Auteur/autrice : nivo

1. Mba mifohaza re, henoy izao
Ny hafatra ataon’ny Tomponao,
Ny Tompo, lzay Mpanjaka manankery,
Mikatsaka anao, ry olom-bery!

2. Dondòniny ny fo, ka hianao
Mandrindrina ny varavaranao!
Tandremo sao ho sasatra ny fony,
Sao lasa Izy ka tsy avy intsony.

3. Fa indro Izy mbola aty izao
Mitady hampiverina anao,
Ka aza lavina ny Tompo tsara,
Sao hianao ho ratsy fiafara.

4. Faingàna àry, ka ampandrosoy
Ilay Sakaiza lzay nahafoy
Ny ainy ho anao mpanota very,
Tsy misy Mpamonjy afa-tsy lzy irery.

5. lfony aminy ny helokao,
Hariany ka tsy ho hitanao,
Ka hianao, izay mendrika ho voa, .
Hatsangany ho zana-dRay Tsitoha.

6. Ka raha renao ao anaty fo
Ny fiadanana, izay mahatô
Ny famelàna ny helokao rehetra,
Dia aoka mba handrasanao ny fetra.

7. Akaiky re ny fahafahana,
Ka mba zakao ny hatrotrahana,
Ho avy faingana Jesosy Tompo
Ka dia ho afaka ady ny mpanampo.

8. Rehefa hitanao ny Tomponao
Dia afaka ny hasasaranao,
Hijanona ny sento sy taraina
Fa hobin-danitra no hohiraina.

1. Torotoro va ny fonao,
Ry mpanota re izao?
Ka ifonanao tokoa
Va ny hadisoanao?
Hianao va mitomany
Ka maniry mba ho any
Amin’i Jeso, lzay nandany,
Re ny ainy ho anao?

2. Ny Fanahin’ny Mpamonjy
Moa nangatahinao
Hampandray anao ny vonjy
Hahamasina anao?
Moa fantatrao tokoa
Fa ny rany mahasoa
Dia avotra naloa
Mba hahafa-trosa anao?

3. Maro no manaiky ihany
Araka ny vavany,
Fa hanoa ny Mpamonjy,
Ka ho tena havany,
Nefa kosa mbola tia
Fomba ratsy, ka mania,
Dia tsy handray fitia
Raha ao am-parany.

4. Koa dia miangavy
Aho, ry sakaizako,
Mahereza mba hitady
Fiadanana ao am-po,
Mba hatony ny Mpamonjy,
Angatahonao ny vonjy!
Dia tsy maintsy ho tra-bonjy:
Jeso no mamindra fo.

1. Ho aiza, ho aiza izao hianao,
Ry havako izay mbola tia
Ny fomban’ny nofo manimba anao?
Avia, ry olo-mania!
Henoy, fa miantso ny Tompo!

2. Ho aiza, ho aiza izao hianao,
Ry havako mbola tamana
Ao amin’izao fivelomana izao,
Ka fatra-pikiry hitana
lzay zavatra halan’ny Tompo?

3. Hevero fa tsy mba mahafaka anao,
Ka tsy mba heken’ ny Mpitsara
Ny fahamarinana ao aminao;
Ny an’i Jesosy no tsara,
Ka dia katsaho ny azy!

4. Ekeo ny tenin’ny Tompo izao,
Inoy ny toky nomeny,
Ka dia ho hita ny làlam-baovao,
Izay voatoron’ny teny:
Jesosy no làlana tsara.

1. Tsy mba hisy tonga ary an-danitra,
Raha tsy mandrombaka tokoa;
Ny mpiady tsara izay maharitra
No handray anjara lovasoa.
Ety ary tery ny vavahady ao,
Kely sy mideza ny lalana mankao;
Nefa aza kivy, ry havako izao,
Fa izay malaina dia ho very.

2. Maro no mitady hisakana anao,
Koa mba tohero, ry sakaiza;
Mba reseo mafy ny fahavalonao,
Fetsy izy ireo ka mahaiza.
lzay rehetra mamin’izao tontolo izao
Dia avelao fa mamandrika anao;
Aoka mba Jesosy no hifalianao:
Eny, hifalianao tokoa,

3. Satroboninahitra tsy ho azonao
Raha tsy katsahinao tokoa;
Fa hevero kosa ny fifalianao,
Raha tonga ao an-dapa soa,
Fa hahita maso ny Tompo hianao,
Ka hifaly amin’Andriamanitrao,
Koa miomàna re, ry sakaiza ô!
Mba ho faly ao am-pitsarana,

4. He, ny tany soa tsy mba ho hitanao,
Marina tokoa anie izany;
Ka ny ao an-danitra tsy ho azonao.
Raha fatra-pankafy ny tany;
Raha tsy matoky ny Tompo hianao
Dia helo afo no ho anjaranao.
Koa miverena, fa ny Mpanavotrao
Vonona handray anao mihitsy.

5. Dia miangavy, mangataka aminao;
Mba modia, ry mpirenireny!
Fa ny Tomponao ta-handray anao izao
Hianao tsy sitrany ho very.
Izy dia mananty ny tanany izao,
Ka ny fonao simba mba atolorinao
Hosoloan’i Jeso fo tsara sy vaovao:
lzany mba hevero, ry sakaiza!

1. Mpanota ory sy mahantra,
Henoy ny teny ho anao:
Jesosy Tompo be fiantra
Nisolo voina anao,
Ka Izy feno indrafo
Mitaona anao hiova fo.

2. Jesosy Tompo sy Mpamonjy
Miantso ny anaranao;
« Mpanota very, mila vonjy,
Minoa Ahy hianao!
Ny sainao aoka ho vaovao,
Ny fomba ratsy ialao! »

3. Jesosy koa mampahery
Ny sasatra ao an-dàlana;
Ny rany soa manan-kery
Hahafaka ny entana;
Jesosy tsy mandroaka
Ny ory izay manatona.

4. Ka itokionao ny teny
Naloaky ny vavany!
Ny mino Azy hovonjeny
Hanatrika ny tavany,
Sakaizako mahantra ô!
Ario ny famoizam-po,

1. Raha mangoraka ny fo!
Ao ny Ray be indrafo;
He! Antsoiny hianao,
Moa tsy hody va izao?

Fiv : :,: O! modia, O! modia,
Fa miandry Kristy izao.:,:

2. Miverena ankehitrio,
Tsy ampitso, fa anio;
Aza mba manary dia,
Fa modia anio, modia
O! modia sns…

3. Izay rehetra maminao
Tsy hahafa-po anao:
Jeso no anjara soa
Hiadananao tokoa,
O! modia sns…

4. Manatòna, matokia,
Mandrosoa, mifalia;
Kristy no fiainanao
Sady voninahitrao
O! modia sns…

1. Hevero, ry andevom-pahotana,
Ny halozan’ny fanampaanaa;
Katsaho, re! Ilay manam-pahefana,
Hanapaka ireo gadranao,
Ho be ny fiadananao
Raha olona miova fo tokoa hianao.

2. Hevero, fa miantra ny Mpanjaka
Dia Jeso Kristy Ilay Mpanavotrao,
Fa be fitia Izy ka te-haka
Anao ho Azy, hifalianao;
Ny fo sy sainao ho vaovao
Rehefa raisiny ho Azy hianao.

3. Hevero, fa ny fifalian’ota
Ho faingan-dasa, tsy maharitra,
Fa fijaliana no tambin’ota
Ka mafy sady tsy mba tapitra
lzay no andosironao
Ry olona miova fo tokoa izao.

1. Moa isaoranao ny Tompo
Noho ny nidinany,
Tonga teto mba hanompo
Sy handà ny tenany?
Be no tsy mihevitra
An’Ilay Mpanavotra,
Ka mihambo ny ho tsara,
Ka ho ratsy fiafara.

2. Tena marina tokoa
Fa amin’ny finoana
No andraisana ny soa,
Dia ny fiainana;
Nefa raha arianao
Ny fiainana vaovao.
Dia ho very ny anjara
lzay omen’ny Tompo tsara.

3. Fa tsy mety tsy akory
Ny fanaon’ny sasany,
lzay sondriana matory,
Tsy mitsapa farany!
Sady tsy mba ta-handao
lzao tontolo ratsy izao,
Fa manompo Tompo roa
Ka manary lova soa.

4. Efa tonga ny mazava,
Moa mino hianao?
Moa fantatrao fa rava
Ny fiainan-dratsinao?
Moa Jeso va izao
No mitoetra aminao?
Moa azonao tokoa
Ny mazava mahasoa?

5. Voatolotra tokoa
Ny mazava ho anao,
Raha lavinao ny soa
Ka ny ratsy tianao,
Dia very foana
Ny fahasoavana,
Ary mbola raiki-trosa
Hianao ka ho tra-doza,

6. Tsy mba tianao ho very,
Ry Jesosy, izahay,
Ry sakaizanay mahery,
Manampia re anay,
Aoka hialoha anay
Hianao, Mpanavotray,
lzahay hiara-dia
Aminao ka tsy hania.

1. Ry tany ô, ry tany ô!
Ry tany ô, endre!
Ny Tompo masina sy to
Miantso mafy e!
Mifohaza ry mpanota,
Mivaloza faingana,
Mba afoizonao ny ota,
Raiso ny fiainana!

2. Manakatra ny lanitra
Ny haratsiana;
Jehovah dia vinitra,
Fa Izy masina.
Ry mpanota, mijanona
Amin’ny alehanao!
Miverena, manatòna
Ny Mpamonjy, Avotrao.

3. Jehovah dia masina,
Ka marina sy to,
Kanefa manamarina
Ny ta-hadio fo.
Miovà ka manenena,
Fa Andriamanitra
Manome ny famonjena
Noho ny Mpanavotra.