1. Mandrosoa hatrany
Aza kivy foana
Zava-tsoa tsy lany
Ao anatin’ny finoana.
Fiv : ‘Reto no miray
Hery lehibe tokoa dia
Ny finoana,
Ny fanantenana,
Ny fitiavana.
2. Tano tsy ho very
Ny fanantenana
Fa mitondra hery
Eny an-dàlana ombana.
‘Reto no miray sns…
3. Aina vaovao
Herin’ny fanahy
Ny fitiavanao
Ka tanako tokoa ho ahy.
‘Reto no miray sns…
1. Tsy ho toy izao, Jesoa
Ity mpanomponao
Raha toa tsy tao tokoa ny fahasoavanao
‘Zay nanohana ‘lay hery kely tao am-poko
Nahazoako mba nanao
Ny asam-panompoako!
Fiv : Indro fa havaoziko ry Jesoa
‘Lay voady miorina ao am-po
Ny andro ivelomako
‘Zay omenao iainako
Dia atokako sy mbola hitoriako ilay fitiavanao!
2. Ny asa izay natao,Jesoa,
Dia tsapako ao am-po
Fa tsy dia toy inona sy bitika tokoa
Nefa na izany aza dia inoako koa
Fa ‘zay kely vitako hitera-boka-tsoa.
Indro fa havaoziko ry Jesoa sns…
3. Na ho lava na ho fohy
Ny androko ety
‘Zaho dia irakao, ry Jesoa Tompo be fitia!
Ka ilay fitiavanao miorim-paka anaty
No hanafy herim-pitokiana mandra-maty!
Indro fa havaoziko ry Jesoa sns…
Fiv : Ry tanora ô! Avia
Mitsangàna, mitoria;
Ambarao ‘lay famonjena
Ka sahia, avia, avia
Torio Kristy.
1. Fa vory amintsika izao ny hery
Ka mendrika hanaovan-tsoa
Meteza ka ampio ‘reo mbola very
Ho mpino toa antsika koa.
Ry tanora ô! Avia sns…
2. Anio no miandry antsika ny tontolo
Hitondra hazavana soa
Isika izay voataiza sy voakolo
No indro irahin’I Jesoa.
Ry tanora ô! Avia sns…
3. Ny herin’ny Fanahy no momba antsika
Hahatomombana ny dia
Andeha amin’ny endrika sariaka
No hitoriana an’I Kristy.
Ry tanora ô! Avia sns…
1. Ray o! mba faniriako,
Raha toa ka sitrakao
Ny handova lanitra
Dieny ety an-tany
Kanefa tsy izaho irery
F’ireo izay mino Anao
Hiaraka amiko
Hatrany hatrany.
Fiv : Endrey ny fiainanay anilan-dRay
Ny Tompo iray, Fanahy iray
Iraisana avokoa ‘reo asa soa
Iray ny fo, iray ny loha
Ray o! nahoana moa e!
Raha atomboka anio?
2. Ray ô! mba faniriako
Raha toa ka sitrakao
Ny ho zanaka manoa
Feno fahendrena
Hilofo hatrany koa
Hamita ireo asanao
Ka tsy hirehareha
Fa hanetry tena.
Endrey ny fiainanay anilan-dRay sns…
1. Efa voadinikao Andriamanitra ô!
Ny fiainanay zanak’olombelona
Tsy misy ‘zay miafina amiko tsy hitanao
Ianao no manendry izany Andriamanitra ô!
2. Indro ny fikasako voalahatrao
Ny fiainako rehetra dia Aminao
Ny fahotana vitako taminao
Mangataka famelana Andriamanitra ô!
3. Aza avela aho hangaihay
Fa ampioreno mafy ny finoako
Ka na mamely ahy ny fakam-panahy
Dia mahatoky Anao ny fanahiko.
4. Ny nofoko anie malemy no sady kely
Torovana tsy ampy hery ka manahy
Meteza Ianao anio Andriamanitra o!
Ho hery sy toky ho ahy mandrakizay.
5. Ianao no vatolampy sy fiarovako
Ny herinao no indro hizorako
Ny foko ao anatiko ao efa fantatrao
Dia raiso aho ho zanakao Andriamanitra ô!
Faly aho raha hoy izy ireo tamiko
“Handeha isika ho any an-tranon’I Jehovah,
Ny tongotray efa mijoro
Ao anatin’ny vavahadinao
Ry Jerosalema, ry Jerosalema.
Dia ianao ry Jerosalema,
Izay efa vita tahaka ny tanàna
Efa voalamina tsara.
Any no hiakaran’ny firenena,
Ny firenen’I Jehovah,
Mba hisaotra ny Anarany
Mba hisaotra ny Anarany
Mba hisaotra ny Anaran’i Jehovah.”
1. Miloatra avy ao am-poko
Ny tonom-bavako
Maneho ny fanajako
Sy fankatoavako
Ny Tompoko Tsitoha
Nitahy hatrizay
Hatramin’ny taloha
Sy ho mandrakizay.
Fiv : Mivavaka aho satria tena mino
Mino sy mankato
Manaja sady tia an’Andriamanitro
Mivavaka aho satria tena faly
Faly sy manantena ny avotrao
Omena mandrakizay doria
2. Mibahana ato am-poko
Fanahin’I Kristy
Mitaiza tsy miato
Ka mahafaly ery
Manesika ahy hivoatra
Hiasa bebe kokoa
Ka ataony tafahoatra
Ny hasoavako.
Mivavaka aho satria tena mino sns…
1. Masoko manganohano,
Nitomany feno rano
Noho ny helok’efa vita,
Dia mitony raha nahita
Masonao be fiantra
Ry Mpamonjy ny mahantra
O Voavotrao ‘lay very
Ry fitiavana mahery.
2.Tanako mangadihady
Nisarangotra nitady
Fanavotana sy Vonjy
F’efa resy ka nilonjy.
Dia noraisinao ry Tompo
Na dia tànana maloto
O voavotrao ‘lay very
Ry Fitiavana mahery.
3. Foko tena fahavalo
Nefa resy ka mimalo
Raha nifona fa naditra
Hitanao nipitrapitra.
Babo ka tsy afaka ho aiza
’Zay noraisinao ho sakaiza
O voavotrao ‘lay very
Ry Fitiavana mahery.
1. Tsy hainay ny hangina
Ka tsy hankalaza ny Avo
Nameno fitahiana
Ka tsy mba namela ho lavo.
Fiv : Ka dera ry Ray!
Sy saotra no atolotray ho Anao
Raiso (fo sy fanahy), fo faly loatra
No entinay midera Anao.
Ny sainay tsy ampy hahalala
Ny fatran’ny fitiavanao
Ka raiso ry Tompo Malala
Ny fankasitrahana Anao (ry Ray).
2. Tsy hainay hadinoina
‘Lay fara-fitiavanao, Ray o!
Fa maty novonoina
Ny Zanakao hamonjy anay.
Ka dera ry Ray o! sns…
1. Ry Fanahy ô midina,
Manatreha anay anio Ianao
Mba hanoloranay,
Ny vavakay mangina
Vetsovetsom- po ‘zay atolotray
Vola sy ny harena
Samy tsy anananay
Fa indro vavaka mangina
Fanoloran-tena ho Anao tokoa.
2. Ry Fanahy ô monena
Aza mba mandao anay Ianao
Kolokoloy ‘zahay
Hitombo fahendrena
Ka tsy hahafoy hiarak’ Aminao
Ota sy rendrarendra
Samy te handavo anay
Soa ihany, soa fa eo Ianao Fanahy
Vonona hitahy ny fiainanay.
3. Ry Fanahy ô , meteza
Mba handray anay ho mpianatrao
Avia Ianao,
Avia mampahereza
Hahatonga anay mba ho irakao
Eso sy fitsapana
Samy manakivy anay
Ka taomy , taomy hanam-po mafana
Herim-po vaovao hiasa ho Anao.