
Izay misento sy manahy
Mamelà ny heloko!

6. Ry mpisolo ny mpanota
Izay nandoa ny tambin’ota
Latsa-dra ny tenanao
Raisiko am-panajana
Fa nataonao fanasana
Ireto zava-masinao

260 – Ry Kristy ô! malalako

July 19th, 2009 maeva Comments off

1. Ry Kristy ô! malalako
Sakafon’ny fanahiko
Manaraka ny hafatrao
Tsarovako ny tenanao

2. Mangorakoraka ny fo
Fa voavono Hianao
Ka saotra no atolotray
Anao, ry Ilay nalatsa-dra

3. Ny tenanao izay raisiko
Fiainako vaovao tokoa
Ny ranao izay sotroiko
No manadio ny foko koa

4. Ry Kristy ô! ampitomboy
Ny fitiavako Anao
Ny toe-piainako fenoy
Ny tena hamasinanao

5. Atolotro anio indray
Mba ho Anao mandrakizay
Ny tenako, ny ananako
Ny heriko, ny asako