Catégorie : 2.04 – Ny fijaliany – ny fahafatesany

1. O! fitiavan-dalina
Nasehonao ilay alina
lzay namadihana Anao,
Ry Jeso, fototr’aim-baovao.

2. Mangoraka ery ny fo,
Sy ory ny fanahiko,
Raha mba tsaroako izao
Ny loza izay nanjo Anao.

3. Fadiranovana Hianao,
Nangotraka ny adinao;
Ny dinitrao nanjary ra
Noho ny fahoriana.

4. lzany no niaretanao
Noho ny fitiavanao,
Ka nentinao ny heloko
lzay tokony ho nentiko.

5. Namita fanekem-baovao
Ho famonjena Hianao,
Nasianao kase izay
Maharitra mandrakizay.

6. Misaotra Anao, ry Tompo ô!
Fa ravo ny fanahiko
Handray ny fanomezanao
Eo amin’ny latabatrao.

7. Ny teninao inoako,
Ka raisiko ho ao am-po:
Ny zava-tsoa atolotrao
Dia ranao sy ny tenanao.

8. Ry Jeso, amboarinao
Ny fonay ho fonenanao,
Ka Hianao ho tianay
Izao sy ho mandrakizay.

1. Tsy haiko ny milaza re
‘Lay fahorianao
Irery tao Getsemane !
Ry Tompo masina ô,
Tarihonao ny saiko e,
Ho ao Getsemane !
Hahita ny fitiavanao
Izao tontolo izao

Fiv : Fitiavana ahy re,
Ry Tompo masina ô,
No niaretanao
Izao mangidy izao !

2. Nangorohoro mafy re
Ny fonao Jeso tia,
Ny tsembokao ‘zay nitete
Nanjary toy ny ra !
Endrey ny fahorianao
Nangotraka tokoa,
Tsy maintsy nosotroinao
Ilay kapoaka tao !
Fitiavana, sns…

3. Ho ahy re, ho ahy re,
No niaretanao
Irery tao Getsemane !
Jeso malala ô,
Sintoninao ny foko e
Ho ao Getsemane,
Hahita izay niaretanao,
Ho tena tia Anao !
Fitiavana, sns…

1. He mijaly ny Mpamonjy
Ao Getsemane izao,
Ô ry te ho voavonjy,
Manaraha Azy ao!
Indro, ny Mpanavotrao,
Fa miady ho anao.

2. Ory ao ny Tompon’aina,
Mafy re ny adiny,
Ka misento mitaraina,
Tot’ ny ra ny dininy.
Ry mpanota, mijere,
Mihevera ka hendre!

3. Indro tonga ny anjely
Mba hampahatanjaka
An’i jeso, Izay mijaly
Amim-panaintainana.
Ry Mpamonjy tia ô,
Mamindrà fo amiko!

1. ‘Lay ora tao Getsemane
Tsy mba hadino re,
Raha Hianao no tsembo-drà,
Ry Tompon’avotra.

Fiv : ;.;Tsahiviko;.;
Ny fahorianao.
Raha tsinjoko ny ady be,
Ilay tao Getsemane.

2. Nafoin-dRay irery tao.
Nilaozan-kavanao.
Handraisana anay indray
Ho zanaky ny Ray.
:,: Tsahiviko, sns…

3. Nandroso mba hijaly tao,
Ry Tompo, Hianao;
Fadiranovana sy maty
Hanavotra anay.
:,: Tsahiviko, sns…

4. Fa vinitra Jehovah Ray
Noho ny ditranay;
Ninianay nolavina
Ny didy masina.
:,: Tsahiviko, sns…

5. Ka Hianao nasiana
Ho solo-voina;
Ny dinitrao, ry Tomponay,
Dia valin’otanay.
:,: Tsahiviko, sns…

6.Fa sitrakao, ho afaka
Ny olo-meloka;
Endrey ny fitiavanao
Anay navotanao!
:,: Tsahiviko, sns…

7. Raha mila hangatsia-po
lzaho, Tompo ô,
Mba ampisaino ahy re
Ny tao Getsemane
:,: Tsahiviko, sns…

1. Nitomany ny Mpamonjy,
Fa tsy nety ho trabonjy
Israely olony.

2. Izy dia nanambara
Taminy ny teny tsara
Feno fitiavana.

3. Ka ny jamba, kilemaina,
Moana sy very saina
Dia nositraniny.

4. He, ny soa efa vira,
Nefa nody tsy nahita
Ny ankamaroany.

5. Ary, lotika ny fony,
Koa halany ny Ony
Feno rano velona.

6. Ry Mpamonjiko malala !
Aoka aho hahalala
Ny fitomanianao.

7. Ary hahalala koa
Fa ny soa mahavoa
Raha tsy horaisina.

1. Jereo ny Mpamonjy,
Izay miakatra
Ho ao jerosalema
Hanao ny avotra;
Na dia be ny ratsy
Mikendry Azy ao,
Ny mba hamonjy azy
No tiany hatao.

2. Tsy biby manan-daza
No nitaingenany,
Tsy ny hitady laza
No nihaviany;
Kanefa manan-kery
Handresy ho anao;
Ny ratrany irery
No aina ho anao.

3. Ilay voasatro-tsilo
Noho ny helokao
Dia mety sy maniry
Mba ho Mpanjakanao.
Ny rany sarobidy
Omeny ho anao,
Ny lanitra nihidy
Misokatra aminao.

4. Ampio mba ho haiko
Hatolotra Anao,
Jesosy ô, ny aiko
Ho voninahitrao;
Velariko ny foko
Eo anoloanao,
Tsy misy tsy ho foiko
Mba hodiovinao.

5. Hosana ! Ry Mpamonjy,
Hiraiko ho Anao,
Fa mamin’ny tra-bonjy
Ny fiderana Anao.
Hosana! Tompo tsara!
Soava dia izao!
Handresy ny devoly
No anton-dianao.

1. Hitako izao, sakaiza
Ny fahasambarana
Ka ny foko faly, ravo,
Manam-piadanana
Teo am-pototry ny hazo
Nijalian’ny Tompoko,
Teo aho no nahazo
Famelana heloka !
———————
Mon ami, j’ai maintenant trouvé le bonheur
Mon cœur est dans la joie,
Je suis dans l’allégresse,
J’ai trouvé la paix
Au pied de la croix,
Là où le Seigneur a souffert,
C’est là que j’ai reçu le pardon de mes péchés.

2. He, ny indrafo niriko
Efa azoko tokoa
Ka jesosy no fidiko
Fa Izy fototry ny soa !
He, ny rany sarobidy
Nanadio ny otako
Izaho efa voavidy
Lanitra no lovako !
———————
Cette miséricorde que je désirais tant
je l’ai vraiment reçue
C’est Jésus que j’ai choisi
C’est de Lui qu’est le bien
Son sang précieux
a lavé tous mes péchés :
Il m’a racheté,
Je reçois le ciel en héritage.

3. Tena soa mahagaga
Izao nomenao ahy izao,
Fa izaho izay mpanota
Dia nohavaninao !
Ka izaho dia hidera
Izato fitiavanao
Ary koa hanambara,
Jeso ô, ny herinao !
———————
Ce que tu m’as donné
est vraiment merveilleux
Tu as choisi d’entrer en relation avec
Moi qui étais pécheur.
Alors je Te louerai pour cet amour
Et je raconterai,
Jésus, Ta Puissance.

4. Ry Mpamonjy ô, mba raiso
Izao fisaorako izao
Ka izay rehetra ahy
Dia atolotro Anao,
Raha tonga re ny fetra
Hialako sasatra,
Ento aho hitoetra
Eo anilanao ary !
———————
Ô Toi mon Sauveur !
Reçois ma reconnaissance :
Tout ce qui est mien,
Je Te le donne.
Au terme de ma vie
Pour entrer dans le repos
Prends-moi pour
Que je demeure auprès de Toi

Translation by Hotcat Team

1. Ry Jesosy, ampombay
Fiadanana maharo
Fo sy saina izahay
Ka mba ampahafantaro,
Ra ny holatrao jerena,
Fa Anao ny fandresena.

2. Ry Mpandresy, ambarao
Aminay ny vokatr’ady;
Famonjena aim-baovao
No andramanay sahady;
Raha ny tafika miseho,
Fiadananm-po omeo!

1. Ry mino ô, avia re!
Hiara mankalaza
Ilay mpanjaka lehibe,
Fa tena mahagaga
Sy sarobidy anie
Ny fahasoavan-dehibe
Nomeny antsika.

2. Tsy asa soa vitako
No tokiko anefa,
Fa ny Andrimanitro
No tsy nisalasala
Hanafaka ny otako,
Nomeny mba ho avotro
Ny Zanany malala.

3. Jesosy faly eram-po
Hamonjy ahy very,
Ka azoko ny indrafo,
Izay vitan’Izy irery,
Izaho tena afa-po,
Tsy misy atahorako,
Izaho tsy ho very.

4. Jesosy Kristy Tompo ô!
Izaho ta-hamaly
Ny teny fiantsonao:
« Mba manatòna Ahy!
Izaho dia ho anao,
Ho Ahy kosa hianao. »
Ka manampia ahy.

5. Ny ranao soa nitete
No nanadio ahy
Ny ainao sarobidy re
No nanavotana ahy.
Mba hitokiako anie
Ny famonjena lehibe
Natolotrao ahy.

6. Isaorana eram-po anie
Ny Tompo Zanahary,
Fa Izy efa nanome
Ny Zanany nijaly,
Ka ny devoly loza be,
Ny ota sy ny heloka
Ho resy sy ho faty.

1. Hianao ry Tompon’aiko,
Maty noho ny otako;
Tsy mba takatry ny saiko,
Izany fijalianao,
Nefa sitrakao nijaly,
Hahazoako mifaly,
Ry Jesosy, Hianao
No isaorako izao.

2. Safotry ny fandatsana
Hianao, Mpanavotra,
Handovako fanjakana
Feno voninahitra.
Voaratra, voaeso,
Ary voasatro-tsilo
Noho ny hadisoako,
Koa dia isaorako.

3. Tianao izahay mpanota
Helokay no nentinao;
Resinao ny tambin’ota,
Izahay nafahanao;
Voaloanao ny trosa,
Izahay mpanota kosa
Tonga olom-potsinao,
Ka derainay Hianao.