Catégorie : 06 – Ny Fiangonana

1. Ry Jeso Tompo, Avotray,
Mitomoera aminay;
Aidino ny Fanahinao,
Tahio izahay izao.

2. Ny sitrakao mba ambarao
Ho fantatray ny hevitrao;
Ny fonay amboaronao
Hahay handray ny teninao.

3. Ny vavanay hasinonao
Hahaizanay hisaotra Anao.
Fa be ny soa azonay
Nomenao, ry Mpanavotray.

4. Rahatrizay ny olonao
Hihoby sy hidera Anao,
Fa masina, fa masina,
Fa masina i Jehovah.

1. Ry Mpampianatra mahay
Fanahy Mpanazava,
Ampianaro izahay
Handroso lalandava.
Ny indrafon’ny Tomponay
Velaro eo imasonay
Ho fantatray mazava.

2. Mivory eto izahay
Handre ny tenin’aina,
Ka hazavao ho fantatray
Ny hevitra lazaina;
Ovay ny sainay sy ny fo
Hamantatra sy hankato
Ny tenin’ny Mpamonjy.

3. Raha hodimandry izahay,
Ka tonga ny anjara,
Bitsiho ao an-tsofinay
No tokin’aina tsara:
Ataovy mora hitanay
Ny tavan’ny Mpanavotray,
Izay hery mahavonjy.

1. Mba miangavy, Tompo ô!
Iraho ny Fanahinao,
Vangio ny mpanomponao
Ampianaro izy izao!

2. Ampaladio ny sofinay
Handraisanay ny teninao,
Tendreo koa ny lelanay,
Hahaizanay hidera Anao.

3. Hiely be ny lazanao
Ambara-pahatonganao
Hitsara izao tontolo izao,
Hampody ny navotanao.

4. Fanahy, Zanaka sy Ray,
Mba raiso ny fisaoranay;
Ka raha hiala aty izahay,
Hidera Anao rahatrizay.

1. Ry Jesosy Tomponay!
Indreto izahay mivory,
Nefa tsy mahay mandray
Izay ambaranao akory;
Ka iraho ny Fanahy
Mba hanampy sy hitahy.

2. Maizin-tsaina izahay,
Fa taranaka mpanota;
Simba ny fanahinay,
Tena voasaron’ota,
Tompo tsara ô, tongava,
Aposahy ny mazava.

3. Ry Mazava lehibe,
Taominao ny fo malaina,
Tairo mba hifoha re,
Ka handray ny tenin’aina;
Ny fivavakay valio,
Ny ataonay mba tahio