Catégorie : 07 – Ny Fiainanana Kristiana

401 – Izaho nivily, ka simba ny fo

1. Izaho nivily, ka simba ny fo,
Nafoiko ny lalana tery.
Izaho nanary ny soa sy to,
Ka resin’ilay mahavery.

2. Ka nony adala sy mafy ny fo,
Dia tonga ny filazantsara
Naneho ny teny mazava sy to,
Dia teny izay manambara:

3. Fa tonga ny Tompon’ny lanitra izao
Hamonjy izay olom-bery;
Modia anio, ry havako ô,
Araho ny lalana tery.

4. Jesosy nijaly nisolo anao;
Ny fony, ny ainy nijaly;
Ario ny ratsy, fidio zay
Ny soa izay mahafaly.

5. Izaho fahiny nahery nandà,
Tsy nety nifidy ny soa,
Fa noho ny hrin’ny afo sy rà,
Nanaiky ny foko favoa.

6. Izaho izao dia tretrika am-po,
Fa afaka tsara sy sahy
Hiala amin-dratsy, hitady ny to,
Ka mino fa Jeso no ahy

7. Ry Jeso Mpamonjy, arovy ny fo,
Ahiko ny fandrika maro!
Izaho mikasa ao anatin’ny fo
Hanaraka Anao, ry Mpiaro.

400 – Tompo Tsitoha, izahay mifona

1. Tompo Tsitoha, izahay mifona
Mba mihainoa, ô, mba manatona!
Ka mamindra fo aminay mpanota,
Hoafaka ota

2. Raha averina aminay mpanota
Izay mendrikahoanay ho vali’ota,
Dia ho anajaranay re ny hijaly,
Fa tsy hifaly.

3. Indro izahay fa vovoka sy tany,
Reraka, osa, sady mitomany,
tratry ny mafy mampiferinaina,
Ka mitaraina.

4. Noho Jesosy Zanaka malala,
Izay nijaly solonay adala,
Dia mba vonjeoizahay mahantra,
Ry be fiantra.

5. Ray be fitia, tokin’ny mahantra,
Mba manampia anay, ry be fiantra,
Fa miandrandra izahay mijery
Anao irery!

534 – Misy didy tena tsara

1. Misy didy tena tsara
‘Zay nomen’ny Tompo hoe :
Mba mifankatiava tsara
Hianareo ’zay mino e,
:,:Ka miraisa !:,:
‘Zao no didy lehibe

2. Tonga Jeso mba hanompo
Sy mba hampihavana ;
Tsy mpanaraka ny Tompo
‘Zay tsy tia namana
:,:Ka tadiavo:,:
‘Zay ho fampiraisana !

3. Fa iray tokoa ny Loha
Dia Jesosy Zanaka
Endriky ny Ray Tsitoha,
Izay halaina tahaka.
:,:Tsy ho resy:,:
Raha miray ny tafika !

4. Jeso no Ilay foto-kazo,
Tena voaloboka
Ka ny sampana halazo
Raha tafasaraka.
:,:Ikambano:,:
Ka aza mba mihataka !

480 – Mamin’ny foko, ry Jeso ô

1. Mamin’ny foko, ry Jeso ô,
Ny famonjena izay vitanao ;
Ny hadisoako navelanao
Tena afaka aho mandrakizay !

Fiv : Jeso malala ô,
Mpamonjy soa !
Indro ny aiko raiso ho Anao ;
Velon-kanompo,
Velon-kanoa,
Vonon-kanao izay sitrakao !

2. Tano ny foko, ry Jeso tia,
Zaza tsy mahasaraka Anao ;
Mbola malemy mora mania,
Tano hifikitra ao aminao !
Jeso malala ô ! sns…

3. Aoka ny foko sy ny fonao
Hiara-mitempo tena iray ;
Aoka ny saiko sy ny sainao
Hiray safidy mandrakizay !
Jeso malala ô ! sns…

473 – Mombà anay, ry Jeso Tompo ô

1. Mombà anay, ry Jeso Tompo ô !
Fa maizina ny alina aty;
Tsy misy vonjy raha tsy aminao;
Mpamonjy tia ô ! Mombà anay !

2. Mandalo koa ny andronay ety ,
Ka mihalò ny fifalianay;
Miovaovao izao rehetra izao;
Ry tsy miova ô ! Mombà anay.

3. Aza mba mivahiny aminay,
Aza mihevitra ny helokay;
Aoka ho be ny famindranao fo;
Ry Jeso Tompo ô ! Mombà anay.

4. Tsy mahaleo tena izahay,
Fa mora resy, mora kivy koa;
Ry Jeso Tompo ! Aoka honenanao
Ety an-dasin’ny mpanomponao.

5. Ny teninao no fifalianay;
Ny masonao mitari-dalana;
Ary ny herinao no tanjakay;
Sakaiza tsara ô ! mombà anay.

6. Izay ombanao afa-tahotra,
Tsy mety kivy na mamoy fo ;
Tsy misy fahoriana izay
Haninona ny fo arovanao.

7. Rehefa tonga ny fotoana
Hitànay ilay ony maizina,
Aoka ny tavanao hazava ao,
Amin’izany re mombà anay.

471 – He sambatra aho, Jeso

1. He sambatra aho, Jeso,
Raha miaraka Aminao
Fa ny lalanao dia lavim-pahoriana !
Ny ali-mampahory, ny raho-mitatao
Eo anilanao dia mody fitahiana !
Tano aho, Jeso, hiaraka Aminao
Izay làlana ombako e, mba hazavao !

2. Izao no faniriako manetsika ny fo :
Ho sakaizanao mandrakizay doria
N’inona mihatra, na inona manjo,
Ianao no antenaiko hitantana ny dia !
O avia, Jeso, tano aho e,
Tantanonao ny diako, Tompo, mamonje !

3. Izay sakaizanao, Jeso, no ampoky ny soa,
Feno haravoana sy lavitra manjo !
Izay rehetra ilaina anananao tokoa,
Raha miaraka Aminao mionona ny fo.
Sambatra aho Jeso, tretrika tokoa
Ravo ny fanahiko toloranao ny soa !

4. Inona no mamiko mihoatra noho Ianao ?
Tompo manan-kery sy loharanon-tsoa ?
Izay zavatra ilaiko azoko Aminao
Koa onenonao ny foko, ho lapanao tokoa !
Manjakà, Jeso, ato am-poko Ianao,
Izay fahotako e, ry Tompo, avelao !

531 – Ry Jeso loharanon’aina

1. Ry Jeso loharanon’aina
Izay foto-pahasoavana,
Ny fonay toy ny tany maina,
Fenoy fitiavana !
Ahidino ao ny tena aina
Mba hampifankatia anay,
Fandrao ho tonga very maina
Ny fitiavanao anay !

2. Ny hasomparana levony
Soloy fitiavana !
Ny lolom-po ampijanony
Ho tia fihavanana !
Ny fo malaky mankahala
Ovay ho tia namana !
Ampianaro hahalala
Ny didim-pitiavana

3. Toroy sy ampianaro
Ny fitiavanao zahay !
Mpiandry tsara o, velaro
Ny fonao mba ho hitanay !
Mba ho tarafiny tokoa
Ny fonay mbola maizina
Ka samy hifanisy soa
Sy hifamela heloka !

417 – Nandao Anao ela aho

1. Nandao Anao ela aho, Raiko ô!
Izao dia te-hody aho;
Maniry hiankina an-tratranao,
Izao dia te-hody aho.

Fiv : :,: Inty tamy aho,
Raiko malala ô,
Raiso ny tanako. :,:

2. Maniry hanana fiadanam-po,
Izao dia te-hody aho,
Sy mba hivesatra ny zioganao,
Izao dia te-hody aho,
Inty tamy aho, sns…

3. Itambesaran’ny ota natao
‘Zao dia te-hody aho,
Matoky anefa fa horaisinao
‘Zao dia dia te-hody aho.
Inty tamy aho, sns…

4. Raha tsy mendrika ny ho zanakao,
Izao dia te-hody aho,
Ataovy isan’ny mpanomponao,
Izao dia te-hody aho.
Inty tamy aho, sns…

5. Indro fa tazako ny sandrinao,
Izao dia te-hody aho,
Mitsotra mba hisakambina re,
Izao dia te-hody aho
Inty tamy aho, sns…