1. Tsinjovinao ny vorona,
Fa tsy mamafy na mijinja,
Nefa ao Ilay Mpamelona
Miahy sy mikajakaja.
Jereo ny vonikazo soa
Fa tsy miasa na mamoly.
Ireo ahin’ny Tompo koa
Ka velona ao an-tanimboly.
2. lsika izay malalany
No dia andrian’ny fony indrindra,
Ka mifalia, ry zanany!
Ny Zanahary no mpitondra
Ry Tompo, Ray malalanayl
Hatoky tsy hanahy intsony
Ny tena sy fanahinay,
Fa manana ny Ray ambony
1. Jeso Mpanjaka Malaza tokoa
Nefa Sakaizan’ny ankizy koa
Mamin’ny foko ny fitiavanao,
Sintàny e! ny foko ho tia anao.
Fiv : Jeso malala ô! Tompo be fitia
Tano ny foko tsy haniasia
Ho zaza hendry hahay hanompo
Ho tia Anao anie, ry Tompo ô!
2. Mamin’ny foko hotantananao,
Tiako Jeso, hiaraka Aminao
Ny foko e! arovy ho madio,
Ny faniriako, Tompo ô, valio.
Jeso malala ô! sns…
3. Ny hazazako, ry Tompo, tahio,
Enga ho zaza tia ny madio
Ho zaza hendry, zaza mpankatà,
Anao Mpanjaka, Tompo manan-jo,
Jeso malala ô! sns….
1. Hajain’ny saiko,
Fototry ny aiko,
Itsaohan’ny fanahiko !
Tokana iriko,
Malala tiako
Hianao Jeso Mpamonjiko !
2. Mety malazo
Ny voninkazo,
Ny ahi-maitso koa re !
Fa misy lova
Tsy mba miova :
Jesosy Perla soa e !
3. Ao lalandava
Ny andro mazava,
Ny kintana, ny volana ;
Jesosy irery
Tompon’ny hery
Tsy azo ihoarana !
4. He, igagàna
Ny hatanorana !
Fa na mahafinaritra,
Mety mihena
Ny herin-tena ;
Jesosy no maharitra !
5. Tsy misy fetra
Zavatra rehetra
Hianao Jesosy,
Tokiko, akaiky ahy,
Zoky Mpiahy,
Ny tsara indrindra amiko !
6. Raha ho lasa
Fa vita ny asa,
Tohano aho, Jeso ô !
Ampio aho
Sy atanjaho
Ho sambatra eo an-tratranao !
1. Misy toerana voafidy,
Manandaza lehibe
Dia saha sarobidy,
Tena mahavokatra e!
Saha feno fitahiana
Misy vokatsoa ery.
Ao no mendrika niriana
Saha masina izy ity.
2. Ny sekoly Alahady
Io no sahanao ry Ray
Ny baiboly no angady
Hanasoavanao anay;
Mahavatra ny Mpamboatra,
Ka mirobona tokoa;
Voakarakara loatra,
Ka mitombo sy mamoa.
3. Midadasika ny tany
Nefa karankaina koa!
Fa ny sahanao ihany
No tsy manam-paharoa.
Misy rano tsy mba ritra
Dia ny Teny Masinao;
Izay torina eran-tany
Mikoriana lava izao.
4. Ny ankizy sesehena
No mivory eto izao;
Ireo no hazo ambolena
Ao anaty sahanao.
Raha mirona mba tohano
Raha lavo, ajoroy,
Zaza osa, ka tantano
Mbola kely ka toroy!
1. Endrey! Endrey! Tompo ô!
He! Ny hasoavanao,
Fa tsy tapaka hatrany
Izany fitahianao,
Notantananao, ry Tompo
ltony ondrikelinao.
2. Endrey! Endrey! Tompo ô!
He ny fitiavanao:
Efa elabe tokoa
No mba niheveranao
Izany zaza malagasy
Izay irinao mba ho soa.
3. Anio zahay, Tompo ô!
Mankasitraka Anao
Fa ny sandrinao, mahery
No niaro toy izao
Tratranay mandrakariva
Ny androm-pahasoavanao!
4. Tahio tokoa, Jeso ô!
Madagasikaranay
Mba handroso ka ho tonga
Madagasikaranao,
Izany re no faniriana:
Ho tanteraka anie!
1. Ry Jeso, Zaza marina ô!
Izay tonga zaza toa anay;
Nafoinao ny lapanao,
Hitondra vonjy ho anay,
Ry Jeso, Zaza masina ô!
2. Ry Jeso, Zaza masina ô!
Nanetry tena Hianao;
Nilaozanao ny lanitrao
Noho ny fitiavanao,
Ry Jeso, Zaza masina ô!
3. Ry Jeso, Zaza marina ô!
Hianao no fihavanana;
lzahay izay nandà ny Ray
Tadiavinao ho Azy indray,
Ry Jeso, Zaza masina ô!
4. Ry Jeso, Zaza marina ô!
Hihira ho Anao izahay.
Hianao nanondrotra anay:
Ny lapan-dRay ho azonay,
Ry Jeso, Zaza marina ô!
1. Henoy ny antson’ny Tompo:
Iza no ho irakay?
Vonon-kandeha sy hanompo
Hiasa an-tanihay?
Adidy sarotr’efaina
Asa mangetana re
Mety handritra ny aina
Iza no vonona e!
2. Tsy didy miendrika baiko
Nefa mahery tokoa;
Nanindry mafy ny saiko
Ny antsonao, Tompo soa.
Satriko lavina, anefa
Manery ahy hanoa,
Any am-po no miantefa
Ny ako, onjany koa.
3. lnty, ry Tompo malala
Izaho ho irakao,
Nofo ka misalasala
Raha toa tsy tohananao.
Ny foko omeo fahendrena
Hanao ny sitrakao,
Ny saiko mora mivena
Fenoy ny hasoavanao.
4. Vonona ka hamasino
Hanefa ny irakao,
Eny, ry Tompo, vimbino
Handia ny làlanao.
Sarotra nefa hataoko
Ny asa atolotrao,
Ny sitrapo dia hafoiko
Tohano ny herinao.
1. Tsy mangataka aho Tompo,
Zava-py, harena, zo,
Fa ny tena mba iriko
Dia izao: ny fo madio.
Fiv : Fo madio izay akany
Feno eritreri-tsoa
Fo madio haren-tsy lany
Sarobidy avokoa.
2. Indrisy, fa ny soan’ny tany
Manodòka, mora lò;
Ny haren-tsy mety lany
Dia izao: ny fo madio.
Fo madio, sns…
3. Na maraina na hariva,
Izao, no angatahiko:
Mba ho ahy ilay soa indrindra,
Dia izao: ny fo madio.
Fo madio, sns…
1. Tanora ô!
Ny Nosindrazanao
Miandry izao,
Manasa anao,
lngao anio
Ilay fanevanao,
O! tafia ny herinao.
Fiv : O! mifohaza izao
Tahio ny herinao,
Injao, ny Nosinao,
Manantena Anao.
Jereo ny namanao
Taninin-doza izao
O! vonjeo fa mitoreo.
2. Avia, jereo
Ny Fiangonanao;
O! mba vonjeo
Fa mila anao.
Tanora soa
No mba ilaina koa
O! avia Hiara-dia.
O! mifohaza, sns…
3. Omeo anio
Ny herinao izao,
Ka dia falio
Ireo tapakao.
Ireo didy soa
Sy baikon’ny
Tsitoha Tanteraho
Sy hajao.
O! mifohaza, sns…
1. Modia, modia,
Fandrao very tokoa,
Fa ny efitra be
Nodiavina izao;
Ry zanako ô!
Modia izao.
2. Modia, modia,
Fa miandry ny Ray
Hampandroso anao,
Sady hanome soa:
Ry zanako ô!
Modia izao.
3. Modia, modia,
Fa nanavotra anao
Jeso Ilay be fitia,
Izay nisolo anao:
Ry zanako ô!
Modia izao.
4. Modia, modia,
Ka ilaozy izao
Izay ratsy natao,
Nahameloka anao;
Ry zanako ô!
Modia izao.
5. Modia, modia,
Hovantaninao ao
Ny trano n’ny Ray
Sy ny lamba madio
Ry zanako ô!
Modia izao.