Catégorie : 02 – Jesosy Kristy Tompo

43 – Manenoa, ry farara

1. Manenoa, ry farara!
Horohoroy, ry tany
Ka miantsoa ny maty,
Fa akaiky ny Mpitsara;
:,: Indro Kristy:,:
Avy amin-drahona!

2. Ny feony no hampifoha
Ny any am-pasana;
Ny teniny no hamory
Ny velona rehetra;
:,:Samy handray:,:
Ny valin’ny nataony.

3. Ny tsy mino hilazany:
« Mialà voaozona,
Mandehana, mitoera
Ao amin’ny maizina »
:,: Ry mpanota:,:
Any ny anjaranao.

4. Fa ny mino hilazany:
« Avia, notahina,
Mandrosoa, mankanesa
Ho amin’ny mazava »
:,:Io, ry mpino:,:
Indro ! ny anjaranao.

42 – Vohay ny varavaram-po

1. Vohay ny varavaram-po
Ilay Mpanjaka manan-jo !
Mpamonjy izao tontolo izao
No tonga hanasoa anao !

2. Ny teny fanasana atao
Mitondra tena aim-baovao,
Ny fahoriana manjo
Afahan’ny famindrampo.

3. Mba mihainoa, maneke
Fa sambatra izay mandre,
Ka anjakan’ny Tompo to
Izay feno antra, mora fo.

4. Ny andron’aina mitatao
No mahafaly fo izao,
Mamiratra sy manome
Fanantenana lehibe !

5. Ny vavahady mba vohay !
Finaritra izay mandray,
Fa tonga Ilay Mpanjaka soa
Hanao ny asany tokoa.

6. Sokafanay ny fo izao
Ry Jeso, mba hidiranao !
Ny fahasoavanao anie
Hanananay harena be !

7. Atolotray, ry Tompo ô,
Mba hahatamana Anao ny fo ;
Ny famonjena vitanao
No iankinanay izao !

173 – Hosana no asandratray ho an’i Jesosy

1. Hosana! (in-3)
Hosana no asandratray
Ho an’i Jesosy,
Fa Izy no Mpanjakanay
Sy Tompo tia koa;

Fiv : Hosana no atolotray
Anao, ry Tomponay!
:,: Ity no andro Jobily
Ka hifalianay.:,:

2. Hosana! (in-3)
Hosana ho Anao anie,
Ry Kristy Tomponay!
Fa avy Hianao tokoa
Hanjaka aminay!
Hosana, sns…

3. Hosana! (in-3)
Hosana! Fa ho sambatra.
Izay mpanomponao;
Tsy hisy fahoriana
Ety an-taninao!
Hosana, sns…

4. Hosana! (in-3)
Hosana! Fa miomana
‘Zahay vahoakanao
Hitsena Anao Mpanjakanay
Raha avy Hianao!
Hosana, sns…

5. Hosana! (in-3)
Hosana! Raisonao tokoa,
Ry Tompo tianay,
Ny dera, laza, saotra koa,
Izay aterinay!
Hosana, sns…

172 – Hoderaiko lalandava Jeso ‘lay Mpanavotro !

1. Hoderaiko lalandava
Jeso ‘Lay Mpanavotro !
Noho ny fitiavana ahy,
Maty mba ho soloko.

Fiv : Hoderaiko, hoderaiko
Fa ny rany masina
Nentiny hanavotra ahy :
Afaka ny heloko !

2. Holazaiko lalandava
Ny tantara mamiko,
Zay nitadiavana ahy
Very noho ny heloko !
Hoderaiko, sns…

3. Hohiraiko lalandava
‘Zao ny voninahiny,
Fa ny fahafatesana aza
Resy noho ny heriny !
Hoderaiko, sns…

170 – Ry Jeso, ny fitiavanao no ifalianay

1.Ry Jeso, ny fitiavanao
No ifalianay,
Fa voavono Ianao
Hisolo voina anay !

Fiv : Mba raisonao re
Ny saotra aterinay izao,
Ho fanajana
Anao Mpamonjy tia !

2.Mahery ny fitiavanao
Ka itokianay ;
Izay mikambana Aminao
Dia tsy hangahiahy
Mba raisonao, sns…

3.Ambony ny fitiavanao
Ka tsy mba takatray !
Kanefa noho ny herinao
Hiezaka izahay
Mba raisonao, sns…

4.Hiezaka izahay, Jeso,
Ka mba ho tia Anao,
Ka tsy hatahotra eso koa
Noho ny Aminao !
Mba raisonao, sns…

169 – Ry Tompo Andriamanitra mpanao izao rehetra izao

1. Ry Tompo Andriamanitra,
Mpanao izao rehetra izao!
Midera Anao ny lanitra,
Ny tany koa mitsaoka Anao.

2. Hianao no Ray mandrakizay,
Mpanao izao tontolo izao.
Tongava re, ka mba tahio
Ny vavakay atao anio.

3. Ry Kristy ô, Mpanavotra,
Mpamonjy be fìtia tokoa;
Hianao no Zanaky ny Ray
Ka mendrika haja, saotra koa,

4. Fanahy Masino ô, avia,
Sasao ho voadio izahay
Hanoa sy hanara-dia
Ilay Mpamonjy Tomponay.

5. Anao ny voninahitra
Sy dera tsy mitsahatra
Ry Telo izay Iray, Tsitoha.
Ray, Zanaka, Fanahy koa.

149 – Efa lasa Jeso Tompo

1. Efa lasa Jeso Tompo,
Hanamboatra izao
Fitoera-mahafaly
Iza re no tsy hankao?

Fiv : Fa ao ankoatr’i Jordana,
Ao an-danitra ao ambony
Misy fitsarahan-tsara
Ho an’ny madio.

2. Tany tsy idiran’ota,
Tany masina sy soa,
Ka izay rehetra hankany
Dia ho masina avokoa:
Fa ao, sns…

3. Fa izay matoky tena,
Ny tsy mety mino koa,
Tsy avelany hankany,
Fa ho laviny tokoa:
Fa ao, sns…

4. Ny mandao, ny fomba ratsy
Ny mahazo fo vaovao,
Ny navotan’i Jesosy,
Dia izy no hankao:
Fa ao, sns…

5. Ry mpanota saiky very!
Mibebaha re anio;
Maniria hovonjena,
Ka ny fahotana ario:
Fa ao, sns…

147 – Lasa ny Mpanavotsika

1. Lasa ny Mpanavotsika,
Ao an-danitra ary,
Mba hanoman-trano tsara,
Hitoerantsika ao.
:,: Mifalia,:,:
Ho tafiditra ao tokoa.

2. Lasa ny Mpisorontsika
Ao an-danitra ary
Ho Mpisolo vava koa
Ho an’olo-marobe.
:,: Matokia,:,:
Tsy ho very Hianao.

3. Lasa ny Mpanjakantsika
Ao an-danitra ary,
Mba handray ny fanjakana
Mety ho anjarany.
:,: Mihobia,:,:
Asandrato re ny feo.

148 – Ry varavaran-danitra ô!

1. Ry varavaran-danitra ô!
Ampandrosoy ny Tomponao,
Fa fandresena lehibe,
No efa vitany taty.

2. Moa iza izao Mpanjaka izao?
Mpandresy iza re izao?
Ny lazany manerana
Ny tany sy ny lanitra.

3. Io no Kristy Mparnonjy soa
Nisolo olo-meloka,
Ka satro-boninahitra
No mendrika ny lohany.

4. Anjaranao, ry foko ô!
Hanompo sy hanaraka
‘Lay Kapiteny lehibe
Nialoha ao an-danitra ao.

5. Ry Kristy ô! Mpanavotray!
Irinay mba ho hita koo
Izany voninahitrao
Sy ny fiandriananao.

6. Raha tapitra ny andronay,
Vohay ny varavaranao,
Ny trano namboarinao
Honenanay mandrakizay.