Mois : juillet 2009

605 – Jeso Hery mahavonjy

1. Jeso Hery mahavonjy
Tena Fialofana,
Fa miantra sy mamonjy
Zanak’olombelona
:,:Hery soa, hery soa,
Itokianay tokoa:,:

2. Raha misy ny tafiotra
Izay mamely mafy anay,
Ny fitiany tsy ho ritra
Tokinay mandrakizay.
:,:Tsy mandao, tsy mandao,
Iankinana hatrizay:,:

3. Raha mambomba sy miaro,
Mampitony tahotra,
Jeso Tompo tia, Mpiaro;
Resy re, ny hovitra.
:,:Fa matoky, fa matoky,
Ilay ampinga lehibe:,:

4. Tianay tokoa tokoa
Ho an-tratranao doria,
Mba hatoky ka ho soa,
Ry Mpamonjy be fitia.
:,:Tompo soa, Tompo soa,
0! hazoninay tokoa:,:

273 – He! vokatra ny tany

1. He! vokatra ny tany
Jehovah Tompo ô!
Fa be tsy mety lany
Ny hasoavanao
Ny andro fararano
No ifalianay
Voataona ao an-trano
Ny vokatra azonay

Fiv : Soatra tsara entinay
Ho Anao tokoa
Ny olonao rehetra izao
Mifaly avokoa

2. Ny tany tsy misaona
Fa sambatra tokoa
Tsy tapaka isan-tokoa
Ny fanomezan-tsoa
Endrey, nahazo maina
Izao rehetra izao
Ny zava-manana aina
Mifaly aminao
Saotra tsara, sns…

3. Tontosa izay nirina
Nahazo izahay
Fa misy taona zina
Nataonao ho anay
Tsy diso isan-taona
Ny fitahianao
Ny olonao mihaona
Mba hankalaza Anao
Saotra tsara, sns…

603 – He sambatra Jesosy ô

1. He, sambatra Jesosy ô,
Ny ondry vitsinao!
Fa Hianao Mpiandry soa
Maharo ny Anao.
Ny ainao no natolotrao,
Ho an’ireo ondrinao,
Ny very tadiavinao
Hiaraka Aminao.

2. Izaho voamarika
Ho isan’ny Anao,
Anefa mba matahotra
Sao dia lavinao,
Ka aoka mba hotairinao,
Ny foko, raha hitanao
Fa mila ho sondriana
Sy diso làlana.

3. Ny hafanana mahamay
No mahatrotraka,
Anefa mbola tazanay
Ny fitsaharana.
Ho avy faingana anie
Ny andro soa lehibe,
Izay hamelaranao ny lay
Handrakotra anay.

601 – Misaotra Anao, Jesosy ô!

1. Misaotra Anao, Jesosy ô!
Ny olom-boavonjy,
Fa be dia be ny indrafo
Nataonao, ry Mpamonjy.
Fa tonga ory Hianao,
Ny ainao no natolotrao
Hisolo ny mpanota.

2. Ampibebaho izahay
Ho olonao manoa;
Ny ota iverasanay
Esory avokoa.
Ny fifaliana vaovao,
No aoka mba hasolonao
Ny alahelom-ponay.

3. Ampio izahay izao
Hinoanay ny teny
Izay nolazain’ny vavanao,
Fa tanjakay ireny.
lzao, no angatahinay,
Mba hatanjaho izahay,
Hanaraka izany.

445 – Jeso mora fo indrindra

1. Jeso mora fo indrindra
Tsara sady mahasoa,
Tsy miova tsy mifindra,
Tompo be fitia tokoa.
Mba iriko ho toa Azy
Tsy mba mety soso-po
Ka hionona ny foko
Raha avy ny manjo.

2. Jeso tia, nanetry tena
Sy nandefitra tokoa,
Nefa tompo be harena
Sy Mpanjaka foto-tsoa.
Mba iriko ho toa Azy
‘Zay ninia ho ory koa;
Ka ny sainy no fidiko,
Fa fiainana tokoa.

3. He manolo-tena aho,
Ho Anao, ry Tompo soa!
Ka ny heloko rehetra
Mba sasaonao avokoa.
Enga ka omenao ahy
Fo madio sy vaovao,
Mba hahaizako manefa
‘Zay rehetra sitrakao!

272 – Faly izahay nandre

1. Faly izahay nadre
Havan-tia nanao hoe:
« Miaraha aminay
Trano soa halehanay »

2. Efa tonga izahay
Mba hivavaka aminao
Ry Jehovah Tomponay
Mitahia ny olonao!

3. Miandrandra Anao izahay
Ka ùangataka aminao
Hanomezanao anay
Soa avy aminao

4. Dia sambatra izahay
Fa mitoky aminao
Ka ho tanterahinay
Izay rehetra sitrakao

5. Hoderainay Hianao
Andro amana alina
Mbamin’ny Anaranao
Foto-piadanana

653 – Sakaiza, raha tia

1. Sakaiza, raha tia
Ny Tompo hianao;
Faingàna ka avia
Hanaraka Azy izao!
O, mba tsarovinao,
Fa Izy tsy nifaly,
Naleony nijaly
Mba hamonjena anao.

2. Fanahy, mahereza,
Efao ny adinao,
Fa làlana mideza
No hiakaranao;
Ny zava-tsoa atÿ
Dia zavatra mandalo;
Tsy azom-pahavalo
Ny lovanao ary .

3. Ry Tompo, manomeza
Anay ny herinao;
Finoana mateza
Mba atolorinao,
Mba hanarahanay
Ny làlam-pamonjena,
Hahita Anao mitsena
Anay rahatrizay.

271 – Mba mivavaha raha vao maraina

1. Mba mivavaha raha vao maraina
Tsarovinao Ilay Mpanao anao
Izay niaro ny fanahy sy aina
Mba ho salama toy izao

Fiv : Tsarovy re ny Tomponao
Izay Mpiaro anao

2. Rehefa tonga koa ny antoandro
O! miambena tsara hianao
Fa manangoly saina isan’andro
Ilay devoly rafinao
Tsarovy re, sns…

3. Raha alina mangina, ka hatory
Tsarovy eo ny ota izay natao
Ka dia ifony mafy sy itsory
Fandrao maningotra anao
Tsarovy re, sns…

4. Na aiza na aiza hianao mitoetra
Satana fahavalo, ao tokoa
Ka aza kivy na mba manjoretra
Fa mivavaha tsy ho voa:
Tsarovy re, sns…

652 – O, ry Jesosy, omeo ny hery,

1. O, ry Jesosy, omeo ny hery,
Mba handreseko ny ota izao!
Osa sy ketraka aho irery,
Raha tsy avy izao Hianao.
Raiso ny fo,
Tano tokoa,
Mba handreseko ry Tompo ô!

2. O, ry Jesosy, omeo ny hery,
Ka amboary ny fonay izao;
O, mba esory izay mahavery,
Mitomoera aminay Hianao;
Ka hazavao
Ny fo izao,
Ampandosiro ny aizina ao!

3. O, ry Jesosy, omeo ny hery!
Kely finoana re izahay,
Ary ny lalanay ety sy tery,
Ry jeso ô, mitantàna anay!
Tohanonao
Ny olonao,
Ampandreseo izay manaraka Anao!

651 – Jeso, ampio izahay mba handresy

1. Jeso, ampio izahay mba handresy!
Ny fahavalo mamely anay!
Indro ny aizina tsy mbola resy,
Ary Satana mamandrika anay,
Ka mba omeo anay ny mazava
Hampahasahy anay lalandava.

2. Jeso, ampio izahay mba handresy!
Kely finoana re izahay;
Kivy matetika, mila ho resy;
Aoka ny herinao homba anay;
Dia hatoky izahay, ry Mpandresy,
Fa ny devoly dia ho voasesy.

3. 0, ry Mpandresy, arovy ny ainay!
Ady mafana hiseho izao;
Ka mba tohany hatoky ny fonay!
Dia hiainga hanaraka Anao;
Na dia loza ny herin-tSatana,
Sahy izahay, Hianao no mitana.

4. Ampandreseo izahay, ry Mpamonjy!
Ka raha vita ny ady aty,
Dia ho isan’izay voavonjy,
Ary ho faly sy tretrika ery ;
Tsy mba hitsahatra intsony ny hoby
Hankalazana Anao, ry Mpamonjy