Catégorie : 02 – Jesosy Kristy Tompo

74 – Tany Betlehema fahiny

1. Tany Betlehema fahiny,
Tao an-tranon’omby re;
Nisy Zazakely soa,
Tampofoan-dreniny,
Jeso Kristy Zaza io,
Zanak’i Maria madio.

2. Nahafoy ny Rainy Izy
Sy nandao ny lanitra,
Tsy nandà ny trano ratsy,
Nefa Andriamanitra:
Toe-pahantrana re
An’ny Tompo lehibe.

3. Fony Izy mbola Zaza
Dia nanaiky sy nanoa,
Ary tia reny Izy,
Sy nanetry tena koa,
Zaza Kristiana e!
Manaraha Azy re!

4. Ka ho hitantsika Izy
Noho ny fitiavany:
Fa ‘Lay Zazakely tsara
No mba Tompon-danitra,
Ka isika zanany
Dia hankany aminy.

5. Nefa tsy mba tranon’omby.
Itoerany izao,
Fa nankao an-danitra Izy.
Sy mitafy laza ao;
Ka ho sambatra any koa
Tahaka Azy ny zaza soa.

73 – Indro Zazakely zanak’i Maria

1. Indro Zazakely
Zanak’i Maria,
Tompon’ny anjely,
Nefa nankaty,
Io no Zazalahy,
Zanaky ny Ray.
Tonga mba hitahy:
Izy no anay.

Fiv : Mihirà, ry tany,
Sy ny mponina eo.
Hafalian-tsy lany,
Manandrata feo!
Jeso no deraina,
Fa Mpanjaka soa;
He! Ny fanjakany
Lehibe tokoa.

2. Zaza nantenaina
Fony ela be,
Sady Tompon’aina
Manan-kery be,
Mihirà, ry tany!
Eny, mifalia:
Hoy ny mpaminany,
Izy no Mesia:
Mihirà, ry tany, sns…

3. Jeso Zaza hendry,
Masina sy to,
Tompo voatendry,
Mpanadio ny fo,
Aoka mba hijery
Zao tontolo izao,
Zaza manan-kery,
Indro, mba hajao:
Mihirà, ry tany, sns…

72 – Teraka Jesosy Tomponay

1. Teraka Jesosy Tomponay,
Taitra ny olona fahizay,
Nisy anjely nihira teo,
Mahafinaritra, tsara feo,
Sady milaza soa aminay,
Dia hihira anio izahay

Fiv : Taona fahasambaranay,
Volana fifalianay,
Andro firavoravoana Anao,
Jesosy, Zanaka Masina ô!

2. Teraka Jesosy be fitia,
Indro kintana tonga teo,
Avy hanoro ny Zaza soa:
Faly ny Magy, fa Io tokoa,
Io no Mpanjaka mandrakizay
Dia nanaja androtr’izay:
Taona fahasambaranay, sns…

3. Teraka Jesosy Zaza soa,
Zaza Malalan’ny Ray tokoa;
Tonga hamonjy io Zaza io,
Teraka ao Betlehema anio;
Ento ‘zahay, Fanahy, hankao.
Andronay mahafaly izao:
Taona fahasambaranay, sns…

4. Sambatra manana Anao ho Ray,
Faly sy ravo tokoa izahay;
Jesosy Tompo nirahinao,
Tonga ho nofo ny Zanakao;
Teraka ho Mpanavotra anay
Avy hifaly eto ‘zahay:
Taona fahasambaranay, sns…

50 – Mifohaza ry matory fa re ny feon’ny Mpamory

1. Mifohaza, ry matory,
Fa re ny feon’ny Mpamory
Miantso izao tontolo izao,
Miaingà, ry vovontany,
Fa he! Jesosy avy any,
An-danitra hitsara anao.
Ry mbola velona!
Ry ao am-pasana!
Mitsangàna!
Miandrandrà ny lanitra,
Fa ny aty dia tapitra!

2. Kristy Tompo avy any,
Ka dia mangovitra ny tany
Fa be ny voninahiny
Na ny ratsy na ny tsara
Hanatrika Ilay Mpitsara,
Miandry ny anjarany,
Zarainy roa izao
Ny tafavory ao;
Ka ny tsara
Horaisiny ao aminy,
Ny ratsy dia ariany.

3. Jeso ô! izahay mifaly,
Na dia be ny mampijaly
Sy mahaketraka aty:
Hianao mahay manova
Ny fahorianay ho lova
Mahafinaritra ery.
Ry fasa-maizina ô!
Ry fahavaloko!
Aiza moa
Ny herinao, ny sabatrao?
Jesosy no Mpandresy izao

49 – Mba jereo ny Tompontsika avy ao an-danitra

1. Mba jereo ny Tompontsika
Avy ao an-danitra
Indro avy amin-kery
Ao amin’ny rahona .
:,: Haleloia ! :,:
Ambarao ny heriny.

2. ‘Zay rehetra fahavalo
Efa resiny tokoa;
Mifalia, ry anjely!
Mihobia, ry olona!
:,: Haleloia ! :,:
Ambarao ny lazany.

3. Fony mbola teto Izy,
Satro-tsilo nentiny;
‘Zao ny satro-bolamena
Mendrika ny lohany;
:,: Haleloia ! :,:
Ambarao ny derany.

4. Voaeso mafy Izy.
Be ny fahoriany
Fa izao, asandratra Izy
Ambarao ny hajany!
Ao amin’ny rahona.
:,: Haleloia ! :,:
He, ny voninahiny !

48 – Hevero ry mpanota ô ny andro fitsarana

1. Hevero ry mpanota ô,
Ny andro fitsarana!
Hiverina ny Tomponao
Hamaly fahotana;
Ny lanitra hahorana,
Ny tany dia hodorana,
Fa avy Ilay Mahery.

2. Trompetra no ho velona
Hotsofin’ny anjely;
Hisokatra ny fasana,
Hivory izay niely;
Ny maty dia hatsangana,
Isika koa hakarina
Hanatrika ny Tompo.

3. Ny boky hovelarina,
Fa io no manambara
Ny asa izay miafina,
Handraisana anjara
Ka aza mba mihevitra
Hahazo mihodivitra,
Fa fantatry ny Tompo.

4. Ry Tompo ô! Hazoninay
Ny tenim-panekena,
Ka mba arovy izahay
Hitana famonjena:
Ny ranao sy ny Fanahinao
No tokinay raha avy izao
Ny andro fitsarana.

47 – Ry Ziona, mihainoa

1. Ry Ziona, mihainoa!
Injay feo mafy mampifoha
Ny ampakarina izao.
Mbola alim-be ihany,
Fa ny fotoana no lany,
Ka avy ny malalanao.
Antsoiny hianao,
Alao ny jironao
Ka velomy;
Dia miaingà hivoaka,
Hitsena ny Mpampakatra!

2. He, Ziona ravoravo,
Fa reny izao ny antso avo,
Ka velona ny hobiny:
Indro, avy Kristy Tompo.
Hanafaka anay mpanompo,
Halainy hampakariny.
He, faly re ny fo!
Avia, Tompo ô!
O, hosana!
Mihaingo izao hitsena Anao,
Ry Kristy, ny malalanao!

3. Hira, hoby, fiderana
Asandratray mba hitsenana
Anao, Jesosy Tompo ô!
Tsy mba misy mitomany,
Fa mirana izay mankany
Am-pampakaram-badinao
Mahafinaritra
Ny hiran-danitra!
Haleloia!
Ilaozanay ny trano lay,
Miakatra ny dianay.

46 – O! ry Mpanefa ny toky rehetra

1. O! ry Mpanefa ny toky rehetra,
Moa ho ela vao tonga ny fetra?
Tena andrasanay ny fihavianao:
:,: Aza ela, re! :,:

2. He! lzahay, fa vahiny mandalo
Indro manenjika ny fahavalo;
Koa henoy re ny senton’ny olonao:
:,: Aza ela, re! :,:

3. He! Ny voavotrao dia miandry,
Na izahay na ireo nodimandry;
Tompo, tsinjovy ny fasan’ny olonao:
:,: Aza ela, re! :,:

4. Ary ny zavatra eto an-tany
Samy miara-misento ihany,
Ka manantena ny mba hihavianao:
:,: Aza ela, re! :,:

5. Mbola ho ela va Ilay antenaina?
Tsia, fa akaiky izao ny maraina;
Koa andrandrao sy antsoy ny Tompo hoe:
:,: Aza ela, re !:,:

6. « Tsy mba ho ela, fa faingana Aho,
Ary hanafaka ny mitalaho ».
« Eny, avia, faingàna, ry Tompo ô! »
‘.: Aza ela, re! :,:

45 – He, tonga ho antsika ny Tompo mora fo

1. He, tonga ho antsika
Ny Tompo mora fo,
Mpamonjy, havantsika,
Ilay mamindra fo !
Andeha mba hifaly
Isika ry zareo :
Nahazo Mpampifaly,
Ka manandrata feo !

2. Hajao ny Tompontsika,
Mpanjaka lehibe
Andriamanitsika,
Mpanala rofy be ;
Avia mba hidera
Ry mino tsara fo !
Avia manatera
Ny saotra ao am-po !

3. Ry Tompo Zanahary
Mihira izahay,
Fa teny mahafaly
No tonga ho anay !
Ny andro famonjena
No andro sitrakay,
Fanahy manantena
No ifalianay !

4. Ry Tomponay, mandraisa
Ny haja entinay
Tsy volamena anefa
Fa saotra aterinay !
Ry Jeso Tompo soa,
Isaoranay Hianao !
Fa lehibe tokoa
Ny fitiavanao !

44 – Indro Jeso, mba vohay

1. Indro Jeso, mba vohay,
Mba vohay !
Avy ho sakaizanao
Ka vohay !
Lay Malala fahizay
Sady sitraky ny Ray,
Tonga ho anao indray,
Ka vohay !

2. Indro Jeso, mba vohay,
Mba vohay !
Tompo tia ka mba hajao,
Mba vohay !
Honina aminao ety,
Ho sakaiza hatrery,
Ho anao mandrakizay,
Ka vohay !

3. Indro Jeso, mba vohay,
Mba vohay !
Mbola tia ka mba vohay,
Ka vohay !
Tena tia ka tsy mandao,
Raha ela sao dia lao !
Moa holavinao izao ?
Mba vohay !

4. Eo am-baravaranao,
Mba vohay !
Tsy manao an-ditra izao,
Ka vohay !
He ! mandona mora re,
Na dia Tompo lehibe !
Efa niandry ela be,
Ka vohay !